ប៉េអិម ស្ទាក់ចាប់បុរសម្នាក់ រឹបអូសរថយន្តវីហ្គោមួយគ្រឿង និងថ្នាំញៀន១គីឡូក្រាម
).jpg)
ស្ទឹងត្រែង៖ បុរសម្នាក់ រួមជាមួយ រថយន្តវីហ្គោស៊េរីទំនើបមួយគ្រឿង ត្រូវបានកម្លាំងអាវុធហត្ថខេត្ត ស្ទាក់ចាប់បាន នៅលើកំណាត់ផ្លូវជាតិលេខ៩ ខេត្តស្ទឹងត្រែង-ព្រះវិហារ ដកហូត គ្រឿងញៀន១គីឡូក្រា ម។
ប្រតិបត្តិការនេះ ធ្វើឡើងនៅលើកំណាត់ផ្លូវជាតិលេខ៩ កាលពីវេលាម៉ោង១២និង២០នាទីថ្ងៃត្រង់ថ្ងៃទី០៥ខែ សីហា ឆ្នាំ២០១៦ ត្រង់ចំនុចជិតផ្លូវបំបែកចូលភូមិស្រែឫស្សី ស្ថិតក្នុងភូមិសំអាង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង។
លោកឧត្តមសេនីយ៍ត្រី អៀង វ៉ាន់ឌី មេបញ្ជាការកងរាជអាវុធហត្ថ ខេត្តបានឱ្យដឹងថា ជនសង្ស័យដែលអាវុធហត្ថឃាត់ខ្លួនមានឈ្មោះ វ៉ាន់ ឌីអូន ភេទប្រុសអាយុ៤៨ឆ្នាំ មានស្រុកកំណើត នៅភូមិផាបាំង ឃុំថ្មកែវ ស្រុកសៀមប៉ាង ខេត្តស្ទឹងត្រែង ។បច្ចុប្បន្នមានប្រពន្ធរស់នៅ ភូមិហាស៊ីឃូន ស្រុកមឿងខូង ខេត្តចំប៉ាសាក់ ប្រទេសឡាវ។
លោកមេបញ្ជាការ បានបន្តឱ្យដឹងទៀតថា ជនសង្ស័យជាមុខសញ្ញាដែលសមត្ថកិច្ចតាមប្រមាញ់ ខណៈដែល ជនសង្ស័យបានបើករថយន្តម៉ាកវីហ្គោ ពណ៌ស្ករ ពាក់ស្លាកលេខឡាវ៧៨៨៨ចូលតាមច្រកទ្វារអន្តរជាតិត្រពាំងគ្រៀល កាលពីថ្ងៃទី៣សីហា មកស្នាក់នៅសណ្ឋាគារមួយក្នុងខេត្តស្ទឹងត្រែង ដើម្បីធ្វើសកម្មភាព ។
លោក អៀង វ៉ាន់ឌី បន្តថា លុះព្រឹកថ្ងៃទី៥សីហា ក្រោយពីជនសង្ស័យទទួលបានគ្រឿងញៀនពីបក្សពួកគេ បានចេញដំណើរទៅធ្វើការដោះដូរ ក៏ត្រូវបានកម្លាំងអាវុធហត្ថខេត្ត បើករថយន្តប្រាំទៅប្រាំមួយគ្រឿង ស្ទាក់ចាប់បានម្នាក់ នៅចំណុចខាងលើ និងម្នាក់ទៀត បានរត់គេចូលព្រៃបាត់តែម្តង។
លោក បន្តថា ក្រោយការស្ទាក់ចាប់រថយន្តឃាត់ខ្លួនជនសង្ស័យ សមត្ថកិច្ចអាវុធហត្ថ បានធ្វើការឆែកឆេរក្នុងរថយន្ត បានរកឃើញគ្រឿងញៀនប្រភេទមេតំហ្វេតាមីនម្សៅក្រាមពណ៌ សថ្លា(ICE)មួយកញ្ចប់ធំ ស្មើនិងគីឡូក្រាម និងបានបញ្ជូនជនសង្ស័យមកកាន់ ទីបញ្ជា ការកងរាជអាវុធ ហត្ថខេត្តសាកសួរ។
បច្ចុប្បន្នជនសង្ស័យរួមទាំងវត្ថុតាង ត្រូវបានសមត្ថកិច្ចជំនាញ កំពុងសាកសួរ ដើម្បីរៀបចំសំណុំរឿង បញ្ជូនខ្លួន ទៅកាន់តុលាការចាត់ការបន្តទៅតាមនីតិវិធី៕
![]()
![]()
![]()
![]()
![]()