កំពត ៖ កូនប្រុសដែលសម្លាប់ម្តាយបង្កើតខ្លួនឯង ថែមទាំងកាត់ម្រាមដៃយកទៅបាត់ ដូចរឿង"អង្គុលីមា" ក្រោយពីគេចខ្លួនបានរយៈពេល១សប្តាហ៍នោះ ឥឡូវត្រូវបានសមត្ថកិច្ចនគរបាលខេត្តកំពត សហការជាមួយសមត្ថកិច្ចនគរបាលខេត្តពោធិ៍សាត់ឃាត់ខ្លួនបានហើយកាលពីរសៀលថ្ងៃទី២៨ខែមេសា ឆ្នាំ២០១៨ នៅចំណុចភូមិទួលគ្រួស ឃុំប្រមោយ ស្រុកវាលវែង ខេត្តពោធិ៍សាត់ រួចនាំខ្លួនជនសង្ស័យមកកាន់ខេត្តកំពត ដែលជាម្ចាស់ដើមសាមីុករណីនៅល្ងាចថ្ងៃដដែលនេះ។តាមការបញ្ជាក់ពីសមត្ដកិច្ចនៃស្នងការដ្ឋាននគរបាលខេត្តកំពត បានឱ្យដឹងថា ជនសង្ស័យឈ្មោះ ណុំ សុខរឿន ភេទប្រុស អាយុ២៧ឆ្នាំ ជាមុខសញ្ញាធ្លាប់ប្រព្រឹត្តគ្រឿងញៀន ក្រោយពីសម្លាប់ និងកាត់ម្រាមដៃម្តាយបង្កើតខ្លួនឯង ឈ្មោះ រៀម ហែ អាយុ៥០ឆ្នាំ នៅចំណុចផ្ទះម្តាយខ្លួន ស្ថិតក្នុងភូមិដំណាក់កន្ទួត ឃុំដំណាក់កន្ទួតខាងត្បូង ស្រុកកំពង់ត្រាច ខេត្តកំពត កាលពីយប់ថ្ងៃទី២២ខែមេសា ឆ្នាំ២០១៨ រួចជនសង្ស័យបានគេចខ្លួនបាត់ស្រមោល ទើបសមត្ថកិច្ចតាមប្រមាញ់រុករកគ្រប់ទីកន្លែង ដោយប្រើគ្រប់វិធី និងគ្រប់ជំនាញ ទីបំផុតទើបស្រាវជ្រាវដឹងថាជនសង្ស័យទៅពួនសំងំលាក់ខ្លួន នៅក្នុងភូមិសាស្ត្រស្រុកវាលវែង ខេត្តពោធិ៍សាត់ ទើបសមត្ថកិច្ចបានសហការគ្នាចុះទៅឃាត់ខ្លួនតែម្តង។គួររម្លឹកថា៖ កាលពីវេលាម៉ោង២២យប់ ថ្ងៃទី២២ខែមេសា ឆ្នាំ២០១៨ ប្រជាពលរដ្ឋមានការភ្ញាក់ផ្អើលដោយសារស្ត្រីរងគ្រោះ ឈ្មោះ រៀម ហែ ភេទស្រី អាយុ៥០ឆ្នាំ មានទីលំនៅក្នុងភូមិដំណាក់កន្ទួត ឃុំដំណាក់កន្ទួតខាងត្បូង ស្រុកកំពង់ត្រាច ខេត្តកំពត ត្រូវកូនប្រុសបង្កើតអារ.កសម្លាប់យ៉ាងព្រៃផ្សៃដេកស្លាប់ក្នុងថ្លុកឈាម នៅលើផ្ទះរបស់ខ្លួន រួចកូនប្រុសតិរច្ឆាននេះគេចខ្លួនបាត់ទាំងយប់ ហើយការប្រទះឃើញនេះ ខណៈប្តីស្ត្រីរងគ្រោះ ដែលត្រូវជាឪពុកបង្កើតជនដៃដល់ ត្រឡប់មកពីលេងផ្ទះបងប្អូនវិញ ដោយឃើញទ្វារចាក់សោរជាប់ ហើយក្រលេកមើលទៅក្រោមផ្ទះឃើញឈាមស្រក់មកក្រោម ក៏មានការសង្ស័យ ហើយគាស់ទ្វារចូលផ្ទះក៏ប្រទះឃើញស្ត្រីជាប្រពន្ធត្រូវកូនប្រុសបង្កើតអារ.កសម្លាប់យ៉ាងឃោរឃៅបែបនេះ ក៏មានការឆោឡោតែម្តង។បច្ចុប្បន្ន ជនសង្ស័យត្រូវបានសមត្ថកិច្ចរៀបចំសំណុំរឿង ដើម្បីបញ្ជូនទៅសាលាដំបូងខេត្តកំពតចាត់ការតាមផ្លូវច្បាប់៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ