កែប) ៖ នៅព្រឹកថ្ងៃទី ២៤ ខែវិច្ចិកា ឆ្នាំ២០១៧នេះ លោក កែន សត្ថា អភិបាល នៃគណៈអភិបាលខេត្តកែប បានអញ្ចើញជាគណៈអធិបតី ក្នុងកិច្ចប្រជុំគណៈអភិបាលខេត្តបើកទូលាយ រៀបចំពិធីបុណ្យសមុទ្រលើកទី០៦ ជុំទី២នៅខេត្តកែប ដែលនឹងប្រព្រឹត្តទៅចាប់ពីថ្ងៃទី ២២-២៣-២៤ ខែធ្នូ ឆ្នាំ ២០១៧ ខាងមុខនេះនៅខេត្តកែប ដើម្បីត្រួតពិនិត្យលទ្ធផលការងារដែលបានប្រគល់ជូនដល់អនុគណៈកម្មការនិមួយៗកន្លងមក។លោក កែន សត្ថា អភិបាលខេត្តកែប ក៏បានបញ្ជាក់ឲ្យដឹងថា៖ ឆ្លងតាមរយៈកិច្ចប្រជុំ និងពិគ្រោះយោបល់ ជាច្រើនដំណាក់កាលកន្លងមក លទ្ធផលក៏ត្រូវបានយកមកវាយតម្លៃក្នុងពេលនេះផងដែរ គឺការងារពិតជាទទួលបានផលអវិជ្ជមាន ហើយការរៀបចំពិធីបុណ្យសមុទ្រឆ្នាំ២០១៧នៅខេត្តកែបរបស់យង មានការដាក់តាំងពិព័រណ៍សមិទ្ធផលនានានិងមហោស្រពម្ហូបអាហារ ដោយបានឯកភាពការត្រៀមរៀបចំស្តង់ពិព័រណ៍ចំនួន៤០០ស្តង់ ក្នុងនោះស្តង់ផលិតផលក្នុងស្រុកចំនួន ២០០ស្តង់ និងស្តង់ផលិតផលបរទេស(ថៃ)ចំនួន ២០០ស្តង់។ចំពោះស្តង់ពិព័រណ៍ផលិតផលក្នុងស្រុក ត្រូវរៀបចំផលិតផលដាក់តាំងឲ្យបានល្អ និងតម្រង់ទិសឲ្យបានត្រឹមត្រូវ ដោយផលិតផលនេះត្រូវមានការវេចខ្ចប់ឲ្យបានត្រឹមត្រូវ និងស្អាតល្អ។ចំពោះស្តង់ពិព័រណ៍ផលិតផលថៃ ត្រូវពិនិត្យមើលផលិតផលរបស់គេ ដែលយកមកដាក់តាំង និងជម្រុញឲ្យប្រជាពលរដ្ឋក្នុងស្រុកអាចផលិតបានដូចគេផងដែរ។ស្តង់ម្ហូបអាហារត្រូវរៀបចំឲ្យបានល្អ ដើម្បីផ្គត់ផ្គង់ឲ្យបានគ្រប់គ្រាន់ក្នុងឱកាសបុណ្យសមុទ្រឆ្នាំ ២០១៧នេះ ហើយត្រូវទំនាក់ទំនងគ្រប់ស្ថានទូតឬសមាគមឲ្យចូលរួមតាំងនិងលក់ម្ហូបអាហារ ជាពិសេសសមាគមម្ហូបអាហារក្នុងស្រុក។ត្រូវទំនាក់ទំនងក្រុមហ៊ុនភេសជ្ជៈល្បីៗមកចូលរួមតាំងពិព័រណ៍និងលក់ផលិតផលរបស់ខ្លួន។ត្រូវធ្វើការអប់រំដល់ម្ចាស់ស្តង់និមួយៗឲ្យបានយល់ពីកត្តាអនាម័យ និងសំរាម។ស្ប៉តផ្សព្វផ្សាយពិធីបុណ្យសមុទ្រឆ្នាំ២០១៧ត្រូវធ្វើឲ្យបានរហ័សនិងចាប់ផ្សព្វផ្សាយពីពេលនេះតទៅ។ចំពោះការរៀបចំតន្ត្រីចល័តបានត្រៀមរួចហើយ គឺនៅខាងត្បូងផ្សារក្តាម ឆ្នេរស្រីស និងនៅតាមស្តង់និមួយៗ។កម្មវិធីកាត់ខ្សែបូរ និងទស្សនាពិព័រណ៍ត្រូវរៀបចំរយៈពេល៣០នាទី និងរៀបចំប្លង់ទស្សនាស្តង់ពិព័រណ៍ជូនសម្តេចតេជោនាយករដ្ឋមន្ត្រីឲ្យបានល្អ។ត្រូវជម្រុញការតុបតែងគេហដ្ឋានប្រជាពលរដ្ឋឲ្យបានស្អាត និងរៀបចំផ្ទាំងប៉ាណូអបអរពិធីបុណ្យសមុទ្រឆ្នាំ២០១៧។ដោយឡែក ការងាររៀបចំព្រឹត្តិការណ៍កីឡាលើឆ្នេរ លើទឹក និងលើអាកាស គឺឯកភាពកីឡា៩ប្រភេទ រួមមាន៖រត់កម្សាន្ត៣គ.ម-៥គ.ម ប្រណាំងកង់ ទ្រីយ៉ាត្លុង ប្រដាល់គុនខ្មែរ ចំបាប់ឆ្នេរខ្សាច់ បាល់ទះឆ្នេរខ្សាច់ រាំអន្តរជាតិ កីឡាស្គីទឹក និងទូកក្តោង៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ