កាមរីឆ្លាម បើកបុកម៉ូតូ បណ្ដាលឲ្យបុរសម្នាក់ រងរបួសធ្ងន់
).jpg)
បន្ទាយមានជ័យ ៖ ករណីគ្រោះថ្នាក់ចរាចរណ៍នេះ បង្កឡើងដោយរថយន្ដម៉ាកកាមរីឆ្លាម មួយគ្រឿង បានបើកបុកម៉ូតូ ហុងដាឌ្រីម បណ្ដាលឲ្យបុរសវ័យចំណាស់ម្នាក់ រងរបួសធ្ងន់ កាលពីវេលាម៉ោង១៨ និង៣០ នាទី ថ្ងៃទី២១ ខែសីហា ឆ្នាំ២០១៦ នៅលើកំណាត់ផ្លូវជាតិលេខ៦ ស្ថិតក្នុងភូមិរហាល ឃុំរហាល ស្រុកព្រះនេត្រព្រះ ខេត្តបន្ទាយមានជ័យ។
លោកវរសេនីយ៍ត្រី ស៊ិន រ៉ាស៊ី មេបញ្ជាការមូលដ្ឋានកងរាជអាវុធហត្ថស្រុក ព្រះនេត្រព្រះ បានអោយដឹងថា ករណីគ្រោះថ្នាក់ចរាចរណ៍នេះ បង្កឡើងដោយរថយន្ដម៉ាកកាមរីឆ្លាមពណ៌សំបកឪឡឹក ពាក់ស្លាកលេខភ្នំពេញ 2H3127 បានបុកម៉ូតូមួយគ្រឿង ម៉ាកហុងដាឌ្រីម C100 ពណ៌ខ្មៅសេរី២០០២ គ្មាន ស្លាកលេខ បើកដោយឈ្មោះ រឺន ឡំ ភេទប្រុស អាយុ៦៤ឆ្នាំ រស់នៅភូមិឃុំ កើតហេតុខាងលើ បណ្ដាលអោយរងរបួសធ្ងន់។ ចំណែកអ្នកបើករថយន្ដមិនស្គាល់អត្តសញ្ញាណហើយក្រោយពីកើតបានរត់គេចបាត់។
លោកវរសេនីយ៍ត្រី ស៊ិន រ៉ាស៊ី បានអោយដឹងទៀតថា ក្រោយពីកើតហេតុ ជនរងគ្រោះត្រូវបានក្រុមគ្រួសារបញ្ជូនទៅព្យាបាលនៅមន្ទីរពេទ្យ អេមីចិនស៊ី ខេត្តបាត់ដំបង។ រីឯរថយន្តនិងម៉ូតូត្រូវបានកម្លាំងនគរបាលចរាចរណ៍យកទៅរក្សាទុកនៅអធិការដ្ឋាននគរបាលស្រុកព្រះនេត្រព្រះ ដើម្បីរងចាំធ្វើការដោះស្រាយទៅតាមនីតិវិធី៕
![]()
![]()
![]()
![]()
![]()