កែប ៖ នៅព្រឹកថ្ងៃទី១១ខែតុលា ឆ្នាំ២០១៧នេះ រដ្ឋបាលខេត្តកែប បានធ្វើកិច្ចប្រជុំលើសេចក្តីសម្រេច ស្តីពីការបង្កើតគណៈកម្មការថ្នាក់ខេត្ត និងអនុគណៈកម្មការនានាជាចំណុះ សម្រាប់សហការរៀបចំពិធីបុណ្យសមុទ្រលើកទី៦ដែលជាជុំទី២នៅខេត្តកែប ក្រោមវត្តមានដ៏ខ្ពង់ខ្ពស់ លោក កែន សត្ថា អភិបាលនៃគណៈអភិបាលខេត្តកែប និងអស់លោកជាប្រធាន អនុប្រធាន ស្ថាប័ន មន្ទីរអង្គភាភពាក់ព័ន្ធទូទាំងខេត្ត។ ក្នុងកិច្ចប្រជុំក៏បានពិគ្រោះយោបល់ លើសេចក្តីសម្រេចស្តីពីការត្រៀមលក្ខណៈសម្រាប់រៀបចំពិធីបុណ្យសមុទ្រឲ្យមានភាពអធិកអធម ផ្តោតការសំខាន់លើប្រធានបទរួមគឺត្រូវតែប្រកាន់តួនាទីភារកិច្ចរបស់ខ្លួនតាមជំនាញរៀងៗខ្លួន ពិសេសការអនុវត្តដោយម៉ឺងម៉ាត់និងហ្មត់ចត់ ដើម្បីរៀបចំពិធីបុណ្យសមុទ្រប្រកបដោយជោគជ័យ។ជាមួយនេះ លោក កែន សត្ថា អភិបាលខេត្តកែប ក៏បានដាក់ទិសដៅនិងលើកគោលការណ៍សំខាន់ៗជាច្រើនដើម្បីក្រើនរំលឹកដល់មន្ទីរអង្គភាពពាក់ព័ន្ធទូទាំងខេត្ត ត្រូវតែពង្រឹងសមត្ដភាពរបស់ខ្លួន ដោយយកតួនាទី ភារកិច្ច ទៅអនុវត្តឲ្យមានប្រសិទ្ធភាព។លោកថា គណៈកម្មការនេះមានភារកិច្ច សហការសម្របសម្រួល ជាមួយគណៈកម្មការអន្តរស្ថាប័នរៀបចំបុណ្យសមុទ្រជុំទី២សម្រាប់ឆ្នាំ២០១៧ និងផ្នែកឯកជននានានៅខេត្តកែបឲ្យទទួលបានផ្លែផ្កា ។ គណៈកម្មការនេះត្រូវបានបង្កើតឲ្យមានអនុគណៈកម្មការចំនួន៦ ជាចំនួយការក្នុងការអនុវត្តការងាររួមមាន៖ ការទទួលបន្ទុកការងារពិធីការ រៀបចំទីតាំងអនាម័យ សោភណភាព និងហិរញ្ញវត្ថុ។ចំពោះអនុគណៈកម្មការនេះមានភារកិច្ច គឺសហការជាមួយអនុគណៈកម្មការថ្នាក់ខេត្តនិងអនុគណៈកម្មការអន្តរស្ថាប័នដែលមានពាក់ព័ន្ធ ដើម្បីសម្របសម្រួលលើកិច្ចការងារពិធីការឲ្យបានប្រសើរឡើង។សិក្សា និងកំណត់ទីតាំងនានាសម្រាប់ដំណើរការនៃពិធីបុណ្យសមុទ្រទាំងមូលមានភាពអធិកអធមនិងសប្បាយរីករាយថែមទៀត។ដោយផ្តោតសំខាន់លើសេចក្តីសម្រេចនេះ អនុគណៈកម្មការនិមួយៗ មានសិទ្ធិប្រើប្រាស់មន្ត្រីក្រោមឱវាទតាមការចាំបាច់ ដើម្បីសម្រួលដល់ការអនុវត្តការងារឲ្យបានទាន់ពេលវេលានិងមានប្រសិទ្ធភាពខ្ពស់។លោកបានសង្កន់ធ្ងន់ថា គណៈកម្មការគ្រប់គ្រងនិមួយៗត្រូវប្រកាន់ខ្ចាប់នូវតួនាទី ភារកិច្ចរបស់ខ្លួនគឺធ្វើយ៉ាងណាកុំឲ្យមានបាតុភាពកើតឡើងក្នុងពិធីបុណ្យសមុទ្រនោះ។ត្រូវចេះជួយចែករំលែកកិច្ចការគ្នាដើម្បីឲ្យពិធីនេះទទួលបានជោគជ័យ និងកាន់តែមានភាពសប្បាយរីករាយ ។លោកអភិបាលខេត្ត បានបញ្ជាក់យ៉ាងដូច្នេះថា ក្នុងពិធីបុណ្យសមុទ្រជុំទី២នៅខេត្តកែបពិតជាមានភ្ញៀវជាតិនិងអន្តរជាតិសម្រុកមកទីនេះភ្លូកទឹកភ្លូកដី អីចឹងតម្រូវឲ្យអ្នកទទួលភារកិច្ចខាងសណ្តាប់ធ្នាប់របៀបរៀបរយ ត្រូវដាក់តាំងផ្លាកចរាចរណ៍នៅតាមដងផ្លូវនានា ពិសេសត្រូវពង្រឹងសន្តិសុខ សុវត្ថិភាពឲ្យបានរឹងមាំ។គេរំពឹងថា ក្នុងពិធីបុណ្យសមុទ្រលើកទី៦ជុំទី២នៅខេត្តកែប ដែលប្រព្រឹត្តរយៈពេល៣ថ្ងៃគឺចាប់ពីថ្ងៃទី២២រហូតដល់ថ្ងៃទី២៤ខែធ្នូ ឆ្នាំ២០១៧ខាងមុខនេះពិតជាមានមនុស្សចូលរួមប្រមាណ១លាននាក់ឯណោះ ព្រោះពិធីដ៏អធិកអធមនេះ ស្ថិតក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដោយពិធីនេះក៏មានការប្រកួតកីឡាចំនួនបីប្រភេទ គឺកីឡាលើគោក កីឡាលើទឹកនិងកីឡាលើអាកាស ហើយក៏មានការប្រគុំតន្ត្រីដែលមានតារាចម្រៀងល្បីៗប្រចាំព្រះរាណាចក្រកម្ពុជាមកសម្តែងក្នុងពិធីនោះផងដែរ។/ណារិទ្ធ
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ