៣ថ្ងៃ ឃាត់ខ្លួនជនសង្ស័យ១៥នាក់ រួមនឹងថ្នាំញៀន១៦ កញ្ចប់
សៀមរាប៖ អាវុធហត្ថខេត្ត ចេញប្រតិបត្តិការបង្ក្រាបក្រុមជួញដូរគ្រឿងញៀន ជាបន្ដបន្ទាប់រយះពេល៣ថ្ងៃ ឃាត់ខ្លួនជនសង្ស័យចំនួន១៥នាក់ ដកហូតថ្នាំញៀន ម៉ាទឹកកក ចំនួន ១៦ កញ្ចប់ ស្មើ៤,៩៧ក្រាម។
ប្រតិបត្តិការរយះពេល៣ថ្ងៃ បានធ្វើឡើង នៅថ្ងៃទី៣០,៣១ខែកក្កដា នឹងថ្ងៃទី០១ខែសីហា ឆ្នាំ២០១៦ នៅចំណុច ភូមិសាលាកន្សែង សង្កាត់ស្វាយដង្គំ ក្រុងសៀមរាប។
របាយការណ៍អាវុធហត្ថខេត្ត បានឲ្យដឹងថា ជនសង្ស័យ ទាំង១៥នាក់ ក្រោយឃាត់ខ្លួន សមត្ថកិច្ច រកឃើញ វត្ថុតាង ម្សៅគ្រើម ម៉ាទឹកកក១៦ កញ្ចប់ស្មើ៤,៩៧ក្រាម ទូរស័ព្ទ១០គ្រឿង និង ឧបករណ៍ វេចខ្ចប់គ្រឿងញៀនមួយចំនួនផងដែរ។ របាយការណ៍ បានបន្ដទៀតថា ជនសង្ស័យខាងលើទាំងអស់ ដែលជាប់ ពាក់ព័ន្ធ ករណី ជួញដូរគ្រឿងញៀន មានស្រុកកំណើត នៅខេត្តសៀមរាប មានអាយុចាប់ពី ១៧ឆ្នាំរហូតដល់ជាង៣០ឆ្នាំ។ បច្ចុប្បន្នជនសង្ស័យ ត្រូវបានកម្លាំងអាវុធហត្ថកំពុងធ្វើការសាកសួរ និង កសាងសំណុំរឿងបញ្ជូនទៅកាន់តុលាការ បន្ដនីតិវិធី៕
![]()
![]()
![]()
![]()
![]()