ជនសង្ស័យប្រុស-ស្រី៣នាក់ បញ្ជូនខ្លួនទៅកាន់មណ្ឌលកែប្រែគ្រឿងញៀន
).jpg)
សៀមរាប ៖ កំលាំងការិយាល័យប្រឆាំងគ្រឿងញៀនខេត្តសៀមរាប បញ្ជូនខ្លួនជនសង្ស័យប្រុស-ស្រី ៣នាក់ ទៅកាន់មណ្ឌលកែប្រែគ្រឿងញៀន នាព្រឹកថ្ងៃទី០៩ ខែសីហា ឆ្នាំ ២០១៦នេះ ។
សមត្ថកិច្ចប្រឆាំងគ្រឿងញៀន បានឲ្យដឹងថា ជនសង្ស័យទាំង៣នាក់នេះ ត្រូវបានកំលាំងការិយាល័យ ប្រឆាំងគ្រឿងញៀន សហការ ជាមួយកំលាំងចំរុះ ចុះធ្វើសកម្មភាពបង្ក្រាប ករណីប្រើប្រាស់ដោយខុសច្បាប់ នូវសារធាតុញៀន ស្ថិតនូវចំណុចភូមិមណ្ឌល៣ សង្កាត់ស្លក្រាម ក្រុងសៀមរាប កាលពីវេលាម៉ោង ០៥និង០០នាទីក្នុងថ្ងៃទី០៨ ខែ សីហា ឆ្នាំ២០១៦ បញ្ជូនមកកាន់ការិយាល័យ ដើម្បីសួរនាំ ។
លោកវរសេនីយ៍ ទោ អ៊ុំ សាអាត ប្រធានការិយាល័យ ប្រឆាំងគ្រឿងញៀន បានអោយដឹងថាជនសង្ស័យ ទី១.ឈ្មោះ វ៉ាន់សុម៉ាលី ភេទ ស្រី កើតនូវឆ្នាំ ១៩៩៧ មានទីលំនៅ ភូមិស្វាយដង្គំ ក្រុង សៀមរាប ទី២. ឈ្មោះ ថៃ ឃីហៃ ភេទ ប្រុស កើតនូវឆ្នាំ ១៩៩០ មុខរបររត់តុ មានទីលំនៅ ភូមិ ថ្មី សង្កាត់ស្វាយដង្គំ ក្រុងសៀមរាប និងទី៣. ឈ្មោះ យិន ស្រី ពេជ្រ ភេទ ស្រី កើតនូវឆ្នាំ ១៩៩០ មានទីលំនៅភូមិស្លក្រាម ក្រុង សៀមរាប ។ បច្ចុប្បន្ន ជនសង្ស័យទាំង៣នាក់ ត្រូវបានសមត្ថកិច្ច បញ្ជូនខ្លួន ទៅកាន់មណ្ឌលបន្សាប និងកែប្រែគ្រឿងញៀន ៕
![]()
![]()
![]()
![]()
![]()