កែប ៖ នៅរសៀលថ្ងៃអាទិត្យ ១៥កើត ខែពិសាខ ឆ្នាំច សំរិទ្ធិស័ក ព.ស.២៥៦១ ត្រូវនឹងថ្ងៃទី២៩ ខែមេសា ឆ្នាំ២០១៨ គឺជាថ្ងៃដែលប្រជាពលរដ្ឋទូទាំង ព្រះរាជាណាចក្រកម្ពុជាបានចូលរួមប្រារព្ធពិធីបុណ្យជាតិដ៏ធំមួយ គឺ វិសាខបូជា។ នៅក្នុងពិធីថ្ងៃនេះផងដែរ លោក កែន សត្ថា អភិបាល នៃគណៈអភិបាលខេត្តកែប និងអស់លោកជា អភិបាលរងខេត្ត លោក លោកស្រី ជាមន្ត្រីរាជការគ្រប់ស្រទាប់ រួមនិងព្រះសង្ឃ ប្រជាពលរដ្ឋ អញ្ជើញចូលរួមក្នុងពិធី នោះផងដែរដោយបាននាំយកនូវ ទៀន ធូប ភ្ញីផ្កា និងដង្វាយព្រះដង្ហែរគ្រឿងសក្ការបូជាទៅថ្វាយដល់ព្រះពុទ្ធបដិមាករ និងព្រះសង្ឃនៅវត្តសត្ថាធម្មវិហារ(ហៅវត្តភ្នំពោន)។សូមរំលឹកអំពី ពិធីបុណ្យ «វិសាខបូជា» គឺជាបុណ្យមួយយ៉ាងធំ ក្នុងព្រះពុទ្ធសាសនា រាប់ថា ជាពុទ្ធានុស្សរណកិច្ចដ៏សំខាន់ សំរាប់រំលឹកដល់ព្រះពុទ្ធសមណគោត្ដមបរមគ្រូ នាថ្ងៃពេញបូណ៌មី (គីថ្ងៃ១៥កើត) ខែពិសាខ ដែលពុទ្ធសាសនិក ទាំងព្រះសង្ឃ ទាំងគ្រហស្ថ តែងធ្វើសក្ការបូជា ប្រកបដោយជំនឿថា ជាមហាកុសលដ៏ប្រសើរ។ការដែលប្រារឰពិធីបូជានាថ្ងៃ១៥កើត ខែពិសាខនេះ អាស្រ័យដោយលោកអ្នកប្រាជ្ញខាងពុទ្ធសាសនា បានកំណត់ទុកក្នុងគម្ពីរបឋមសម្ពោធិថា ជាមហាមង្គលអភិលក្ខិតកាល គឺជាថ្ងៃមហាមង្គល ត្រូវនឹងថ្ងៃដែលព្រះសម្ពុទ្ធបរមគ្រូ៖១៖ ទ្រង់ប្រសូតចាកឧទរមាតា២៖ ទ្រង់ត្រាស់ដឹងអនុត្ដរសម្មាសម្ពោធិញាណ៣៖ ទ្រង់រំលត់ខន្ធចូលកាន់ព្រះបរមនិព្វានសម្ដេចព្រះបរមសាស្ដ្រាចារ្យរបស់យើង ទ្រង់ប្រសូត ត្រាស់ដឹង និងបរិនិព្វាន សុទ្ធតែ ក្នុងថ្ងៃពេញបូណ៌មី ខែពិសាខ ទាំងអស់ខុសតែឆ្នាំប៉ុណ្ណោះ។ ព្រោះហេតុនោះហើយបាន ជាអ្នកប្រាជ្ញចងក្រងជាគាថាទុកដូច្នេះថា៖ អាសាឡ្ហបុណ្ណមោក្កន្ដោ វិសាខេ យេវ និក្ខមិ វិសាខបុណ្ណមី សម្ពុទ្ធោ វិសាខេ បរិនិព្ធតោ។ក្នុងឱកាសនោះផងដែរឯកឧត្ដមអភិបាលខេត្ត ក៏បានបួងសួងថ្វាយព្រះពរជ័យថ្វាយព្រះមហាក្សត្រ ព្រះមហាក្សត្រី ជាសម្តេចម៉ែ សម្តេចយាយ សម្តេចយាយទួត មុនីនាថ សីហនុ និង ប្រគេនពរដល់ព្រះសង្ឃគ្រប់ព្រះអង្គ និង ជូនពរថ្នាក់ដឹកនាំរាជរដ្ឋភិបាល ព្រឹទ្ធសភា រដ្ឋសភា ប្រជាពលរដ្ឋទូទាំងប្រទេស សូមឱ្យជួបសេចក្តីសុខចម្រើន អាយុយឺនយូរ ប្រកបកិច្ចការអ្វីសូមឲ្យបានដូចក្តីប្រាថ្នា និងទទួលយកនូវមហាកុសល ផលបុណ្យរៀងៗខ្លួន។ដោយឡែក នៅព្រឹកថ្ងៃច័ន្ទ១រោច ខែពិសាខ ឆ្នាំច ព.ស ២៥៦១ ត្រូវនឹងថ្ងៃទី៣០ខែមេសា ឆ្នាំ២០១៨ លោក កែន សត្ថា អភិបាលខេត្តកែប ព្រមទាំងសហការី និងមន្ត្រីរាជការទូទាំងខេត្ត ក៏បានប្រគេន- រាប់បាតព្រះសង្ឃ និងសម្ពោធសមិទ្ធផលនានាក្នុងវត្តសត្ថាធម្មវិហារ(ហៅវត្តភ្នំពោន) ដែលស្ថិតក្នុងឃុំពងទឹក ស្រុកដំណាក់ចង្អើរ ខេត្តកែប៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ