ខេត្តត្បូងឃ្មំ៖យ៉ាងហោច​ណាស់មានអ្នកបើ​​កបររថយន្តដឹកឈើចំនួន២នាក់រងរបួសបាក់ភ្លៅទាំងសងខាងក្នុងករណី​គ្រោះថ្នាក់ចរាចរណ៍ដែលមកពីបើករថយន្ត​ប្រដេញជម្រិតទារប្រាក់ពីសំណាក់សមត្ថកិ​ច្ចនគរ​បាលប្រឆាំងបទល្មើសសេដ្ឋកិច្ចក្រសួងដែលសេចក្ដីរាយការណ៍អះអាងថាដាក់ប៉ុស្តិ៍ជជុះចាំជ​ម្រិតទារប្រាក់ពីអ្នករកស៊ីដឹកឈើនៅលើផ្លូវ​ជាតិលេខ៧ស្ថិតក្នុងទឹកដីខេត្តត្បូងឃ្មុំ​។
សមត្ថកិច្ចប​ណ្ដាក់គ្នាដូចខ្យងជាពិសេសនៅ​ចំណុច​ភូមិកោះថ្មឃុំទន្លូងស្រុកមេមត់ខេត្តត្បូងឃ្មុំ។ហើយបើ​ករថយន្តប្រដេញចាប់រថយន្តដឹកឈើណាដែលមិនចូលបង់លុយ។សេចក្ដីរាការណ៍ជាក់​ស្ដែងការប្រដេញរថយ​ន្តយ៉ាង​អានាធិបតេយ្យជម្រិតទារប្រាក់ពីសំណាក់សមត្ថកិច្ច រហូតបុក​រថយន្តបាក់ជើងអ្នកបើកបររថយន្តដឹកឈើរ​បួសធ្ងន់២នាក់កាលពីវេលាម៉ោង១២ថ្ងៃទី១២ខែ​កញ្ញា​ឆ្នាំ២០១៦នៅចំណុចភូមិក្ដុលផ្សារឃុំទន្លូងស្រុកមេមត់ខេត្តត្បូងឃ្មុំ។ជនរងគ្រោះមិនត្រូវ​បានគេបញ្ជាក់ពីអត្តសញ្ញាណនៅឡើយទេខណៈអ្នក​យកព័ត៌មានសុំការបំភ្លឺពីលោកវរសេ​នីយ៍ព្រហ្មវុទ្ធីមេបញ្ជារការកងរាជអាវុធហត្ថស្រុកមេមត់និងលោកវរសេនីយ៍ហុងគឹមហឿន​អធិការនគរបាលស្រុកមេមត់តាមទូរសព្ទ័តែមិនមាន​អ្នកទទួល។ប្រភព​ព័ត៌មានអះអាងថាមន្ត្រី​នគរបាលប្រឆាំងបទល្មើសសេដ្ឋកិច្ចក្រសួងដែលប្រ​ដេញរថយន្តបង្កឲ្យមានគ្រោះថ្នាក់ខាង​លើត្រូវបានគេស្គាល់ឈ្មោះប៊ុន​ធឿន បើករថយន្តម៉ាកCAMRYឆ្លាមពាក់ស្លាកលេខភ្នំពេញ​ 2H 4107និងមន្ត្រីយោធាស្រុកម្នាក់ទៀឈ្មោះ កា ។ប្រភពពីកន្លែងកើតហេតុបានឲ្យដឹងថាមុន​កើតហេតុគេបានឃើញរថយ​ន្ត២ទៅ៣គ្រឿងបានបើកបរប្រដេញកៀរនិងខោកគ្នាដូចក្នុងរឿ​ងកុនចិនហុងកុងដែលបង្កអោយប្រជាពលរដ្ឋនៅតាមនិងធ្វើដំណើរលើ​ដងផ្លូវមានការភ័យ​ខ្លាចប៉ះពាល់ឬបង្កគ្រោះថ្នាក់ដល់អាយុជីវិត។ដល់កន្លែងកើតហេតុគេឃើញរថយន្តនគរបាល​សេដ្ឋកិច្ចក្រសួងវ៉ានិង​កៀរថយន្តដឹកឈើហើយក៏បណ្តាលឲ្យបុកគ្នានិងមានអ្នករងរបួស​ធ្ងន់ធ្ងរតែម្តង៕