(កំពត)៖ នៅរសៀលថ្ងៃអាទិត្យខែពិសាខឆ្នាំច សំរឹទ្ធិស័ក ព.ស២៥៦១ ត្រូវថ្ងៃនឹងទី២៩ ខែមេសា ឆ្នាំ២០១៨រដ្ឋបាលខេត្តកំពតបានប្រារព្ធពិធីបុណ្យវិសាខបូជា ដែលពិធីនេះបានធ្វើឡើងនៅប្រាសាទដើមពោធិ៍ស្ថិតក្នុងភូមិ១ឧសភាសង្កាត់កំពង់កណ្ដាលក្រុងកំពត ក្រោមវត្តមានចូលរួមពីសំណាក់ លោក ជាវ តាយ អភិបាល នៃគណៈអភិបាលខេត្តខេត្ត លោក អ៉ឹង ម៉េងហួរ ប្រធានក្រុមប្រឹក្សាខេត្តព្រមទាំង លោកលោកស្រីក្នុងជួរក្រុមប្រឹក្សានិងគណៈអភិបាលខេត្ត ក្រុង ស្រុក និងថ្នាក់ដឹកមន្ត្រីរាជការនៃមន្ទីរ អង្គភាពជុំវិញខេត្ត រួមនិងព្រះសង្ឃ ប្រជាពលរដ្ឋពុទ្ធបរិស័យ៉ាងច្រើនកុះករ។ពិធីបុណ្យ បានប្រព្រឹត្តទៅដោយដង្ហែរប្រទក្សិណជុំវិញប្រាសាទដើមពោធិ៍ បន្ទាប់មកធ្វើពិធីបូជាទៀន ធូបគ្រឿងសក្ការៈទៅតាមលំអានពុទ្ធប្បវត្តិដែលទាក់ទងព្រះអង្គទ្រង់ប្រសូត ទ្រង់ត្រាស់ដឹងនិងទ្រង់បរិនិព្វាន ដែលជាថ្ងៃមង្គលដ៏ប្រសើរ។បុណ្យវិសាខបូជា មិនថាតែនៅកម្ពុជាយើងទេ គឺនៅថ្ងៃនេះពុទ្ធសាសនិកជនទូទាំងពិភពលោក ក៏បាននាំគ្នាប្រារព្ធពិធីបុណ្យសាសនា ដ៏សំខាន់នេះផងដែរ។បុណ្យវិសាខបូជា គឺជាពិធីបុណ្យសាសនាដ៏សំខាន់បំផុត ក្នុងចំណោមបុណ្យសាសនាដទៃៗទៀត ហើយគោលបំណងនៃពិធីបុណ្យនេះ គឺចង់បង្ហាញនូវការគោរពរំឭកនឹកដល់ព្រឹត្តិការណ៍ធំៗបី នៃសម័យកាលរបស់ព្រះសម្មា សម្ពុទ្ធសមណគោត្តម គឺថ្ងៃដែលព្រះអង្គទ្រង់បានប្រសូត បានត្រាស់ដឹង និងជាថ្ងៃចូលបរិនិព្វានផងដែរ។ ព្រឹត្តិការណ៍ទាំងបីនេះគឺកើតឡើងចំថ្ងៃ ១៥កើត ខែពេញបូរមី ដែលមានព្រះច័ន្ទពេញវង់ ក្នុងខែពិសាខដូចគ្នាខុសតែឆ្នាំតែប៉ុណ្ណោះ។មានប្រសាសន៍សំណេះសំណាលក្នុងឱកាសនោះ លោក ជាវ តាយអ ភិបាលខេត្ត បានចាត់ទុកពិធីបុណ្យនាពេលនេះគឺផ្ដើមចេញពីកត្តាប្រទេសជាតិមានសុខសន្តិភាពដែលជាមូលដ្ឋានគ្រឹះផ្ដល់់ឱកាសសម្រាប់ប្រជាពលរដ្ឋយើងនិងរាជរដ្ឋាភិបាល បានរួមគ្នាកសាងនិងអភិវឌ្ឍប្រទេសជាតិមានការរីកចម្រើនដូចសព្វថ្ងៃនេះ ក្នុងនោះក៏រាប់ទាំងការគោរពជំនឿប្រពៃណីសាសនាដូចបានធ្វើនាពេលនេះផងដែរ។ ដូចនេះ លោកជាវ តាយអភិបាលខេត្តក៏អំពាវនាវក្រើនរំលឹកដល់ប្រជាពលរដ្ឋយើងទាំងអស់គ្នាត្រូវរួមសាមគ្គីចេះស្រឡាញ់រាប់អានគ្នា ដើម្បីរួមគ្នាគិត រួមគ្នាធ្វើ នឹងរួមគ្នាដោះស្រាយ រួមគ្នា ទទួលខុសត្រូវ សំដៅអភិវឌ្ឍន៍ខេត្តកំពតឱ្យបានកាន់តែរីកចម្រើនបន្តទៀត។ ជាមួយឱកាសនោះ លោក ជាវ តាយ ក៏បានប្រគេនបញ្ច័យចំនួនជាង១២លានរៀលសម្រាប់ចាត់ចែងក្នុងពិធីបុណ្យនេះនិងបានធ្វើទានជូនជាថវិកា ដល់អ្នកចូលរួមជាច្រើនរយនាក់មានសិស្សម្នាក់ៗ១ម៉ឺនរៀលនិងចាស់ៗម្នាក់ៗ២ម៉ឺនរៀលផងដែរ។ លុះព្រឹកឡើងកម្មវិធីបុណ្យក៏មាននិមន្តព្រះសង្ឃរាប់បាតជាច្រើនរយអង្គជាកិច្ចបញ្ចប់កម្មវិធីបុណ្យ៕ សេង ណារិទ្ធ
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ