ឃាត់ខ្លួនជនសង្ស័យ២នាក់ ដកហូតថ្នាំញៀនចំនួន៥០ គ្រាប់
).jpg)
បាត់ដំបង ៖ ជនសង្ស័យចំនួន២ នាក់ រួមនឹងគ្រឿងញៀនប្រភេទយ៉ាម៉ាចំនួន ៥០ គ្រាប់ ត្រូវបានកំលាំងកងរាជអាវុធហត្ថស្រុកសំពៅលូន ធ្វើការឃាត់ខ្លួន ពេលកំពុងប្រព្រឹត្តសកម្មភាពជាក់ស្តែង កាលពីវេលាម៉ោង ៣ និង៣០នាទី រសៀលថ្ងៃទី៧ ខែសីហា ឆ្នាំ២០១៦ ត្រង់ចំនុចភូមិទឹកផុស ឃុំអង្គរបាន ស្រុកសំពៅលូន ខេត្តបាត់ដំបង ។
យោងតាមរបាយការណ៍របស់អាវុធហត្ថ បានបញ្ជាក់ថា កិច្ចប្រតិបត្តិការនេះ កម្លាំងយើង បានឃាត់ខ្លួនមុខសញ្ញាចំនួន២ នាក់ឈ្មោះ សំ ហន ភេទប្រុស អាយុ២៨ឆ្នាំ និង ឈ្មោះ សៀប កុល
ភេទប្រុស អាយុ២១ឆ្នាំ ជនទាំង២នាក់ មានមុខរបរ ធ្វើចំការ និងរស់នៅភូមិកូនភ្នំខាងត្បូងឃុំតាស្តារ ស្រុកសំពៅលូន ។
ក្រោយពេលឃាត់ខ្លួន សមត្ថកិច្ចបានធ្វើការឆែកឆេរទៅលើខ្លួនប្រាណ ក៏បានប្រទះឃើញ មានការលាក់ទុកនូវគ្រឿងញៀនប្រភេទយ៉ាម៉ាចំនួន ៥០ គ្រាប់ ទើបកំលាំងបាននាំយកទៅកាន់មូលដ្ឋានកងរាជអាវុធហត្ថស្រុក ដើម្បីសាកសួរ រកប្រភពដើម នឹងបក្ខពួក ។ បច្ចុប្បន្ន សមត្ថកិច្ច បាន នឹកកំពុងរៀបចំឯកសារដើម្បី បញ្ជូនខ្លួនជនសង្ស័យ ទាំងពីរនាក់ រួមទាំងវត្ថុតាងទៅកាន់សាលាដំបូងខេត្ត និងចាត់វិធានការតាមផ្លូវច្បាប់ ៕
![]()
![]()
![]()
![]()
![]()