បុរសតណ្ហាពុះកញ្ជ្រោលចាប់រំលោភលោកយាយអាយុ៧៧ឆ្នាំ បានសម្រេចត្រូវជាប់ខ្នោះ
ព្រៃវែង ៖ លោកយាយវ័យអាយុ៧៧ឆ្នាំ ត្រូវបានបុរសវ័យ៤០ឆ្នាំម្នាក់ តណ្ហាឡើងពុះកញ្ជ្រោល បានចាប់រំលោភបានសម្រេច នៅក្នុងចំការស្វាយ រត់គេចខ្លួនបានមួយដង្ហើមចង្រិត ត្រូវបានសមត្ថកិច្ចធ្វើការស្រាវជ្រាវក្របួចជាប់។
អធិការនគរបាលស្រុកស៊ីធរកណ្តាល បានឲ្យដឹងថា បុរសជនសង្ស័យដែលចាប់រំលោភលោកយាយអាយុ៧៧ឆ្នាំ បានសម្រេច មានឈ្មោះ គ្រុត ស្រន ភេទប្រុសអាយុ៤០ ឆ្នាំរស់នៅភូមិព្រែកចង្ក្រានក្រោមឃុំព្រែកចង្ក្រាន ស្រុកស៊ីធរកណ្តាល ខេត្តព្រៃវែង បានធ្វើសកម្មភាពចាប់រំលោភលោកយាយឈ្មោះ សេត លាត ភេទស្រីអាយុ៧៧ឆ្នាំ មានទីលំនៅភូមិបាប្រិយ៍ ឃុំស្រុកជាមួយគ្នា បានសម្រេច កាលពីថ្ងៃទី២៥ ខែសីហា ឆ្នាំ២០១៦ នៅចំណុចវាលចំការខាងជើង ភូមិព្រែកចង្ក្រាន ក្នុងខណៈដែលលោកយាយរងគ្រោះកំពុងជំរះស្មៅនៅក្នុងចំការស្វាយ។
សមត្ថកិច្ច បានបន្តទៀតថា ជនសង្ស័យ ក្រោយពីធ្វើសកម្មភាពចាប់រំលោភសេពសន្ថវៈលើលោកយាយ រងគ្រោះ បានសម្រេច ហើយនោះ ក៏បានរត់គេចខ្លួនទៅពួន នៅខាងត្បូងភូមិ ខណៈពេលនោះ កម្លាំងរបស់អធិការដ្ឋានស្រុក បានសហការជាមួយកម្លាំងនគរបាលប៉ុស្តិ៍ ចុះធ្វើការឃាត់ ខ្លួនជនសង្ស័យ ខាងលើបាន នៅរសៀលថ្ងៃនេះផងដែរ។ បច្ចុប្បន្ន ជនសង្ស័យ ត្រូវបានឃាត់ខ្លួននៅអធិការដ្ឋាននគរបាលស្រុកស៊ីធរកណ្តាល ដើម្បីកសាងសំណុំរឿង បញ្ជូនទៅសាលាដំបូងខេត្តព្រៃវែង ចាត់ការតាមនីតិវិធី នៃច្បាប់៕