ភ្នំពេញ ៖ ដោយមើលឃើញពីទុក្ខលំបាករបស់បងប្អូនប្រជាពលរដ្ឋ លោកសុខ ពេញវុធ អភិបាលនៃគណៈអភិបាលខណ្ឌដូនពេញ បានដាក់ផែនការ ឲ្យការិយាល័យជំនាញពាក់ព័ន្ធ ចុះពិនិត្យបញ្ហាផ្លូវសំបុកមាន់ និងបញ្ហាលូស្ទះឲ្យបានជាក់ស្តែងបន្ថែមទៀត ដើម្បីបន្តលើកគម្រោងជួសជុលក្នុងសង្កាត់ផ្សេងៗ ដែលនៅសេសសល់ ដើម្បីដោះស្រាយរំដោះបញ្ហាកក់ស្ទះប្រព័ន្ធលូ ។ជាក់ស្តែង កាលពីថ្ងៃអង្គារ ១៥រោច ខែបុស្ស ឆ្នាំរកា ពស២៥៦១ ត្រូវនឹងថ្ងៃទី១៦ ខែមករា ឆ្នាំ ២០១៨ វេលាម៉ោង២រសៀល លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានអញ្ជើញដឹកនាំមន្ត្រីជំនាញ សាធារណកាខណ្ឌ ចុះត្រួតពិនិត្យ ការស្តាអណ្តូងលូ និង អូសកៅឡាក់ នៅបណ្តោយផ្លូវលេខ៩០០ កែងលេខ៩៣ ផ្លូវលេខ៦១ និង ផ្លូវលេខ៨៦ ស្ថិតនៅក្នុង សង្កាត់ស្រះចក ខណ្ឌដូនពេញ ជាប់ព្រុំប្រទល់ខណ្ឌឬស្សីកែវ ដើម្បីដោះស្រាយបញ្ហាទឹកដក់លើចិញ្ចើមផ្លូវ អាចបណ្ដាលឲ្យមានទឹកស្អុយហៀរចេញលិចផ្លូវផងដែរ ។លោក សុខ ពេញវុធ បន្តទៀតថា ដើម្បីទប់ស្កាត់និងកាត់បន្ថយផលប៉ះពាល់ដែលកើតមានឡើង បង្កការលំបាក ខាតបង់ទ្រព្យសម្បត្តិ ក៏ដូចជាប៉ះពាល់ដល់ការប្រកបរបររបស់បងប្អូនប្រជាពលរដ្ឋនិងអាជីវករ។ម្យ៉ាងវិញទៀត គឺត្រូវយកចិត្តទុកដាក់បន្ថែម លើការដោះស្រាយបញ្ហាផ្លូវសំបុកមាន់ និងកាត់បន្ថយគ្រោះថ្នាក់ជាយថាហេតុ និង សម្រួលការធ្វើដំណើររបស់បងប្អូនប្រជាពលរដ្ឋក្នុងមូលដ្ឋានខណ្ឌ ។ប្រជាពលរដ្ឋដែលរស់នៅក្នុងមូលដ្ឋានខណ្ឌដូនពេញ ក៏បានលើកសរសើរលោកសុខ ពេញវុធ ថាបើទោះបីមេឃកំពុងធ្លាក់ភ្លៀងជន់លិចផ្លូវយ៉ាងណាក៏ដោយ គេតែឃើញលោកអភិបាលខណ្ឌ បានដឹកនាំកម្លាំងចុះទៅដោយផ្ទាល់ដើម្បីជួយសម្រួលរើសឬកកាយសម្រាមដែលកក់ស្ទះមុខប្រព័ន្ធលូងាយស្រួលឲ្យទឹកហូរឆាប់ស្រក់ឡើងវិញផងដែរ ជាពិសេសតំបន់ផ្សារកណ្ដាលតែម្តង ៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ