ប៉េអិមឃាត់ខ្លួន ជនសង្ស័យ២នាក់ ដកហូតថ្នាំញៀន ម៉ាទឹកកក ចំនួន១៩ កញ្ចប់
).jpg)
បាត់ដំបង ៖ ជនសង្ស័យចំនួន២នាក់ ត្រូវបានកំលាំងកងរាជអាវុធហត្ថស្រុករតនមណ្ឌល ធ្វើការឃាត់ខ្លួន ព្រមទាំង ដកហូតនូវគ្រឿងញៀនប្រភេទម៉ាទឹកកកចំនួន១៨កញ្ចប់ ខណៈដែលមុខសញ្ញាទាំង២នាក់នេះ បានធ្វើសកម្មភាពចែកចាយទីតាំងផ្សេងៗគ្នា ។
កិច្ចប្រតិបត្តិការនេះ បានប្រព្រឹត្ត ឡើង កាលពីម៉ោង៥ និង ១៥ នាទីល្ងាច ថ្ងៃទី ១ ខែសីហា ឆ្នាំ២០១៦ ត្រង់ចំណុចភូមិ ជាមន្ត្រី ឃុំ ត្រែង ស្រុក រតនមណ្ឌល ខេត្តបាត់ដំបង បន្ទាប់ពីកំលាំងបានទទួលនូវសេចក្តីរាយការណ៍មួយ ពាក់ព័ន្ធនឹងករណីចែកចាយគ្រឿងញៀនជាក់ស្តែង ។
ក្នុងកិច្ចប្រតិបត្តិការនោះគឺសមត្ថកិច្ចបានធ្វើការឃាត់ខ្លួនឈ្មោះ រ៉េត បូរិទ្ធ ភេទប្រុស អាយុ ២១ឆ្នាំ មុខរបរ កម្មករ ទីលំនៅភូមិ ភ្ជាវ ឃុំ ត្រែង ស្រុក រតនមណ្ឌល ខេត្តបាត់ដំបង ដោយឆែករកឃើញគ្រឿងញៀនប្រភេទម៉ាទឹកកកចំនួនមួយកញ្ចប់ ដែលជនសង្ស័យ បានលាក់ទុក នៅក្នុងខោលីអូរ ដោយថ្នាំញៀននេះមានទម្ងន់ ១,៧៧ ក្រាម ។ បន្ទាប់ពីបានធ្វើការសាកសួររួចមក សមត្ថកិច្ចបានបន្តឈានដល់ការឃាត់ខ្លួន ជនសង្ស័យ បានម្នាក់ទៀត មានឈ្មោះ ឈឹម កុសល ភេទប្រុស អាយុ ២២ ឆ្នាំ មុខរបរ គ្មាន ។ ការឃាត់ខ្លួននេះ បានធ្វើឡើងនៅចំណុចភូមិ ភ្ជាវ ឃុំត្រែង ស្រុក រតនមណ្ឌលខេត្តបាត់ដំបង ដែលជាបក្ខពួកតែមួយព្រមទាំងបាន រកឃើញគ្រឿងញៀនប្រភេទម៉ាទឹកកក ចំនួន ១៨ កញ្ចប់ មានទម្ងន់ ៥,៦៤ ក្រាម ទូរស័ព្ទ ០៤ គ្រឿង។
នៅក្នុងកិច្ចប្រតិបត្តិការនេះដែរ គឺកំលាំងបានឃាត់ខ្លួនមនុស្សបានជនសង្ស័យចំនួន២នាក់ រួមទាំង វត្ថុ តាងគឺគ្រឿងញៀនម៉ាទឹកកក ១៩ កញ្ចប់ មានទម្ងន់សរុប ៧,៤១ ក្រាម -ទូរស័ព្ទដៃ ០៤ គ្រឿង -ម៉ូតូ ០១ គ្រឿងម៉ាក MSX ពណ៌ ស គ្មានផ្លាក លេខ ស៊េរីឆ្នាំ ២០១៤ ។ បច្ចុប្បន្ន ជនសង្ស័យ និង វត្ថុតាង កំពុងឃាត់ខ្លួន នៅការិយាល័យជំនាញ ដើម្បីបញ្ជូន ទៅកាន់សាលាដំបូងខេត្ត ចាត់ការតាមនីតិវិធីច្បាប់ ៕
![]()
![]()
![]()
![]()
![]()