ខេត្តកណ្តាល ៖ បុរសម្នាក់ ត្រូវគេចាក់ ជាច្រើនកាំបិត រងរបួស ១៧កន្លែង ស្លាប់យ៉ាងវេទនា បង្កការភ្ញាក់ផ្អើល នៅវេលាម៉ោង ប្រហែល ១៨និង១០ នាទី ថ្ងៃ់ទី២១ ខែមករា ឆ្នាំ២០១៨ នៅចំណុច ផ្ទះសំណាក់ សំណាងណាស់ ជាផ្ទះបន្ទប់ជួលលេខ១១ ជួរខាងត្បូង ស្ថិតនៅភូមិ ត្រពាំងសុក្រំ ឃុំបែកចាន ស្រុកអង្គស្នួល ខេត្តកណ្ដាល។តាមការពិនិត្យ សមត្ថកិច្ច បានរកឃើញ អត្តសញ្ញាណ ជនរងគ្រោះ មានឈ្មោះ នួន សុភាព ហៅ នួន ភាព ភេទប្រុស អាយុ ៥៨ឆ្នាំ ជនជាតិខ្មែរ មុខរបរបើក ហាងម៉ាស្សា និងជាអ្នកសារ ព័ត៌មាន សម្លេងប្រជាជន បច្ចុប្បន្នស្នាក់នៅ ភូមិស្រែអំពិល សង្កាត់ស្នោរ ខណ្ឌ ពោធិសែនជ័យ រាជធានីភ្នំពេញ។សាក្សីឈ្មោះ ចែម ប៊ុនធី ភេទប្រុស អាយុ ៣៤ឆ្នាំ មុខរបរ មើលការខុសត្រូវ ផ្ទះសំណាក់ នៅភូមិត្រពាំងសុក្រំ ឃុំបែកចាន ស្រុកអង្កស្នួល ខេត្តកណ្តាល បានឲ្យដឹងថា នៅថ្ងៃទី២១ ខែមករា ឆ្នាំ២០១៨ នៅម៉ោង ១២និង១៥ នាទី ជនរងគ្រោះ បានជិះម៉ូតូ ហុងដា សេ១២៥ ផលិតឆ្នាំ២០១៧ ពណ៌ខ្មៅ មិនចាំផ្លាកលេខ មកចូលផ្ទះសំណាក់ សំណាងណាស់ ដោយបានដឹកនារីម្នាក់ មកជាមួយផង ហើយចូលស្នាក់នៅ បន្ទប់លេខ១១។ក្រោយមក នៅម៉ោងប្រហែល ១៣និង៤៣ នាទី ឈ្មោះ ចាន់ សុខនីម ភេទស្រី អាយុ ៣២ឆ្នាំ មុខរបរ មើលការខុសត្រូវ ផ្ទះសំណាក់ បានឃើញ ស្រីម្នាក់ដែល មកដេកជាមួយ ជនរងគ្រោះនោះ បានចេញ មកខាងក្រៅបន្ទប់ អង្គុយលើម៉ូតូ របស់ជនរងគ្រោះ ដោយនិយាយ ទូរស័ព្ទថា ម៉េចអត់ស្គាល់ កន្លែងហ្នឹង ទេឫ? ចាំខ្ញុំចេញទៅយក ហើយក៏ចេញ ទៅបាត់ ទៅមិនឃើញត្រឡប់ មកវិញ។លុះដល់ម៉ោង ១៨និង០០ នាទី ថ្ងៃខែឆ្នាំដដែល ដោយមានការសង្ស័យ មិនឃើញមនុស្សនោះ ត្រឡប់មកវិញ ឈ្មោះ ចាន់ សុខនីម ក៏ដើរទៅមើល បន្ទប់លេខ១១ ឃើញទ្វារបន្ទប់ហើបបន្តិច ហើយឃើញ នៅក្នុងបន្ទប់ មានសភាពរញ៉េរញ៉ៃ និងឃើញសព មនុស្សប្រុសម្នាក់ ដេកស្លាប់ នៅក្បែរគ្រែ ទើបឈ្មោះ ចាន់ សុខនីម រត់ទៅប្រាប់ប្ដី ហើយក៏បានរាយការណ៍ ជូនសមត្ថកិច្ច។ សពមានស្នាម ចាក់និងកាំបិត ចុងស្រួចចំនួន ១៧កន្លែង ត្រង់ក្បាលពោះ និងទ្រូងជំរៅ ដល់ក្នុង ហើយសមត្ថកិច្ច បានសន្នដ្ឋានថា ឃាតកម្មនេះ ផ្ដើមចេញពី អំពើ ប្លន់យក ទ្រព្យសម្បត្តិ៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ