កំពត ៖ នេះជាលើកទីមួយហើយ ដែលអាជ្ញាធរស្រុកកំពង់ត្រាច ចាប់ផ្តើមធ្វើពិធីសូត្រមន្តរំដោះគ្រោះ នៅតាមដងផ្លូវសាធារណៈដែលកន្លងមកធ្លាប់បង្កគ្រោះថ្នាក់ចរាចរណ៍ជាញឹកញាប់ បណ្តាលឲ្យអ្នកដំណើរស្លាប់និងរបួសដ៏ច្រើនករណីរាប់មិនអស់។ក្នុងពិធីសូត្រមន្តដែលបានធ្វើឡើងតាមប្រពៃណីសាសនា នៅព្រឹកថ្ងៃទី១០ខែវិច្ឆិកា ឆ្នាំ២០១៧នេះ គេសង្កេតឃើញវត្តមាន លោកង៉ែត សុផល អភិបាលរងស្រុកកំពង់ត្រាច ដែលទើបចូលកាន់តំណែងថ្មី រួមជាមួយនឹងអាជ្ញាធរមូលដ្ឋាន បាននិមន្តព្រះសង្ឃចំនួន៤អង្គ ធ្វើពិធីសូត្រមន្តរំដោះគ្រោះកាច ចង្រៃ នៅលើកំណាត់ផ្លូវមួយនេះ ដែលកន្លងធ្លាប់កើតហេតុការណ៍ដ៏អាក្រក់ផ្ទួនៗដោយសារគ្រោះថ្នាក់ចរាចរណ៍ បណ្តាលឲ្យអ្នកដំណើរតាមមធ្យោបាយគ្រប់ប្រភេទ ស្លាប់និងរបួសជាច្រើននាក់។ជាមួយនឹងការរៀបចំពិធីដ៏កម្រនេះ ក៏មានលោកគ្រូ អ្នកគ្រូ សិស្សានុសិស្ស និងប្រជាពលរដ្ឋចូលរួមយ៉ាងច្រើនកុះករ ដោយបានធ្វើពិធីដង្ហែ ចាប់ពីភូមិកំពង់ត្រាចទី២ រហូតដល់ខ្លោងទ្វារវត្តកំពង់ក្រញូង ដែលមានចំងាយផ្លូវរាប់ពាន់ម៉ែត្រ។សូមបញ្ជាក់ផងដែរថា កំណាត់ផ្លូវចាប់ពីទីប្រជុំជនស្រុកកំពង់ត្រាច ឆ្ពោះទៅខ្លោងទ្វារវត្តកំពង់ក្រញូង នៃភូមិសាស្ត្រឃុំកំពង់ត្រាចខាងលិច ស្រុកកំពង់ត្រាច ខេត្តកំពត ដែលមានប្រវែងប្រមាណជាង៤គីឡូម៉ែត្រ គឺជាកំណាត់ផ្លូវតែងកើតឧប្បត្តិហេតុគ្រោះថ្នាក់ចរាចរណ៍ជាញឹកញាប់ជាងគេ ក្នុងអាចក្រខេត្តកំពត ហើយករណីកើតឡើងភាគច្រើនបណ្តាលឲ្យមនុស្សស្លាប់បាត់បង់ជីវិត ដោយបានកើតឡើងតែកន្លែងដដែលៗទៀតផង។ដូច្នេះដើម្បីចញ្ជៀសនូវគ្រោះកាចចង្រៃនេះ អាជ្ញាធរក៏បានរៀបចំពិធីសូត្រមន្តរំដោះគ្រោះ ក្នុងគោលបំណងឧទ្ទិសកុសល្យ ដល់ដួងវិញ្ញាណខន្ធ អ្នកដែលបានស្លាប់ក្នុងហេតុការណ៍ផ្សេងៗពិសេសគ្រោះថ្នាក់ចរាចរណ៍កន្លងមក។ទន្ទឹមនឹងពិធីតាមជំនឿខាងលើ ក៏បានដាស់តឿនដល់អ្នកដំណើរតាមមធ្យោបាយគ្រប់ប្រភេទឲ្យបង្កើនការប្រុងប្រយ័ត្នឲ្យបានខ្ពស់ផងដែរ ព្រោះការធ្វើពិធីបែបនេះគ្រាន់តែជាផ្នែកមួយធ្វើតាមជំនឿប៉ុណ្ណោះ កត្តាសំខាន់អ្នកដំណើរគួរបង្កើនការប្រុងប្រយ័ត្នដោយខ្លួនឯង គឺការបើកបរគោរពច្បាប់ បើកបរដោយការយោគយល់គ្នា បើកបរប្រកាន់ស្តាំជានិច្ច កុំប្រើល្បឿនលើសកំណត់ កុំបើកបរក្រោមឥទ្ធិពលនៃជាតិស្រវឹង កុំប្រជែងក្នុងស្ថានភាពគ្រោះថ្នាក់។ប្រការទាំងនេះ នឹងអាចជួយកាត់បន្ថយនូវអាត្រាគ្រោះថ្នាក់ចរាចរណ៍ បានស្ទើ១០០%ទៅហើយ ។/
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ