ព្រឹកថ្ងៃសៅរ៍ ៥រោច ខែបុស្ស ឆ្នាំរកា នព្វស័ក ព.ស២៥៦១ ត្រូវថ្ងៃទី០៦ ខែមករា ឆ្នាំ២០១៨នេះ លោក សុខ សម្បត្តិ ប្រធានគណបក្សប្រជាជនកម្ពុជាខណ្ឌព្រែកព្នៅ និងមន្ត្រីគណបក្សខណ្ឌព្រែកព្នៅ ព្រមទាំង មន្ត្រីគណបក្សសង្កាត់ពន្សាំង បានចុះសួរសុខទុក្ខ និងចែកអំណោយដល់ប្រជាពលរដ្ឋនិងជាសមាជិក បក្ស ចំនួន៥៣គ្រួសារ នៅភូមិត្រពាំងទទឹង សង្កាត់ពន្សាំង ខណ្ឌព្រែកព្នៅ រាជធានីភ្នំពេញ ។ អំណោយរួមមាន ៖ អង្ករ៣០គីឡូក្រាម និងថវិកា ១មុឺនរៀល ។ លោក សុខ សម្បត្តិ បានមានមតិសំណេះសំណាលដោយបាននាំយកការផ្តាំផ្ញើរសាកសួរសុខទុក្ខរបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជាឧត្តមភរិយារបស់សម្តេច, ឯ.ឧ ប៉ា សុជាតិវង្ស ប្រធានគណបក្សប្រជាជនកម្ពុជារាជធានីភ្នំពេញ, ឯ.ឧ ឃួង ស្រេង ប្រធានក្រុមការងារចុះជួយខណ្ឌព្រែកព្នៅ និងជាអភិបាល នៃគណៈអភិបាលរាជធានីភ្នំពេញ ជូនប្រជាពលរដ្ឋនិងសមាជិកបក្សដែលបានអញ្ជើញមកទទួលយកអំណោយ។លោក សុខ សម្បត្តិ បាន សង្កត់ធ្ងន់ថាមានតែគណបក្សប្រជាជនកម្ពុជាទេដែលតែងតែយកចិត្តទុកដាក់ជានិច្ច ជាប្រចាំ ចំពោះប្រជាពលរដ្ឋនិងសមាជិកបក្សដែលមានជីវភាពខ្វះខាត ទីទ័លក្រ ដោយមិនបណ្តែត បណ្តោយ អោយប្រជាពលរដ្ឋឬសមាជិកបក្សរបស់ខ្លួនស្លាប់ដោយអត់បាយហូបនោះទេ ។ លោកប្រធានបក្ស ខណ្ឌព្រែកព្នៅក៏បានផ្តាំផ្ញើ- សូមប្រជាពលរដ្ឋ និងជាសមាជិកបក្សខិតខំថែរក្សាសុខភាពរបស់ខ្លួនឲ្យបានល្អប្រសើរ.- ខិតខំបំពេញតម្រូវការ ដោះស្រាយនូវសំណើរ សំណូមពរ របស់ប្រជាពលរដ្ឋ និងសមាជិបក្សអោយបានទាន់ពេលវេលា និងប្រកបដោយប្រសិទ្ធភាព.- ខិតខំប្រឹងប្រែងអភិវឌ្ឍមូលដ្ឋានតាមផែនការអភិវឌ្ឍមូលដ្ឋាន មានដូចជា ផ្លូវ ស្ពាន ស្រះទឹក អណ្តូងទឹក ទឹកស្អាតនិងភ្លើងអគ្គីសនី ដើម្បីប្រែក្លាយមូលដ្ឋានសង្កាត់មានការអភិវឌ្ឍឲ្យបានខ្លាំងក្លា ថែមទៀតសមមុខសមមាត់ជាសង្កាត់នៅក្នុងរាជធានីភ្នំពេញ។- ពង្រឹងនិងអនុវត្តគោលនយោបាយភូមិ/សង្កាត់មានសុវត្ថិភាពទាំង០៩ចំណុច ឲ្យបានខ្លាំងក្លាប្រកបដោយប្រសិទ្ធភាពខ្ពស់ជូនប្រជាពលរដ្ឋឲ្យទទួលបានសេចក្តីសុខនិងសុវត្ថិភាព ។- ពង្រឹងការផ្តល់សេវាសាធារណៈជូនប្រជាពលរដ្ឋឲ្យបានទាន់ពេលវេលា ។ កាន់តែល្អប្រសើរនិងប្រកបដោយប្រសិទ្ធភាពខ្ពស់ ។- មានតែគណបក្សប្រជាជនកម្ពុជាតែមួយគត់ដែលស្គាល់សុខទុក្ខរបស់ប្រជាជននិងជួយរក្សាសេចក្តីសុខ ខិតខំថែរក្សាសន្តិភាព រួមទាំងការអភិវឌ្ឍប្រទេស ជាតិឲ្យមានការរីកចម្រើនលើគ្រប់វិស័យជូនប្រជាជននិងមាតុប្រទេស៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ