រថយន្តដឹកត្រី កង្កែប មាន់ បែកកង់ ក្រឡាប់ បណ្ដាលឲ្យមនុស្ស៤នាក់ រងរបួស
).jpg)
កំពង់ឆ្នាំង៖ ករណីគ្រោះថ្នាក់ចរាចរណ៍រថយន្ត ហ្វត បែកកង់ក្រោយក្រឡាប់ជាច្រើនត្រឡប់បណ្ដាល ឲ្យមនុស្សប្រុសស្រី៤នាក់ បានរងរបួសធ្ងន់និងស្រាល កាលពីវេលាម៉ោង១០និង៥៥នាទីថ្ងៃទី ២២សីហា ២០១៦ នៅលើកំណាត់ផ្លូវជាតិលេខ៥ ចន្លោះបង្គោលគីឡូម៉ែត្រលេខ១០៥ និង១០៦ ស្ថិតក្នុងភូមិថ្មកែវ ឃុំស្វាយជ្រុំ ស្រុករលៀប្អៀ ខេត្តកំពង់ឆ្នាំង ។
សមត្ថកិច្ច ស្ថិតក្នុងកន្លែងកើតហេតុ បានអោយដឹងថា រថយន្តដែលរងគ្រោះថ្នាក់ក្រឡាប់នេះ ម៉ាកហ្វត ពណ៌សពាក់ស្លាក់លេខ PP2AF5098 បើកបរទិសដៅពីជើងទៅត្បូងក្នុងល្បឿនលឿន មានដឹកត្រី កង្កែប មាន់ ពេញរថយន្តគេដឹកចេញពីឆ្នុកទ្រូ ចូលទៅភ្នំពេញ ។
ប្រភពពីប្រជាពលរដ្ឋ បានអោយដឹងថា នៅមុនពេលកើតហេតុគេបានឃើញរថយន្តខាងលើមានដឹកត្រីពេញ បើកបរក្នុងល្បឿនលឿន មកដល់ចំណុចកើតហេតុបានបែកកងក្រោយខាងឆ្វេងអូសជាច្រើនម៉ែត្រ ហើយបានបែកកងក្រោយម្ខាងទៀត និងបានក្រឡាប់ជាច្រើនត្រឡប់ចាក់ត្រីចោលពេញផ្លូវ និងបានធ្វើអោយមនុស្សជិះក្នុងរថយន្តរងរបួសធ្ងន់ និងស្រាល ។
ប្រភពដដែល បានអោយដឹងទៀតថា ក្រុមអ្នកបើកបរថយន្តដឹកត្រីនេះ មានឈ្មោះ ពោង ជាអ្នកស៊ីឈ្នួលបើករថយន្តអោយម្ចាស់ឈ្មោះ សៅសារ៉ូ ក្នុងនោះរងរបួសធ្ងន់ម្នាក់ ឈ្មោះ ផូចូច ប្រុសអាយុ១៧ឆ្នាំរស់នៅ ក្នុងភូមិត្រពាំងចឹក្សា សង្កាត់កំពង់ឆ្នាំងរងរបួសធ្ងន់ និងម្នាក់ទៀត ឈ្មោះ សៅសារ៉ូ ស្រីអាយុ២៩ឆ្នាំ ជាម្ចាស់រថយន្តនិង២នាក់ផ្សេងទៀតមិនត្រូវបានគេអោយស្គាល់ឈ្មោះ រងរបួសស្រាល ។
ក្រោយពេលកើតហេតុជនរងគ្រោះត្រូវបានសមត្ថកិច្ចហៅរថយន្តមន្ទីរពេទ្យដឹកយកទៅធ្វើការសង្គ្រោះបន្ទាន់នៅមន្ទីរពេទ្យបង្អែកខេត្ត ។ ដោយឡែករថយន្តត្រូវបានសមត្ថកិច្ចអូសយកមកការិយាល័យចរាចរណ៍ខេត្តរក្សាទុករងចាំធ្វើការដោះស្រាយតាមនីតិវិធី ៕
![]()
![]()
![]()
![]()
![]()