កំពត ៖ នៅរសៀលថ្ងៃ ទី២០ខែតុលា ឆ្នាំ២០១៧ រដ្ឋបាលស្រុកដងទង់ខេត្តកំពតបានធ្វើពិធីប្រកាស ចូលកាន់តំណែងអភិបាលរងនៃគណៈភិបាលស្រុក ក្រោមអធិបតីភាព ឯ.ឧចាន់ ចេស្ដាអភិបាល នៃគណៈភិបាលខេត្ត។ពិធីនេះក៏មានការចូលរួមយ៉ាងច្រើនកុះករ ពីសំណាក់អស់លោក លោកស្រី គ្រប់ការិយាល័យជំនាញក្នុងស្រុក អាជ្ញាធរដែនដីគ្រប់ស្រទាប់ និងមន្ត្រីរាជការទូទាំងតំបន់ផងដែរ។បន្ទាប់ពីលោក ស៉ីវ ផេង អភិបាលនៃគណៈភិបាលស្រុក បានធ្វើរបាយការណ៍ ឲ្យដឹងអំពី វឌ្ឍនភាពរីកចម្រើននៅទូទាំងស្រុកដងទង់រួចមក លោកណុប ច័ន្ទដារិទ្ធ នាយកទីចាត់ការធនធានមនុស្សសាលាខេត្តកំពត ក៏បានអានសេចក្តីប្រកាស់របស់ក្រសួងមហាផ្ទៃ ដោយសម្រេចប្រកាសតែងតាំង លោកឈូក ថាន ឋានន្តរស័ក្តិនាយក្រមការ ថ្នាក់លេខ៦ ឲ្យកាន់មុខតំណែងជាអភិបាលរង នៃគណៈភិបាលស្រុកដងទង់ នៃខេត្តកំពត។មានប្រសាសន៍សំណេះសំណាល ក្នុងឱកាសនោះ លោក ចាន់ចេស្ដាអភិបាលខេត្ត ក៏បានកោតសរសើរនិងវាយតម្លៃខ្ពស់ ចំពោះសមិទ្ធិផលនិងកិច្ចខិតខំប្រឹងប្រែង របស់អាជ្ញាធរស្រុក មន្ត្រីរាជការគ្រប់លំដាប់ថ្នាក់កងកម្លាំងប្រដាប់អាវុធ និងប្រពលរដ្ឋទូទាំងស្រុកដងទង់ ដែលតែងតែបានរួមសាមគ្គីសហការគ្នា កន្លងមកបានយ៉ាងល្អប្រសើរ នៅក្នុងដំណើរកិច្ចអភិវឌ្ឍន៍មូលដ្ឋាន។ ក្នុងនោះមានទាំងការបម្រើសេវាសាធាណៈជូនប្រជាពលរដ្ឋ និងការអភិវឌ្ឍន៍មូលដ្ឋានមានការរីកចម្រើនគួរជាទីមោទនៈ ។ជាពិសេសបានចូលរួមថែរក្សា សន្តិសុខ សណ្ដាប់ធ្នាប់សង្គម ការជួយសង្គ្រោះប្រជាពលរដ្ឋពីគ្រោះធម្មជាតិនានា ដែលជាការរួមចំណែក យ៉ាងសំខាន់នៅក្នុងកិច្ចអភិវឌ្ឍន៍សង្គមជាតិលើគ្រប់វិស័យនិងកាត់បន្ថយភាពក្រីក្រជូនប្រជាពលរដ្ឋ។លោក អភិបាលខេត្ត ក៏បានបន្តទៀតថា៖ ការតែងតាំង ការផ្លាស់ប្ដូរមុខតំណែងគឺជាដំណើរការ នៃនីតិវិធីរៀបចំមុខតំណែងមន្ត្រីរាជការក្នុងមុខងារសាធារណៈរបស់ក្រសួង ស្ថាប័ននីមួយៗ នៃរាជរដ្ឋាភិបាលកម្ពុជា គឺជាការងារធម្មតា។ ដើម្បីជាការឆ្លើយតបទៅនឹងតម្រូវការចាំបាច់ សំដៅធ្វើអោយការបម្រើសេវាសាធាណៈជូនប្រជាពលរដ្ឋអោយបានកាន់តែមានប្រសិទ្ធភាពថែមទៀតតែប៉ុណ្ណោះ។ ដូចនេះអាជ្ញាធរស្រុក មន្ត្រីរាជការគ្រប់លំដាប់ថ្នាក់កងកម្លាំងប្រដាប់អាវុធទាំងអស់ ពិសេសលោក ឈូក ថាន ដែលទើបតែបានទទួលចូលកាន់មុខតំណែងជាអភិបាលរងស្រុក នាពេលនេះ ត្រូវបន្តខិតខំរួមសហការសាមគ្គីគ្នាធ្វើការអភិវឌ្ឍន៍ ក្នុងមូលដ្ឋានអោយបានកាន់តែរីកចម្រើនបន្ថែមទៀត ព្រមទាំងរួមគ្នាបន្តថែរក្សាសន្តិភាព ស្ថិរភាពនយោបាយ សន្តិសុខសណ្ដាប់ធ្នាប់មូលដ្ឋាន និងជំរុញការចូលរួម អនុវត្តគោលនយោបាយ ភូមិ ឃុំ មានសុវត្ថិភាព សំដៅជំរុញកំណើនសេដ្ឋកិច្ច តាមរយៈផលិតកម្មលើគ្រប់ផ្នែកគ្រប់វិស័យដើម្បីលើកកម្ពស់ជីវភាពរស់នៅរបស់ប្រជាជនក្នុងមូលដ្ឋានឲ្យបានកាន់តែប្រសើរឡើងថែមទៀត។/
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ