ជនជាតិវៀតណាម៤នាក់ ជិះម៉ូតូមួយគ្រឿងបុករថយន្ដកំពុងបត់ រងរបួសធ្ងន់-ស្រាលទាំងអស់គ្នា
កំពង់ឆ្នាំង៖ យុវជន៣នាក់ និងនារីម្នាក់ បានជិះម៉ូតួមួយគ្រឿង ឌុបគ្នា៤នាក់ បើកបរលឿន ជ្រុលបុករថយន្តមកពីមុខក្នុងទិសច្រាស់គ្នា បើកបត់ឆ្វេង បណ្ដាលឲ្យរងរបួសធ្ងន់-ស្រាលទាំងអស់គ្នា កាលពីម៉ោង១និង៤៥រសៀល ថ្ងៃទី០៨ ខែសីហា ឆ្នាំ២០១៦ លើផ្លូវជាតិលេខ៥ ចំណុចផ្លូវខ្វែងជា៤ជាប់ផ្ទះសំណាក់ផ្កាយព្រឹក ក្នុងភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង។
នគរបាលក្រុងកំពង់ឆ្នាំង បានអោយដឹងថា មុនពេលកើតហេតុគេបាន ឃើញរថយន្តមួយគ្រឿងម៉ាកហ៊ីយ៉ាន់ដាយ ពាក់ស្លាកលេខ ឃ៨១៩៤ ភព២ បើកបរក្នុងទិសដៅពីជើងទៅត្បូងច្រាស់ ទិស គ្នាដល់ចំណុចផ្លូវខ្វែងជា៤ក្នុងចំណុចខាងលើ ក៏បានបើកបត់ឆ្វេង ខណៈនោះដែរមានម៉ូតូ១គ្រឿងម៉ាកស្មាស់រីវូ ពណ៌ខ្មៅ ពាក់ស្លាកលេខ ជិះគ្នា៤នាក់ បានបើកបរមកពីក្រោយក្នុងទិសច្រាស់គ្នាក្នុងល្បឿនយ៉ាងលឿន ជាន់ហ្វ្រាំងមិនទាន់ ក៏បានបុករថយន្តពេញទំហឹងតែម្តង បណ្តាលអោយអ្នកជិះម៉ូតូទាំង៤នាក់ ដួលត្រឡប់ត្រឡិនរបួសធ្ងន់២នាក់ និងស្រាល២នាក់។
សមត្ថកិច្ច បានបន្ដទៀតថា ជនរងគ្រោះ ទាំង៤នាក់គឺជាជនជាតិវៀតណាមទាំងអស់ ៖ ១ឈ្មោះ ចាំង យ៉ាំងថា អាយុ១៩ ឆ្នាំ ជាអ្នកបើកបររបួសធ្ងន់ បាក់ឆ្អឹងដងកាំបិត ចាក់ ចំក និងបាក់ឆ្អឹងជំនី១ទៀត (មិនសង្ឃឹមរស់ ០ , ២ឈ្មោះ ឡេង យ៉ាំងញី អាយុ១៨ឆ្នាំ របួសធ្ងន់ , ៣ឈ្មោះ ឡេង យ៉ាំងអ៊ុក អាយុ២០ឆ្នាំ របួសស្រាល , និង៤ ឈ្មោះ ឡេង យ៉ាំងមួយ ភេទស្រី អាយុ ១៧ឆ្នាំ របួសស្រាល ពួកគេទាំង៤នាក់ រស់នៅក្នុងភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង។
ក្រោយពេលកើតហេតុអ្នកបើកបររថយន្តទុករថយន្តចោល ចុះរត់បានគេចបាត់ខ្លួនបាត់ ចំណែកជនរងគ្រោះទាំង៤នាក់ ត្រូវបានរថយន្តពេទ្យដឹកយកមកសង្គ្រោះ នៅក្នុងមន្ទីរពេទ្យខេត្តកំពង់ឆ្នាំង៕
![]()
![]()
![]()
![]()
![]()