សម្តេចតេជោ ហ៊ុន សែន អំពាវនាវដល់ព្រះសង្ឃ និងប្រជាពលរដ្ឋ ទូទាំង ប្រទេសយល់ដឹងអោយច្បាស់អំពីគ្រឹះស្ថានមីក្រូហិរញ្ញវត្ថុទាំងអស់ជារបស់ឯកជន មិនមែនជារបស់រដ្ឋ
ភ្នំពេញ ៖ ថ្លែងនៅនៅក្នុងពិធីប្រគល់សញ្ញាបត្រជូននិស្សិត នៃសាកលវិទ្យាល័យភ្នំពេញអន្តរជាតិ នៅវិទ្យាស្ថានជាតិអប់រំ រាជធានីភ្នំពេញ កាលពីថ្ងៃទី ២២ ខែកុម្ភៈ សម្តេចតេជោនាយករដ្ឋមន្ត្រី បានអំពាវនាវដល់ប្រជាពលរដ្ឋអោយបានយល់ដឹង ច្បាស់អំពី គ្រឹះស្ថានមីក្រូហិរញ្ញវត្ថុទាំងអស់ជារបស់ឯកជន គឺមិនមែនជារបស់រដ្ឋទេ។
សម្តេចតេជោ អំពាវនាវដល់វិទ្យុ ទូរទស្សន៍ កាសែត និងសារព័ត៌មានអនឡាញ (Online) ទាំងអស់ត្រូវចូលរួមផ្សព្វផ្សាយដាក់នៅក្នុងទំព័រមុខ ។ ព្រមទាំងក្រុមហ៊ុនទូរស័ព្ទទាំងអស់ត្រូវរៀបចំសម្លេងខលធូន (Call Tune) ដើម្បីផ្សព្វផ្សាយអោយបានយល់ដឹង គ្រប់ៗគ្នា ។
បច្ចុប្បន្ន ប្រជាពលរដ្ឋមួយចំនួនធំបានខ្ចីលុយពីគ្រឹះស្ថានមីក្រូហិរញ្ញវត្ថុទាំងអស់ ហើយគិតថាជាគ្រឹះស្ថានរបស់រដ្ឋ ។ ប៉ុន្តែតាមការពិតទៅ គ្រឹះស្ថានទាំងអស់នោះ គឺជាគ្រឹះស្ថានឯកជនសុទ្ធសាធ ។ បញ្ហាធ្ងន់ធ្ងរបំផុតគឺ ប្រជាជនអ្នកខ្ចីប្រាក់ទាំងនោះ គ្មានប្រាក់សង ហើយត្រូវគេរិបអូសផ្ទះសម្បែង ដែលករណីនេះ អាចនឹងមានការភ័ន្តច្រឡំ ៕
![]()
![]()
![]()
![]()
![]()