កំពត ៖ នៅព្រឹកថ្ងៃទី២៩ ខែមីនា ឆ្នាំ២០១៨ លោក ជាវ តាយ អភិបាល នៃគណៈអភិបាលខេត្តកំពត បានអញ្ជើញចុះជួបសំណេះសំណាលជាមួយកងកម្លាំងប្រដាប់អាវុធ មន្ត្រីរាជការ អាជ្ញាធរដែនដីគ្រប់លំដាប់ថ្នាក់នៅស្រុកដងទង់ខេត្តកំពត ។បន្ទាប់ពីលោក សុីវ ភេង អភិបាលស្រុកដងទង់បានធ្វើរបាយការណ៍ស្វាគមអំពីស្ថានភាពភូមិសាស្ត្រទឹកដី ការងារគ្រប់គ្រង និងស្ថានភាពជីវភាពរស់នៅរបស់ប្រជាពលរដ្ឋនៅទូទាំងស្រុករួចមក លោក ជាវ តាយ បានសំដែងការកោតសសើរដល់អាជ្ញាធរដែនដីគ្រប់លំដាប់ថ្នាក់ កងកម្លាំងប្រដាប់អាវុធគ្រប់អង្គភាព ដែលបានរួមគ្នាសហការសាមគ្គីធ្វើការកសាងសមិទ្ធិផលនានានៅមូលដ្ឋានមានការរីកចំរើនធ្វើឲ្យជីវភាពរបស់ប្រជាពលរដ្ឋ មានភាពរីកចម្រើនពីមួយថ្ងៃទៅមួយថ្ងៃ។ លោកអភិបាលខេត្តបានលើកឡើងទៀតថា បើទោះជាបែបណា ត្រូវតែខិតខំពុះពារបន្ថែមទៀត ពិសេសជំរុញលើវិស័យកសិកម្មដែលជាវិស័យឈានមុខគេនៅក្នុងស្រុក បន្ទាប់មកការរៀបចំទីផ្សារឲ្យកាន់តែមានដំណើរល្អទើបប្រជាពលរដ្ឋមានការងារធ្វើកាន់តែច្រើនមានប្រាក់ចំណូលកាន់តែខ្ពស់ ដែលធ្វើឲ្យជីវភាពរបស់ពួកគាត់កាន់តែធូរធាមានការរីកចំរើនជាលំដាប់ ។លោកអភិបាលខេត្ត ក៏បានរំលឹកផងដែរដល់អាជ្ញាធរគ្រប់លំដាប់ថ្នាក់ កងកម្លាំងមានសមត្ថកិច្ចនិងអង្គភាពពាក់ព័ន្ធទាំងអស់នៅក្នុងស្រុកដងទង់ទាំងមូល ត្រូវបន្តពង្រឹងសេវាសាធារណៈឲ្យបានទូលំទូលាយ ដូចជាតម្រូវការចាំបាច់ឬបញ្ហាប្រឈមនានា ក៏ដូចជាសំណូមពររបស់ប្រជាពលរដ្ឋ ពិសេសលើផ្នែកសុខភាព សេវារដ្ឋបាល ដីធ្លី លំនៅដ្ឋាន អនាម័យនិងបរិស្ថាននិងសេវាចាំបាច់មួយចំនួនទៀត ។ជាមួយនេះដែរ លោកអភិបាលខេត្តក៏បានជុំរុញដល់កម្លាំងមានសម្ថកិច្ចបន្តពង្រឹងបន្ថែមទៀតនូវគោលនយោបាយភូមិឃុំមានសុវត្ថិភាពក្នុង ដូចជាការ ការពារសន្តិសុខ សណ្តាប់ធ្នាប់ ដោយឈានទៅលប់បំបាត់ឲ្យខានតែបាន នូវបទល្មើសផ្សេងៗនៅគ្រប់មូលដ្ឋានទូទាំងតំបន់ នៃស្រុកដងទង់ទាំងមូល៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ