កែប ៖ ជនសង្ស័យជាជនជាតិអាមេរិកាំង ពាក់ព័ន្ធនឹងករណីឃាតកម្ម អារ.ក សម្លាប់ស្ត្រីជាបុគ្គលិកម៉ាស្សា ស្ថិតក្នុងហាង លីដា ខ្មែរម៉ាស្សា ចំណុចផ្សារក្តាម ស្ថិតក្នុងភូមិថ្មី សង្កាត់ព្រៃធំ ក្រុងកែប ខេត្តកែប កាលពីយប់ ថ្ងៃទី២៧ខែកុម្ភៈ ឆ្នាំ២០១៨នោះ ត្រូវបានសមត្ថកិច្ចនៃស្នងការដ្ឋាននគរបាលខេត្តកែប សម្រេចបញ្ជូនទៅកាន់សាលាដំបូងខេត្តកំពត នារសៀលថ្ងៃទី០២ខែមីនា ឆ្នាំ២០១៨នេះហើយ។លោកឧត្តមសេនីយ៍ទោ អីុង សំអុល ស្នងការនគរបាលខេត្តកែប បានឲ្យដឹងថា ជនសង្ស័យជាជនជាតិអាមេរិកកាំងរូបនេះ ឈ្មោះSANCHEZ SHAWN DANIELភេទប្រុស ឆ្នាំកំណើត ថ្ងៃទី15ខែមីនា ឆ្នាំ1993 កាន់លិខិតឆ្លងដែនលេខ 546310853។លោកស្នងការបានបញ្ជាក់ផងដែរថា ក្រោយពីប្រមាញ់រុករករហូតឈានទៅឃាត់ខ្លួនយកមកសាកសួរជនសង្ស័យនេះមិនទាន់ឆ្លើយសារភាពនៅឡើយទេ ប៉ុន្តែសមត្ថកិច្ចបានដាក់បន្ទុករួចទៅហើយ ដោយសារជនសង្ស័យមានស្លាកស្នាមក្រចកដៃស្ត្រីរងគ្រោះខ្ញាំនៅលើផ្ទៃមុខនិងកជាដើម។ម្យ៉ាងទៀតសមត្ថកិច្ចក៏បានរកឃើញភស្តុតាងជាច្រើនទៀតដែលជនសង្ស័យជាជនជាតិអាមេរិកាំងនេះលាក់ទុកដូចជាកូនកាំបិតកៃ ខោប្រឡាក់សុទ្ធតែឈាម ព្រមទាំងវត្ថុតាងជាច្រើននិងការចង្អុលបង្ហាញពីសាក្សីមួយចំនួនទៀត។សូមរំឭកថា ៖ កាលពីយប់ ថ្ងៃទី២៧ខែកម្ភៈ ឆ្នាំ២០១៨ មានការភ្ញាក់ផ្អើលដ៏កក្រើក ខណៈស្ត្រីជាបុគ្គលិកក្នុងហាងម៉ាស្សា យីហោ លីដា ខ្មែរម៉ាស្សា ស្ថិតចំណុចផ្សារក្តាម ក្នុងភូមិថ្មី សង្កាត់ព្រៃធំ ក្រុងកែប ឈ្មោះ ឡុច សុខគៀង ភេទស្រីអាយុ២៧ឆ្នាំ រស់នៅភូមិកែវក្រសាំង សង្កាត់កែប ក្រុងកែប និងមានស្រុកកំណើតនៅភូមិព្រៃសំបួរ ឃុំមៀន ស្រុកអូររាំងឪ ខេត្តត្បូងឃ្មុំ ត្រូវបាន ឃាតករ អារ.ក សម្លាប់ យ៉ាងព្រៃផ្សៃក្នុងថ្លុកឈាម។បន្ទាប់ពីមានករណីឃាតកម្មកើតឡើងសមត្ថកិច្ចក៏បានស្រាវជ្រាវតាមជំនាញរហូតកំណត់មុខសញ្ញាជនសង្ស័យដែលជាជនជាតិអាមេរិកាំងខាងលើនៅព្រឹកថ្ងៃទី២៨ខែកុម្ភៈ ឆ្បាំ២០១៨ រួចនាំខ្លួនមកធ្វើការសាកសួរតែម្តង៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ