រន្ទះបាញ់ផ្ដាច់ជីវិតសត្វគោប្រជាពលរដ្ឋ ១៤ក្បាល នៅស្រុកសំបូរ
).jpg)
ក្រចេះ ៖ ភ្លៀងធ្លាក់មួយមេធំ លាយឡំផ្គរ រន្ទះ បាញ់ចំគ្រោលគោអ្នកភូមិ ងាប់អស់គោចំនួន១៤ក្បាល កាលពីវេលាម៉ោង៧និង៥០នាទីយប់ថ្ងៃទី០២ សីហា នៅចំណុចភូមិអូរតាណឹង ឃុំក្បាលដំរី ស្រុកសំបូរ ខេត្តក្រចេះ ។
នគរបាលប៉ុស្ដិ៍ក្បាលដំរី បានអោយដឹងថា គោរបស់អ្នកភូមិម្នាក់ ឈ្មោះ ម៉ុត ព្រឿង អាយុ ៥១ឆ្នាំ រស់នៅក្នុងភូមិឃុំកើតហេតុខាងលើត្រូវបានរន្ទះបាញ់ងាប់អស់ចំនួន១៤ក្បាល ខណះមេឃកំពុងតែភ្លៀងធ្លាក់លាយឡំដោយខ្យល់កន្ទ្រាក់ខ្លាំងនៅក្នុងខេត្តក្រចេះ ។
សមត្ថកិច្ច បានបន្ដថានៅយប់កើតហេតុគោរបស់អ្នកភូមិខាង គឺត្រូវបានម្ចាស់ គេយកទៅចងនៅក្នុងគ្រោល មួយកន្លែងនៅក្រោម ដើមឈើធំមួយដើម ផ្នែកខាងក្រោយខ្ទមស្រែ ខណះពួកគាត់កំពុងសម្រាកនៅលើ ខ្ទមចាំស្រែក្បែរភូមិ ខាងលើ។ សមត្ថកិច្ច បានបន្ថែមថា មានការផ្អើលឆោឡោបន្ទាប់ពីកើតហេតុរួច ហើយគោទាំងអស់នោះ ត្រូវបានអ្នកភូមិរួម និងមេឈ្មួញធំៗ ចែកគ្នាទិញយកទាំងអស់ ក្នុងតំលៃថោកៗ ដើម្បីយកទៅលក់បន្ត ចែកចាយនៅទីផ្សារ៕
![]()
![]()
![]()
![]()
![]()