ថ្ងៃពុធ ទី១៨ ខែកញ្ញា ឆ្នាំ២០៥០ គេហទំព័រសម្លេងខ្មែរពិត || ទំនាក់ទំនងចាងហ្វាងការផ្សាយ លេខទូរស័ព្ទ ៖ 088 41 41 152 / 012 98 48 55
​ម៉ូតូ​ទំនើប​ម៉ាក​សេ​១២៥​ឆ្នាំ​២០១៨​ពីរ​គ្រឿង​ត្រូវ​ក្រុមចោរ​កាច់​សោរ​ជិះ​យក​ទៅ​បាត់​ទាំង​ព្រឹក ខណៈ​ម្ចាស់​ម៉ូតូ​ជាប់រវល់​ចូល​កាន់បិណ្ឌ​នៅ​វត្ត​ព្រៃ​តា​កុយ​
Tue,16 October 2018 (Time 03:58 PM)
ដោយ សម្លេងខ្មែរពិត (ចំនួនអ្នកអាន: 222នាក់)


(​ខេត្ត​កែប​)៖ នេះ​ជា​ករណី​ចោរកម្ម​ដែល​ធ្វើឱ្យ​សមត្ថកិច្ច​ឈឺក្បាល​វិលមុខ ខណៈ​ម៉ូតូ​របស់​ពលរដ្ឋ​ចំនួន​ពីរ​គ្រឿង​ដែល​ចត​ទុក​ក្នុង​បរិវេណ​វត្ត ត្រូវ​ក្រុមចោរ​ចូល​ទៅ​បន្លំ​កាច់​សោរ ក ជិះ​យក​ទៅ​បាត់​ទាំង​ព្រឹក ដោយ​គ្មាន​រំខាន​ដល់​ប៉ូលិស​បន្តិច​ឡើយ​។​

​ហេតុការណ៍​ឆោឡោ​រឿង​បាត់​ម៉ូតូ​ម៉ាក​ទំនើប​ពីរ​គ្រឿង​ខាងលើ បាន​កើតឡើង​នៅក្នុង​វត្ត​ព្រៃ​តា​កុយ ភូមិ​ព្រៃ​តា​កុយ ឃុំ​ពងទឹក ស្រុក​ដំណាក់​ចង្អើរ ខេត្ត​កែប កាលពី​វេលា​ម៉ោង​៧​និង​៣០​នាទី​ព្រឹក​ថ្ងៃទី​០២ ខែតុលា ឆ្នាំ​២០១៨​។​

​តាម​ប្រភព​ព័ត៌មាន​បាន​រាយការណ៍​ថា មុនពេល​មាន​ករណី​ចោរ​កម្មនេះ ម៉ូតូ​ទាំង​ពីរ​គ្រឿង​ត្រូវបាន​ម្ចាស់​ជិះ​ចូល​មក​ឈប់​ចត​ក្នុង​បរិវេណ​វត្ត​ព្រៃ​តា​កុយ ដើម្បី​យក​ចង្ហាន់​ប្រគេន​ព្រះសង្ឃ​ក្នុងឱកាស​កាន់បិណ្ឌ​វេន​ទី​៨​។​លុះ​ប្រគេន​ចង្ហាន់​ព្រះសង្ឃ​រួចហើយ ស្រាប់តែ​ម៉ូតូ​ត្រូវ​ចោរ​កាច់​សោរ​យក​ទៅ​បាត់​ទាំង​ពីរ​គ្រឿង​តែ​ម្តង​។​ប្រភព​បាន​បន្តថា មុន​នេះ​បន្តិច​គេ​ឃើញ​មនុស្ស​មិន​ស្គាល់​អត្តសញ្ញាណ​៣​នាក់​ជិះ​ម៉ូតូ​មួយ​គ្រឿង​ឌុប​គ្នា​ចូល​ទៅ​ក្បែរ​កន្លែង​ចត​ម៉ូតូ​នោះដែរ ប៉ុន្តែ​គ្មាន​អ្នក​ណា​ចាប់​អារម្មណ៍​ទេ លុះ​បាត់​ម៉ូតូ​ទើប​នាំគ្នា​ឆោឡោ​បង្ក​ការភ្ញាក់ផ្អើល​តែម្តង​។​

​ទាក់ទិន​នឹង​ករណី​បាត់​ម៉ូតូ​នេះ សមត្ថកិច្ច​មូលដ្ឋាន​បានឱ្យដឹងថា ម៉ូតូ​ទាំង​ពីរ​គ្រឿង​សុទ្ធតែ​សេរី​ទំនើប ម៉ាក​ហុងដា​ផលិត​ក្នុង​ឆ្នាំ​២០១៨​ដូចគ្នា​។​ម៉ូតូ​ទី​១​ម៉ាក​C125 សេរី​ឆ្នាំ​២០១៨ ពាក់​ស្លាក​លេខ កែប 1B-5593 ម្ចាស់​ឈ្មោះ ម៉ៅ គី ភេទ​ប្រុស អាយុ​៥៤​ឆ្នាំ រស់នៅ​ភូមិ​ភ្នំ​លាវ ឃុំ​ពងទឹ ស្រុក​ដំណាក់​ចង្អើរ ខេត្ត​កែប​។ ម៉ូតូ​ទី​២ ម៉ាក​C125 ផលិត​ឆ្នាំ​២០១៨ ពាក់​ស្លាក​លេខ កែប 1B-2138 ម្ចាស់​ម៉ូតូ​ឈ្មោះ សឹង មុន ភេទ​ស្រី អាយុ​៤៥​ឆ្នាំ រស់នៅ​ភូមិ​ភ្នំ​លាវ ឃុំ​ពងទឹក ស្រុក​ដំណាក់​ចង្អើរ ខេត្ត​កែប​។​

​ក្រោយពី​មាន​ករណី​បាត់​ម៉ូតូ​ពីរ​គ្រឿង​ទាំង​ព្រឹក​នៅ​ក្នុង​បរិវេណ​វត្ត​ព្រៃ​តា​កុយ ភ្លាម​នោះ​គេ​ឃើញ​សមត្ថកិច្ច​បាន​និង​កំពុង​ដុតដៃ​ដុតជើង តាម​ប្រមាញ់​គ្រប់​ច្រកល្ហក​ដើម្បី​វែកមុខ​ក្រុមចោរ​លួច​នេះ​យក​មក​ផ្តន្ទាទោស​ទៅ​តាម​ផ្លូវ​ប្បាប់​៕


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ