កំពុងប្រើប្រាស់គ្រឿងញឿនក្នុងបន្ទប់ជួលត្រូវសមត្ថកិច្ចឆ្មក់បង្ក្រាបបានទាំងសំបុក
កំពត ៖ មនុស្សប្រុស ស្រី ចំនួនបីនាក់ដែលកំពុងសំងំប្រើប្រាស់គ្រឿងញៀន ក្នុងបន្ទប់ជួលត្រូវបានកំលាំងសមត្ថកិច្ចក្រុងកំពត ឆ្មក់ចូលឃាត់ខ្លួនបានទាំងសំបុក កាលពីវេលាម៉ោង២២យប់ ថ្ងៃទី១៣ខែមិថុនា ឆ្នាំ២០១៧ ត្រង់ចំណុចបន្ទប់ជួលមួយកន្លែង ស្ថិតក្នុងភូមិស្វាយធំ សង្កាត់ក្រាំងអំពិល ក្រុង-ខេត្តកំពត។ជាមួយនឹងការឃាត់ខ្លួនជនសង្ស័យខាងលើនេះ សមត្ថកិច្ចក៏បានដកហូតនូវរត្ថុតាង ឧបករណ៍សម្រាប់ជក់ពីរកំប្លេផងដែរ។
បើតាមសំដីសមត្ថកិច្ច ប្រឆាំងបទល្មើសគ្រឿងញៀន បានប្រាប់ឲ្យដឹងថា ដោយទទួលបានសេចក្តីរាយការណ៍ពីប្រជាពលរដ្ឋនៃភូមិសាស្ត្រខាងលើ ទើបសមត្ថកិច្ចជំនាញ ចេញប្រតិបតិ្តការឆ្មក់ចូលបង្ក្រាបតែម្តង ដោយកំលាំងបានឃាត់ខ្លួនជនសង្ស័យចំនួនបីនាក់ រួមនឹងវត្ថុតាងឧបករណ៍ជក់ចំនួនពីរកំប្លេ។សមត្ថកិច្ចបានបញ្ជាក់ថា ជនសង្ស័យដែលពាក់ព័ន្ធគ្រឿងញៀន ទី១.ឈ្មោះ មាស ចាន់រឹត ភេទប្រុស អាយុ២៤ឆ្នាំ រស់នៅភូមិត្រពាំងធំ ឃុំត្រពាំងធំ ស្រុកទឺឈូ ខេត្តកំពត ទី២.ឈ្មោះ ប៉ុក ភារ៉ា ភេទប្រុស អាយុ២៨ឆ្នាំ មានទីលំនៅភូមិជុំគ្រៀល ឃុំជុំគ្រៀល ស្រុកទឹកឈូ ខេត្តកំពត និងទី៣.ឈ្មោះ ទន់ ចន្នី ភេទស្រី អាយុ៣០ឆ្នាំ រស់នៅក្នុងភូមិវត្តអង្គ ឃុំព្រៃឃ្មុំ ស្រុកទឹកឈូ ខេត្តកំពត។
បច្ចុប្បន្នជនសង្ស័យទាំងបីនាក់ខាងលើ សមត្ថកិច្ចនៃអធិការដ្ឋាននគរបាលក្រុងកំពត កំពុងនាំខ្លួនទៅសាកសួរ ធ្វើកំណត់ហេតុ តាមនីតិវិធី ៕