បន្ទាយ​មាន​ជ័​យ ៖ ​​​លោក​ ប៉ាន់ សូរ​ស័ក្ក ​រដ្ឋមន្ត្រី​ ក្រសួង​ពាណិជ្ជកម្ម​ ​ បាន​ជម្រុញ​បន្ថែម​ដល់​មន្ដ្រី​​កាំកុងត្រូល ​និង​​​សមត្ថ​កិច្ច​ ​តាម​ព្រំដែន​ ត្រូវ​​បន្ត​ទប់ស្កាត់​ទំនិញ​ខូចគុណភាព​ ដើម្បី​ជៀសវាង​ផល​ប៉ះពាល់​ ដល់​សុខភាព​​ បងប្អូន ​ប្រជាពលរដ្ឋ​ ​។

ថ្លែង​ក្នុង​ពិធី​ដុត​កម្ទេច​ទំនិញ​ខូចគុណភាព​ និង​ខុសច្បាប់​​ ប្រមាណ​ជិត​២​តោន ​នៅ​ក្រុង​ប៉ោយប៉ែត ​ខេត្តបន្ទាយមានជ័យ​​ នា​​ថ្ងៃទី​២៦ សីហា ២០១៦​​សាខា​កាំកុងត្រូល​បង្ក្រាប​បាន​ នាពេល​កន្លងមក​។

លោក ស៊ាន ស៊ី​ណាត បាន​ឲ្យ​ដឹងថា ​ការដុត​កម្ទេច​ចោល​នេះ​ ប្រព្រឹត្តទៅ​ក្រោម​ការចូលរួម​ពី​សំណាក់​ ឯកឧត្តម ប៉ាន់ សូរ​ស័ក្ក ​រដ្ឋមន្ត្រីក្រសួង ​ពាណិជ្ជកម្ម លោក សួន បវរ អភិបាលខេត្ត​លោក មាស ច័ន្ទ​ពិសិទ្ធ  ព្រះរាជអាជ្ញា​ខេត្តបន្ទាយមានជ័យ ​ព្រមទាំង​អស់​លោក​ជា​មេបញ្ជាការ​អង្គភាព​ពាក់ព័ន្ធ ​ហើយ​ទំនិញ​ទាំងអស់​ត្រូវ​បាន​ដកហូត ​នា​ពេល​ដែល​មន្ត្រី​របស់​លោក​ចុះ​ផ្សព្វផ្សាយ ត្រួត​ពិនិត្យ​គុណភាព​ម្ហូបអាហារ​កន្លងមក ​រួម មាន​ កម្ទេច​មី នំ ឆា​ខ្វៃ ទឹក​ផ្លែឈើ​ចម្រុះ ​នំស្រួយ​បំពង ទឹកដោះគោ​ប្រអប់​ ផ្សិត​កំប៉ុង ​ត្រីខកំប៉ុង ​ទឹកខ្មេះ​រូប​ទន្សាយ ​ ទឹកត្រី ណែម​ដែល​មាន​ផ្ទុក​ សារជាតិ​បូរ៉ាក់​ មួយ​ចំនួនធំ  ។

ក្នុងឱកាសនោះ​លោក​​រដ្ឋមន្ត្រី​ក្រសួង​ពាណិជ្ជកម្ម​  បាន​មានប្រសាសន៍​បន្ថែម​ថា ​ជាមួយ​និង​ការខិតខំ​ប្រឹងប្រែង ​រប​ស់​មន្ត្រី​កាំកុងត្រូល ​សូម​អោយ​បងប្អូន​ប្រជាពលរដ្ឋ​មុន​ និង​ទិញ​ទំនិញ​ ទៅ​បរិភោគ​សូម​ធ្វើការ​ពិនិត្យ​អោយ​បាន​ច្បាស់លាស់​ ជៀសវាង​ ផល​ប៉ះ​ទំនិញ​ ដែល​ខូចគុណភាព​ និង​ច្បាប់​ហាមឃាត់​។ លោក​​រដ្ឋមន្ត្រី​ បាន​ អះអាងទៀតថា​ ​នៅ​ពេល​ខាងមុខនេះ ​ក្រសួង​ និង​បង្កើត​អោយ​មាន​រថយន្ត​បំពាក់​ ឧបករណ៍ ​ពិសោធន៍​ចល័ត ​និង​ក្រុម​សង្គ្រោះ​ ទៅតាម​ខេត្ត​ក្រុង​៕