កែប ៖ កេ្មងប្រុសជំទង់ម្នាក់បានស្លាប់ភ្លាមៗនៅកន្លែងកើតហេតុ និងម្នាក់ទៀតបានរងរបួសធ្ងន់ ដោយសារជួបហេតុការណ៍គ្រោះថ្នាក់ចរាចរណ៍ រថយន្តបុកម៉ូតូ ក្នុងទិសដៅបញ្ច្រាសគ្នា។គ្រោះថ្នាក់ដ៏រន្ធត់នេះ បានកើតឡើងនៅវេលាម៉ោង១៨និង១០នាទីព្រលប់ ថ្ងៃទី២០ខែវិច្ឆិកា ឆ្នាំ២០១៧ ចំណុចទល់មុខស្ថានីយ៍ប្រេងឥន្ទនៈL H R ស្ថិតក្នុងភូមិដំណាក់ចង្អើរ សង្កាត់ព្រៃធំ ក្រុង-ខេត្តកែប លើកំណាត់ផ្លូវជាតិលេខ៣៣ រវាងរថយន្តនិងម៉ូតូ ក្នុងទិសដៅបញ្ច្រាសគ្នា។ប្រភពព័ត៌មាននៅកន្លែងកើតហេតុនិយាយថា មុនពេលកើតហេតុការណ៍ដ៏រន្ធត់នេះ គេឃើញក្មេងប្រុសជំទង់ពីរនាក់បងប្អូនជិះម៉ូតូម៉ាកស្កូបពីឌុបគ្នា ក្នុងទិសដៅពីលិចទៅកើតក្នុងល្បឿនដូចព្យុះ លុះមកដល់មុខស្ថានីយ៍ប្រេងL H R ដែលជាចំណុចកើតហេតុ គាប់ជួនមានរថយន្តប្រភេទសណ្តោងខ្នាតធំ បោះពួយមកពីកើត ក្នុងទិសដៅបញ្ច្រាសទិសគ្នា ហើយវាក់អើុគ្នានៅកណ្តាលទ្រូងផ្លូវទើបជ្រុលបុកគ្នាយ៉ាងពេញទំហឹង បណ្តាលឲ្យក្មេងជំទង់ជាអ្នកបើកបរម៉ូតូត្រូវរថយន្តកិនដាច់ក្បាលស្លាប់ភ្លាមៗនៅកន្លែងកើតហេតុ រីឯអ្នកអ្នករួមដំណើររងរបួសធ្ងន់ ចំណែកម៉ូតូរងការខូចខាតស្ទើទាំងស្រុងផងដែរ។សាក្សីដដែលបានឲ្យដឹងទៀតថា ក្រោយពីប៉ះទង្គិចគ្នារថយន្តក៏បានបន្តល្បឿនទៅមុខប្រមាណជាង១០០ម៉ែត្រទើបតែកុងចតរថយន្តចោលហើយដាក់មេប្រូចបាត់ស្រមោល។ទាក់ទិននឹងករណីគ្រោះថ្នាក់ចរាចរណ៍ខាងលើ សមត្ថកិច្ចបានបញ្ជាក់ថា៖ នេះជាឧបទ្ទវហេតុគ្រោះថ្នាក់មួយបង្កឡើងដោយសារកត្តាមនុស្ស ពោលគឺការបើកបរមិនគោរពច្បាប់ ពិសេសការបើកបរក្នុងស្ថានភាពប្រជែង ហើយមិនពាក់មួកសុវត្ថិភាព ទើបបង្កឲ្យមានសោកនាដកម្មកើតឡើងបែបនេះ។ប៉ូលិសបានប្រាប់ទៀតថា៖ ជនរងគ្រោះទាំងពីរនាក់ខាងលើជាបងប្អូនបង្កើតនឹងគ្នា ទី១ ឈ្មោះ អ៊ូ លាង ភេទប្រុស អាយុ១៦ឆ្នាំ មុខរបរជាសិស្ស ជាអ្នកបើកបរម៉ូតូ(ស្លាប់) ទី២ ឈ្មោះ អ៊ូ លេង ភេទប្រុស អាយុ១៥ឆ្នាំ មុខរបរជាសិស្ស(របួសធ្ងន់) មានទីលំនៅក្នុងភូមិដំណាក់ចង្អើរ សង្កាត់ព្រៃធំ ក្រុង-ខេត្តកែប ជនរងគ្រោះជិះម៉ូតូឌុបគ្នា ម៉ាកស្កូបពីពណ៌ស ពាក់ស្លាកលេខ ភ្នំពេញ 1DD-7260 ។ដោយឡែក រថយន្តបង្កហេតុ ប្រភេទសណ្តោង ម៉ាកហីុយ៉ាន់ដាយ ពណ៌លឿង ពាក់ស្លាកលេខ ភ្នំពេញ3A-3489 អ្នកបើកបរគេចខ្លួនបាត់។ក្រោយពីវាស់វែងមធ្យោបាយពាក់ព័ន្ធ សមត្ថកិច្ចបាននាំយកទៅរក្សាទុកនៅឯអធិការដ្ឋាននគរក្រុងកែប សម្រាប់ធ្វើការដោះស្រាយគ្នានៅពេលក្រោយ។ចំណែកអ្នករបួសក៏ត្រូវបានបញ្ជូនទៅសង្គ្រោះភ្លាមៗនៅក្នុងមន្ទីរពេទ្យ។ចំពោះសពជនរងគ្រោះ ក៏ត្រូវបានក្រុមគ្រួសារមកទទួលយកទៅកាន់លំនៅឋាន ដើម្បីចាត់ចែងធ្វើបុណ្យតាមប្រពៃណី។/
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ