កុមារតូចៗ ៣នាក់ លង់ទឹកប្រឡាយ ជីកដាក់លូស្លាប់២នាក់
).jpg)
ត្បូងឃ្មុំ ៖ កូនក្មេងតូចៗ ៣នាក់ បាននាំគ្នា ទៅលេងទឹក ក្នុងប្រឡាយរណ្តៅ ដែលគេជីកសម្រាប់ដាក់លូ ទើបកសាងផ្លូវ ថ្មី លង់ស្លាប់០២នាក់ និងកុមារម្នាក់ ជីវិតថ្លៃបានរួចផុតពីសេចក្ដីស្លាប់ កាលវេលា ម៉ោងប្រហែល ១២ និង១០ នាទី ថ្ងៃទី២២ ខែសីហា ឆ្នាំ ២០១៦ ។
របាយការណ៍ របស់សមត្ថកិច្ច បានឲ្យដឹងថា ក្មេងរងគ្រោះដោយសារលង់ទឹកប្រឡាយដាក់លូនេះ ទី១-ឈ្មោះ ហាន លីហួន អាយុ៨ ឆ្នាំ ឳពុក ឈ្មោះ ហន លីហាន ប្រពន្ធឈ្មោះ ផា ស៊ីថា នៅភូមិស្រឡប់ ឃុំស្រឡប់។២-ឈ្មោះ ចិត ចេម អាយុ ១២ ឆ្នាំ ឳពុក ឈ្មោះ យេន ចិត ម្តាយឈ្មោះ សឿន រិន នៅភូមិស្រឡប់ ឃុំស្រឡប់។ ៣-ឈ្មោះ ឈាង ពន្លក អាយុ ១២ ឆ្នាំ ឪពុក ឈ្មោះ ឌុច ឈាង អាយុ ៤៨ ឆ្នាំ នៅភូមិស្រឡប់ ឃុំស្រឡប់។
របាយការណ៍ ដដែល បានបន្ដទៀតថា មុនកើតហេតុ កុមាររងគ្រោះ បាននាំគ្នា ទៅលេងទឹក ក្នុងប្រឡាយ រណ្តៅ ដែលគេជីកសម្រាប់ដាក់លូ ទើបកសាងផ្លូវថ្មី ( សាលាខេត្តត្បូងឃ្មុំ) មានជម្រៅ ២,៥០ ម៉ែត្រ ទទឹងប្រហែល៤ម៉ែត្រ បណ្តោយរាប់សិបគីឡូ បណ្តាលឲ្យលង់ស្លាប់ចំនួន០២ នាក់ ទី១ ឈ្មោះហាន លី ហួន និង២- ឈ្មោះ ចិត ចេម ។ ក្នុងខណៈពេលដែលកុមារាទាំង២នាក់ កំពុងលង់ទឹក កុមារា ឈ្មោះ ឈាង ពន្លក បានរត់ មកប្រាប់ចាស់ៗ នៅក្នុងភូមិឲ្យជួយ តែដោយសារកន្លែងកើតហេតុ នៅឆ្ងាយពីភូមិ ទើបមិនអាចសង្គ្រោះ ជីវិតកុមារ ទាំង២នាក់នោះបាន ៕
![]()
![]()
![]()
![]()
![]()