ភ្នំពេញ ៖ នាថ្ងៃទី០៩រោច ខែចេត្រ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី០៩ ខែមេសា ឆ្នាំ២០១៨ វេលាម៉ោង១៣:០០នាទីរសៀល នៅសាលាខណ្ឌដូនពេញ មានរៀបចំពិធីសូត្រមន្តចម្រើនព្រះបរិត្ត អបអរសាទរពិធីបុណ្យចូលឆ្នាំថ្មី ប្រពៃណីជាតិ ឆ្នាំច សំរិទ្ធស័ក ព.ស២៥៦២ ក្រោមអធិបតីភាព លោក ហែម អាន ប្រធានក្រុមប្រឹក្សាខណ្ឌដូនពេញ លោក សុខ ពេញវុធ អភិបាល នៃគណៈអភិបាលខណ្ឌដូនពេញ និង ភរិយា និងដោយមានការចូលរួមពីលោកលោកស្រីអភិបាលរងខណ្ឌ នាយកនាយករងរដ្ឋបាលខណ្ឌ អធិការនគរបាលខណ្ឌ មេបញ្ជាការកងរាជអាវុធហត្ថខណ្ឌ ការិយាល័យជំនាញជុំវិញខណ្ឌ សង្កាត់ទាំង១១ និង កម្លាំងប្រជាការពារខណ្ឌ សរុបប្រមាណជាង១៥០នាក់ ។ជារៀងរាល់ឆ្នាំនៅមុនថ្ងៃចូលឆ្នាំថ្មីមកដលមកដល់រដ្ឋបាលសាលាខណ្ឌដូនពេញតែងធ្វើពិធីសូត្រមន្តជារៀងរាល់ឆ្នាំគឺក្នុងគោលបំណងអបអរសាទរបុណ្យចូលឆ្នាំថ្មីប្រពៃណីជាតិខ្មែរតាមបែបព្រះពុទ្ធសាសនា ដើម្បីប្រោះព្រំបួងសួងដំឡើងរាសីសុំពរជ័យសិរីមង្គលវិបុលសុខគ្រប់ប្រការកើតមានដល់គណៈអភិបាលខណ្ឌប្រធានអនុប្រធានស្ថាប័ន មន្ត្រីកាំ បុគ្គលិកកាំ ប្រចាំការងារនៅសាលាខណ្ឌដូនពេញនិងមន្ត្រីរាការកងកម្លាំងប្រជាជនទាំងអស់នៅក្នុងសង្កាត់ក្រោមឲវាតខណ្ឌដូនពេញនាឱកាសឆ្នាំថ្មី ហើយជម្នះគ្រប់ឧបសគ្គ និងជៀសចាកឆ្ងាយពីឧបទ្រពទាំងពួងកុំបីឃ្លៀងឃ្លាតឡើយ។សូមបញ្ជាក់នៃពិធីសូត្រមន្ត ពិធីបុណ្យសូត្រមន្តមានពីរបែបគឺ សូត្រមន្តចំណាប់ផ្ដើមពិធីបុណ្យប្រពៃណីជាតិផ្សេងៗ និងសូត្រមន្តបណ្ដេញឧបទ្រពចង្រៃ ឬរំដោះគ្រោះ យោងគ្រោះ ប្រទាក់ស្មាព្រាហ្ម រួចរៀបចំលើករាសី។ពិធីសូត្រមន្តធ្វើឡើងដើម្បី៖ ចម្រើនសិរីសួស្ដី និងជាការបើកកម្មវិធីបុណ្យដើម្បីជាការគោរពបូជាចំពោះព្រះពុទ្ធ ព្រះធម៌ ព្រះសង្ឃ ព្រមទាំងប្រកាសចំពោះទេវតា ម្ចាស់ទឹកម្ចាស់ដី ថែរក្សានៅទីកន្លែងនោះ ដូចជា៖ បុណ្យកឋិន បុណ្យផ្កា បុណ្យបច្ច័យបួន បុណ្យបញ្ចុះសីមា … ។ដើម្បីជម្រះឧបទ្រពចង្រៃ លើករាសីឲ្យមានសិរីមង្គលដូចជា៖ ពិធីឡើងផ្ទះ បុណ្យចូលឆ្នាំថ្មី មង្គលការ ពិធីរំដោះគ្រោះ ពិធីយោងគ្រោះ ពិធីប្រទាក់ស្មាព្រាហ្ម ពិធីលើករាសី។អត្ថន័យចុងក្រោយនេះមានសារៈសំខាន់មួយដែរ ព្រោះនាំឲ្យសាមីជនទទួលបានកម្លាំងចិត្ត មានជំនឿថា ខ្លួនពិតជាបានសុខសប្បាយចៀសផុតពីគ្រោះថ្នាក់ទាំងពួង។ ដូចនេះ ការប្រកបការងារចិញ្ចឹមជីវិតមានលំនឹង រីកចម្រើនទៅមុខជាដរាប ៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ