ថ្ងៃពុធ ទី១៨ ខែកញ្ញា ឆ្នាំ២០៥០ គេហទំព័រសម្លេងខ្មែរពិត || ទំនាក់ទំនងចាងហ្វាងការផ្សាយ លេខទូរស័ព្ទ ៖ 088 41 41 152 / 012 98 48 55
ខុន​ដូ​ និង​អា​ផាត​ម៉ិ​ន ​ចំនួន​២៨ ​គម្រោង​ទៀត​នឹង​បញ្ចប់​នៅ​ឆ្នាំនេះ
ថ្ងៃទី ២៤ ខែ សីហាឆ្នាំ ២០១៦​ ម៉ោង 12:11 PM
ដោយ សម្លេខខ្មែរពិត (ចំនួនអ្នកអាន: 673នាក់)





ភ្នំពេញ  ៖ ​ចំនួន​ខុន​ដូ និង​អា​ផាត​ម៉ិ​ន​ចំនួន​២៨​គំរោង​ទៀត នឹង​បញ្ចប់​នៅ​ចុង​ឆ្នាំនេះ ដែល​ធ្វើ​ឲ្យ​ទីផ្សារ​នេះ​ កាន់តែ​មានការ​ប្រកួតប្រជែង​ខ្លាំង​ជាង​មុន ​ខណៈ​ការ​ផ្គត់ផ្គង់​ច្រើន​លើស​តម្រូវការ​។

យោង​តាម​ការសិក្សា​រប​ស់​ក្រុមហ៊ុន​ CBRE Cambodia​ បាន​ឲ្យ​ដឹងថា ​គិត​ត្រឹម​ដំណាច់​ឆមាស​ទី​១​ឆ្នាំនេះ​ ខុន​ដូ​ ចំនួន​១១​គំរោង​មាន​ជាច្រើន​ពាន់​យូ​នី​ត ​និង​អា​ផាត​ម៉ិ​ន​ចំនួន​១៧​គំរោង ​ស្មើនឹង​ផ្ទះ​ចំនួន​៨០០​យូ​នី​ត​ទៀត ​នឹងដាក់​ចូលក្នុង​ទីផ្សារ​នៅ​ដំណាច់​ឆ្នាំនេះ ខណៈ​បច្ចុប្បន្ន​មាន​អា​ផាត​ម៉ិ​ន​ចំនួន​៦៥០០​យូ​នី​ត ​និង​ខុន​ដូ​ចំនួន​២៩០០​យូ​នី​ត​បាន​ និងកំពុង​ដំណើរកា​រ​នៅលើ​ទីផ្សារ​រួចហើយ​។

ការសិក្សា​ដដែល​ក៏បាន ​រកឃើញថា ​នៅ​ឆ្នាំ​២០១៧​ខាងមុខនេះ ខុន​ដូ​ចំនួន​២៧​គំរោង​ស្មើនឹង​៨១០០​យូ​នី​ត​ទៀត​នឹងដាក់​ដំណើរការ ដែល​ធ្វើ​ឲ្យ​ទីផ្សារ​នេះ​កាន់​តែមាន​ភាព​ប្រកួតប្រជែង​។

អ្នកនាង​ អាន សុ​ធីតា​នាយិកា​ក្រុមហ៊ុន​CBRE Cambodia​បាន​ថ្លែង​ឲ្យ​ដឹង​តាម​ទូរស័ព្ទ​នា​ព្រឹក​ថ្ងៃទី​២៤ សីហា​នេះ​ថា អត្រា​ប្រើប្រាស់​អា​ផាត​ម៉ិ​ន​បច្ចុប្បន្ន ​គ្របដណ្ដប់ ​ប្រមាណ​៨៦​ភាគរយ ប៉ុន្តែ​ការប្រើ​ប្រាស់​ខុន​ដូ​មាន​អត្រា​ទាប​ជាង​នេះ ដូច្នេះ នៅ​ពេល​ការ​ផ្គត់ផ្គង់​កើនឡើង​ វា​លំបាក​បន្តិច​ក្នុងការ​ធ្វើ​ឲ្យ​តម្លៃ​ជួល​អា​ផាត​ម៉ិ​ន​កើនឡើង​ ដែល​ទាមទារ​ឲ្យ​ម្ចាស់​អា​ផាត​ម៉ិ​ន​ នានា​ធ្វើកា​កែលំអរ​ ពង្រឹង​សេវាកម្ម ​និង​គុណភាព​សេវា​របស់ខ្លួន ​ដើម្បី​ទាក់ទាញ​អ្នកស្នាក់នៅ​។

​អ្នកនាង​ បាន​បន្តថា “​ទីផ្សារ​អា​ផាត​ម៉ិ​ន​នៅតែ​ល្អប្រសើរ​ ទោះជា​ប្រឈមមុខ​នឹង​ការប្រកួតប្រជែង​កើនឡើង​ក្តី ​ដោយសារ​នៅ​កម្ពុ​ជា​មាន​ជនបរទេស​រស់នៅ​ប្រមាណ​៣​ម៉ឺន​នាក់ និង​មាន​អ្នកធ្វើការ​និង​អ្នកវិនិយោគ ​ថ្មីៗ​កាន់តែច្រើន​ចូល​មក​កាន់​ប្រទេស​នេះ​”​។

ទោះជា​យ៉ាងណា​យោងតាម​ការសិក្សា​របស់​ក្រុមហ៊ុន​ Knight Frank​ នៅក្នុង​ឆមាស​ទី​១​ឆ្នាំនេះ​បាន​រកឃើញ​ផ្ទុយ​ពីនេះ ​ដោយ​របាយការណ៍​បាន​បង្ហាញថា​ វិស័យ​អា​ផាត​ម៉ិ​ន​សម្រាប់​ជួល​ក៏​កំពុង​រង​សម្ពាធ​ផងដែរ ​ជាមួយនឹង​ការធ្លាក់ចុះ​តំលៃ​ជួល​៧.២០​ភាគរយ ដោយសារ​កំណើន​នៃ​ការប្រកួត​ប្រជែង ពី​ចំនួន​អា​ផាត​ម៉ិ​ន​សម្រាប់​ជួល និង​ខុន​ដូ​ដែល​បាន​បញ្ចប់​ការសាងសង់​។

ការសិក្សា​របស់​ក្រុមហ៊ុន​Knight Frank​បានបង្ហាញ​សញ្ញា​អវិជ្ជមាន​បន្ថែមទៀត ដោយបាន​រកឃើញថា ​តំលៃ​ជួល​ត្រូវបាន​គេ​ព្យាករណ៍​ថា​នឹង​បន្ត​ធ្លាក់ចុះ​បន្ថែមទៀត នៅពេល​គម្រោង​សាងសង់​ជាច្រើន​ទៀត នឹង​សាងសង់​រួចរាល់​ចាប់ពី​ចុងឆ្នាំ​នេះ ដល់​ឆ្នាំ​២០២០​ខាងមុខ​៕

ដកស្រង់ ៖ ពីគេហទំព័របាយ័ន​


 


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ