ពួកអ្នក ប្រព្រឹត្តបទល្មើសនេសាទកំពុងបានដៃ សម្បើម ណាស់ព្រោះមន្ត្រីជលផលនៅមូលដ្ឋានសម្ងំទទួលលាភសក្ការៈ
ថ្មីៗនេះប្រជាពលរដ្ឋ រស់នៅតាមមាត់ទន្លេ ក្នុង ភូមិសាស្ត្រតំបន់ជុំវិញបឹង ទន្លេសាបបានរាយការណ៍ឲ្យអ្នកសារព័ត៌មានយើង ដឹងថា បច្ចុប្បន្ននេះមាន ជនល្មើសកំពុងតែប្រព្រឹត្ដ បទល្មើសជលផល នៅ បឹងទន្លេសាបតាមគ្រប់រូបភាពមានដូចជាក្រុមអូសអួនគូរទឹកសាប(យាំងកាវ) ដែលប្រើច្រវាក់ នៅពី ក្រោម ហើយចងដុំថ្មម្ខាង ២០គីឡូ ហើយចាប់ភ្លើងអាគុយ ឬឌីណាម៉ូ ម៉ាស៊ីនឆក់ ត្រជាក់) នៅចំណុច កំពង់ឃ្លាំង និងមាត់ខ្លា ចាប់ពី៦វង់ទៅ៧វង់ ក្នុង មួយថ្ងៃៗ។ប្រភពបានបន្តទៀតថាពួកគេនាំគ្នាអូសអួនឬអូសគូរ(យាំងកាវ)នៅចំណុចក្បាលតោល រាំងទិល ផាត់សណ្ដោយ និងកោះក្អែក មានប្រ មាណពីរ១៨វង់ទៅ២០វង់ ក្នុងមួយថ្ងៃៗ និងឈឹប យន្ដនៅចំណុចកណ្ដាលពាមបាងនិងកំពង់លួង។
សកម្មភាពរបស់ក្រុមប្រព្រឹត្តបទល្មើសនេសាទនៅបឹងទន្លេសាបនេះគឺបានធ្វើ ឡើងទាំងយប់ទាំងថ្ងៃ យ៉ាងអនាធិបតេយ្យដោយគ្មានឃើញសមត្ថកិច្ចណា ចេញមុខបង្ក្រាបដូចមុន ឡើយ។ប្រជានេសាទបានឲ្យដឹងទៀតថា កន្លងមក គេបានឃើញមានក្រុម បង្ក្រាបបទល្មើសនេសាទអន្តរក្រសួងដែលដឹកនាំដោយលោក វ៉េង សាខុន ជាប្រធាននិងជារដ្ឋមន្ត្រី ក្រសួងកសិកម្ម រុក្ខាប្រមាញ់ ក្រោមការបញ្ជាផ្ទាល់ពីសម្តេចក្រឡាហោម ស ខេង ឧបនាយករដ្ឋមន្ត្រីក្រសួង មហាផ្ទៃដើម្បីបង្ក្រាបបទល្មើសនេសាទនៅបឹងទន្លេសាបឲ្យមានប្រសិទ្ធភាព ប៉ុន្តែតាមការសង្កេតសកម្មភាពរបស់ក្រុមចម្រុះអន្តរក្រសួងដែលដឹកនាំបញ្ជាផ្ទាល់នៅមូលដ្ឋានដោយ លោកឧត្តមសេនីយ៍ឯក ចាន់ វ៉ាន់ធឿន ប្រធាន នាយកដ្ឋាននគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ ហើយ គ្រប់គ្រងកងកម្លាំងអន្តរាគមន៍ពិសេសដែលមានចំនួនជាង៧០នាក់ និងប្រើប្រាស់មធ្យោបាយទូកយន្តធំៗ និងអូប័រជា ច្រើនគ្រឿង ព្រមទាំង អាវុធស្វ័យប្រវត្តិរាប់សិប ដើមដែលកាលណោះ មើលទៅឃើញថាហឹកហ៊ាក់សម្បើមណាស់ ព្រោះពេលប្រតិបត្តិការម្តងៗ គេបានឃើញលោកឧត្តមសេនីយ៍ទោ ឡុង ស្រេង អនុប្រធាន នាយកដ្ឋាននគរបាលប្រឆាំងបទល្មើសសេដ្ឋកិច ជាអ្នកដឹកនាំក្រុមបង្ក្រាបឡើងរញ្ជួយផ្ទៃទឹកបឹងទន្លេសាបទាំងយប់ទាំងថ្ងៃ ដោយចាប់អ្នកប្រព្រឹត្តនិងរឹបអូសឧបករណ៍នេសាទខុសច្បាប់រាប់សិបតោន បញ្ជូនទៅតុលាការ ហើយការបង្ក្រាបនេះគឺធ្វើឡើងសឹងរាល់ថ្ងៃ ដែលកាលណោះគេហៅថាប្រតិបត្តិការ២៤ម៉ោងលើ២៤ម៉ោង ត្រូវបានប្រ ពលរដ្ឋគាំទ្រនិងស្វាគមន៍ យ៉ាងខ្លាំងដោយពកគាត់ សង្ឃឹមថាទៅថ្ងៃមុខនឹងសំបូត្រីឡើងវិញមិនខាននៅក្នុងបឹងទន្លេសាប ព្រោះក្រុមអ្នកប្រព្រឹត្តបទល្មើសនឹងរៀងចាលក្រោមកណ្តាប់ដៃដ៏ក្តៅគុករបស់ក្រុមចម្រុះអន្តរក្រសួងនេះ ។
ប៉ុន្តែការសង្ឃឹមបស់ពួកគាត់ត្រូវរលាយបាត់វិញភ្លាមៗតែក្នុងរយៈពេល៣-៤ខែក្រោយការបង្ក្រាបតែប៉ុណ្ណោះ ព្រោះសព្វថ្ងៃក្រុមប្រព្រឹត្តបទល្មើសនេសាទកើតឡើងវិញលើសដើម គេលែងឃើញមានការបង្ក្រាបទៀតហើយ។
ដោយឡែក ប្រភពព័ត៌មានពីក្រុមអ្នកនេសាទលក្ខណៈគ្រួសារបានឲ្យដឹងថា ពួកអ្នកប្រព្រឹត្តបទល្មើសនេសាទដែលភាគច្រើនជាជនជាតិយួនបានបង់លុយដាក់ខែដល់មន្ត្រីជំនាញជលផលនៅមូលដ្ឋានយ៉ាងទៀងទាត់អស់ហើយដូច្នេះគ្មានការរំខានទៀតទេ។ បើគេចាំមិនភ្លេចទេ គឺសម្តេចក្រឡាហោម ស ខេង បានប្រជុំដាក់ផែនការ ក្នុងការបង្ក្រាបបទល្មើសនេសាទនេះយ៉ាងតឹងរឹង បំផុតហើយសម្តេចជាអ្នកត្រួតពិនិត្យមើលដោយជិៈឧត្ថម្ភាគចក្រពីលើក្នុង១ខែយ៉ាងហោច២ដងដែរ។
ប៉ុន្តែប្រតិបត្តិការភ្លើងចំបើងនេះបានរលត់ទៅវិញហើយមកដល់សព្វថ្ងៃនេះ។ដើម្បីការ ពារមច្ឆាជាតិតាមបទបញ្ជារាជរដ្ឋាភិបាល។
សំណូពរសូមសមត្ថកិច្ចជលផលជួយចាត់វិធានការតាមផ្លូវច្បាប់អោយខាងតែបានផង។ពីព្រោះការស្រាវជ្រាវ ត្រួតពិនិត្យ ទប់ស្កាត់និងបង្ក្រាបបទល្មើសនេសាទជាសមត្ថកិច្ចរបស់រដ្ឋបាលជលផល ក្នុងច្បាប់ស្ដីពីជលផលឆ្នាំ២០០៦ត្រង់មាត្រា៧២ហើយសមត្ថកិច្ចផ្សេងៗទទួលបានពត៌មានបទល្មើសនេសាទ ត្រូវរាយការណ៍ជាបន្ទាន់ទៅមន្ដ្រីជលផលមានសមត្ថកិច្ចដែលនៅជិតបំផុត ។ ជុំវិញសេចក្តីរាយ ការណ៍របស់ពលរដ្ឋអំពីករណីខាងលើនេះភ្នាក់ងារសារព័ត៌មានយើងបានទំនាក់ទំនងសុំការបំភ្លឹពីលោក ឧត្តមសេនីយ៍ទោ ឡុង ស្រេង ដោយលោកបាន ប្រាប់ដោយខ្លីថាលោកក៏បានដឹងដែរ តែលោកអនុវត្តភារកិច្ចតាមតែបញ្ជាប៉ុណ្ណោះ ៕
![]()
![]()