ផ្លូវគ្រួសក្រហមមួយខ្សែ នៅស្រុកចុងកាល់ ត្រូវជំនន់ទឹកភ្លៀងហូរកាត់ផ្ដាច់
).jpg)
ឧត្តរមានជ័យ៖ ទឹកជំនន់ដោយទឹកភ្លៀង ហូរកាត់ផ្តាច់ផ្លូវគ្រួសក្រហមមួយខ្សែ ស្ថិតនៅខាងលិចវត្ត ភ្នំដី ស្ថិតនៅក្នុងភូមិខ្នា ឃុំក្រសាំង ស្រុកចុងកាល់ ខេត្តឧត្តរមានជ័យ ពិបាកក្នុងការធ្វើដំណើររបស់បងប្អូនប្រជាពលរដ្ឋ ឆ្លងកាត់ ព្រោះ ទឹកមានកម្ពស់ស្មើចង្កេះ ហើយក៏អាចបន្តឡើងទៀត ប្រសិនបើមេឃនៅតែមានភ្លៀងរហូត នោះ។
សមត្ថកិច្ច ក៏ដូចជា ប្រជាពលរដ្ឋ បានអោយដឹងថា កាលពីឆ្នាំមុនៗ មិនដែលមានខូចផ្លូវ ដូចឆ្នាំនេះទេ.ទើបតែឆ្នាំនេះ ពីព្រោះមូលហេតុមកពីភ្លៀងជាប់ៗគ្នាជារៀងរាល់ថ្ងៃមិនដែលខាន ទើបបណ្តាលអោយខូចផ្លូវជាច្រើនកន្លែងនោះ ហើយប្រជាពលរដ្ឋ បានបន្តទៀតថា. មិនត្រឹមតែខូចខាតផ្លូវនោះទេ សូម្បីតែដំណាំជាច្រើនមុខ ក៏ត្រូវខូចខាតផងដែរ។
ជាមួយនឹងក្ដី កង្វល់របស់ប្រជាពលរដ្ឋ លោក ស ថាវី អភិបាលនៃគណៈអភិបាលខេត្តឧត្តរមានជ័យ និងលោក យឹម ធិន ប្រធានក្រុមប្រឹក្សាខេត្ត រួមដំណើរក្រុមការងារថ្នាក់ខេត្ត និងស្រុក បានអញ្ជើញ ចុះត្រួតពិនិត្យទឹកលិចផ្លូវខាងលើ និងសួរសុខទុកប្រជាពលរដ្ឋដែលធ្វើដំណើរឆ្លងកាត់ផ្លូវលិចទឹក កាលពីថ្ងៃទី៧ ខែសីហា ឆ្នាំ២០១៦ម្សិលមិញ ផងដែរ។
លោក ស ថាវី អភិបាលខេត្ត ក៏បានផ្តល់ថវិកា២០ដុល្លារ ដល់អ្នកបើកគោយន្តកន្ត្រៃចំឡងអ្នកភូមិដែលធ្វើដំណើរឆ្លងផ្លូវលិចទឹកនេះ ។បន្ទាប់មកលោក ស ថាវី អភិបាលខេត្ត បានអញ្ជើញ សួរសុខទុកព្រះសង្ឃដែលគង់ចាំព្រះវស្សា និងយាយជីតាជីនៅក្នុងវត្តភ្នំដីដែលស្ថិតនៅភូមិ ឃុំ ខាងលើ ហើយក៏បានប្រគេនទេយ្យទាន ដល់ព្រះសង្ឃមានអង្ក០១ការុង.ទឹកដុះគោ ស្ករស ទឹកក្រូច និងថវិកា មួយចំនួន ហើយបានជូនថវិកាដល់យាយជី និងតាជីក្នុងម្នាក់ៗ១០០០០ រៀលផងដែរ៕
![]()
![]()
![]()
![]()
![]()