កំពត ៖ បុរសម្នាក់នេះ សង្ស័យស្រវឹងស្រាជោកជាំហើយ ទើបពេជិះម៉ូតូក្បែររថយន្តបែរជាជាន់ហ្វ្រាំងទាំងបង្ខំបណ្តាលឱ្យដួលម៉ូតូច្រងាប់ច្រងិលរបួសធ្ងន់ដោយខ្លួនឯង ។ហេតុការណ៍ភ្ញាក់ផ្អើលនេះ បានកើតឡើងកាលពីវេលាម៉ោង ៥និង២៥នាទីល្ងាច ថ្ងៃទី០៨ខែមេសា ឆ្នាំ២០១៨ ត្រង់ចំណុចមុខធនាគារអេសីុលីដា ក្នុងភូមិដំណាក់ចង្អើរ សង្កាត់ព្រៃធំ ក្រុង-ខេត្តកែប។តាមប្រភពពីកន្លែងកើតហេតុបានឱ្យដឹងថា មុនដំបូងគេឃើញជនរងគ្រោះជិះម៉ូតូម៉ាកវេវ ម្នាក់ឯងពីលិចទៅកើត លុះមកដល់ចំណុចផ្លូវកែងជាបី មុខធនាគារអេស៊ីលីដា គាប់ជួនមានរថយន្តចេញមកពីផ្លូវកែង ទើបធ្វើឱ្យបុរសរងគ្រោះវាក់អើជាមួយនឹងរថយន្តហើយចាប់ហ្វ្រាំងបោកដួលត្រឡប់ត្រឡិនម្នាក់ឯងបណ្តាលឱ្យរងរបួសធ្ងន់ ។ ដោយឡែក រថយន្តពេលឃើញសភាពបែបនេះក៏បានបន្តដំណើរទៅបាត់តែម្តង។បើយោងតាមសមត្ថកិច្ចមូលដ្ឋានបាននិយាយថា គ្រោះថ្នាក់ខាងលើនេះ ផ្តើមដោយសារបុរសរងគ្រោះផឹកស្រាស្រវឹងវង្វេងមិនដឹងខ្យល់ ហើយជិះម៉ូតូលឿនលើសកម្រិត ហើយពេលមកដល់ផ្លូវកែងក៏ឃើញរថយន្តបើកចេញមក ចាប់ហ្វ្រាំងបង្ខំទើបធ្វើឱ្យម៉ូតូដួលខ្លួនឯងបណ្តាលឱ្យរងរបួសបែបនេះតែម្តង ។ សមត្ថកិច្ចបានបញ្ជាក់ទៀតថា ជនរងគ្រោះ ឈ្មោះ សៀង មឿន ភេទប្រុស អាយុ៤១ឆ្នាំ មុខរបរកសិករ រស់នៅក្នុងភូមិអូរក្រសារ សង្កាត់អូរក្រសារ ក្រុង-ខេត្តកែប។បច្ចុប្បន្ន បុរសរងគ្រោះត្រូវបានរថយន្តសាម៉ុយរបស់ស្នងការនគរបាលខេត្តកែប ដឹកបញ្ជូនទៅសង្គ្រោះនៅឯមន្ទីរពេទ្យ ៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ