កែប ៖ ក្រុមការងារជំនាញក្នុងអាណាចក្រខេត្តកែប នៅតែបន្តបើកយុទ្ធនាការក្តៅគគុកដើម្បីត្រួតពិនិត្យយានយន្តកែច្នៃខុសលក្ខណៈ បច្ចេកទេស នៅតាមដងផ្លួវនានានៃខ្សែក្រវាត់ក្រុងកែបទាំងមូល។ទាក់ទងនឹងការអនុវត្តដូចខាងលើ ក្រុមការងារចម្រុះបានឲ្យដឹងថា ដោយអនុវត្តតាមបទបញ្ជាដ៏ខ្ពង់ខ្ពស់ពីប្រមុខរាជរដ្ឋាភិបាលកម្ពុជា ក៏ដូចជាការណែនាំរបស់អាជ្ញាធរខេត្តកែប ដោយបានដាក់ទិសដៅដល់កម្លាំងសមត្ថកិច្ចជំនាញ ដើម្បីបើកយុទ្ធនាការបង្ក្រាបទៅលើរថយន្តគ្រប់ប្រភេទដែលកែច្នៃទ្រង់ទ្រាយខុសលក្ខណៈ បច្ចេកទេស ពិសេសរថយន្តធុនធ្ងន់ដែលជានិច្ចកាលតែងតែផ្ទុកលើសទម្ងន់ហើយបើកបរបំផ្លាញផ្លូវ ថែមទាំងបង្កភាពភ័យខ្លាចដល់អ្នកដំណើរកន្លងមក។ក្រុមការងារបានបញ្ជាក់ផងដែរថា ការអនុវត្តកាលពីរសៀលថ្ងៃទី២០ខែកុម្ភៈ រហូតមកដល់ព្រឹកថ្ងៃទី២១ខែកុម្ភៈ ឆ្នាំ២០១៨នេះ កម្លាំងបានត្រួតពិនិត្យលក្ខណៈបច្ចេកទេសរថយន្ត ស្ថិតចំណុចPK 21+600 នៃផ្លូវជាតិលេខ៣៣ ខាងកើតវិទ្យាល័យ ហ៊ុន សែនចំការដូង ក្នុងភូមិភ្នំលាវ ឃុំពងទឹក ស្រុកដំណាក់ចង្អើរ ខេត្តកែប ហើយការបើកយុទ្ធនាការនោះយើងក៏បានធ្វើការត្រួតពិនិត្យលើរថយន្ត ចំនួន៣៤គ្រឿង ដោយលទ្ធផលនៃការពិនិត្យគឺមានលក្ខណៈត្រឹមត្រូវពុំមានខុសទ្រង់ទ្រាយអី្វនោះឡើយ ទើបអនុញ្ញាតឲ្យបើកបរឆ្ពោះទៅរកគោលដៅរៀងៗខ្លួន។គួររំឭកថា៖ កាលពីសប្តាហ៍មុន ក្រុមការងារចម្រុះក៏បានបើកយុទ្ធនាការត្រួតពិនិត្យលើមធ្យោបាយដឹកជញ្ជូនធុនធ្ងន់ជាច្រើនគ្រឿង និងបានត្រួតពិនិត្យរថយន្តបានចំនួន៧៦គ្រឿង ដោយក្នុងចំណោមនោះ ក៏មានរថយន្តប្រភេទទួរីសចំនួន៣គ្រឿង ដែលមានកែច្នៃខុសលក្ខណៈ បច្ចេកទេសត្រូវបានសមត្ថកិច្ចតម្រូវឲ្យកែសម្រួលឡើងវិញផងដែរ។ជាមួយនឹងចំណាត់ការដ៏មឺុងម៉ាត់នេះដែរ ប្រជាពលរដ្ឋទូទាំងប្រទេស ពិសេសមហាជនក្នុងខេត្តកែបមានអំណរសាទរ នូវបទបញ្ជាដ៏ខ្ពង់ខ្ពស់របស់សម្តេចតេជោ ហ៊ុន សែន ប្រមុខដឹកនាំប្រទេស និងអាជ្ញាធរគ្រប់លំដាប់ថ្នាក់ដែលបានដាក់ទិសដៅដល់កម្លាំងសមត្ថកិច្ចជំនាញ ប្រើកណ្តាប់ដៃដែកបង្ក្រាបដល់រថយន្តខ្នាតធំគ្រប់ប្រភេទដែលកែច្នៃខុសលក្ខណៈបច្ចេកទេសនិងផ្ទុកលើសចំណុះ ហើយតែងតែបើកបរបំផ្លាញផ្លូវ ថែមទាំងបង្កភាពភ័យខ្លាចដល់អ្នកដំណើរ នាពេលកន្លងមក៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ