កំពង់ឆ្នាំង៖ជនសង្ស័យ២នាក់ ជំនាញខាងគាស់ផ្ទះលួចសម្ភារៈ ត្រូវបាន សមត្ថកិច្ចក្រុងកំពង់ឆ្នាំ ឃាត់ខ្លួនបាន តាមប្រព័ន្ធ GPS ឈានដល់ការឆែកឆេរ លំនៅឋានរបស់ជនសង្ស័យ រកឃើញម្សៅក្រាមពណ៌ស ចំនួន២៦កញ្ចប់ និងវត្ថុតាងសម្រាប់បំរើដល់ការជក់មួយចំនួនទៀត ។ ករណីនេះ បានធ្វើឡើងនៅវេលាម៉ោង៨និងនិងនាទីថ្ងៃទី១៧ សីហា ២០១៦ នៅចំណុចផ្ទះរបស់ឈ្មោះ មុំ សាមឿន ភេទប្រុសអាយុប្រមាណ៥៥ឆ្នាំ មានប្រពន្ធឈ្មោះ កែវសុខចំរើន អាយុប្រមាណ ៥០ឆ្នាំ ស្ថិតក្នុងភូមិឡទឹកត្រី សង្កាត់កំពង់ឆ្នាំង ក្រុង និងខេត្តកំពង់ឆ្នាំង ។ សមត្ថកិច្ច ដែលស្ថិតក្នុងការបង្ក្រាប បានអោយដឹងថា ជនល្មើសដែលត្រូវបានឃាត់ខ្លួនមាន ឈ្មោះទូច បូរ៉ាធូ អាយុ២៤ឆ្នាំ រស់នៅ ក្នុងភូមិឡទឹកត្រីសង្កាត់កំពង់ឆ្នាំង ក្រុងនិងខេត្តកំពង់ឆ្នាំង ម្នាក់ទៀតឈ្មោះ ផន លឹមហួត អាយុ១៦ឆ្នាំរស់នៅ ក្នុងភូមិឃ្លាំងប្រាក់សង្កាត់ប្អេរ ក្រុងកំពង់ឆ្នាំង ។ សមត្ថកិច្ច បានបន្ថែមទៀតថា នៅមុនឈានដល់ការបង្ក្រាបមុខសញ្ញាក្រុមចោរលួចខាងលើនេះ បន្ទាប់ពីទទួលបានពាក្យបណ្តឹងពីម្ចាស់របស់ឈ្មោះ ឌុចសុភី ប្រុសអាយុ៣៨ឆ្នាំរស់នៅ ក្នុងភូមិឃ្លាំងប្រាក់សង្កាត់ប្អេរ ក្រុងកំពង់ឆ្នាំង ត្រូវបានក្រុមចោរចូលលួចទូរស័ព្ទ ប្រភេទទំនើប២គ្រឿងដែលមានភ្ជាប់ប្រព័ន្ធ GPS និងលុយដុល្លា១០៧០ និងប្រាក់រៀល៥០ម៉ឺនរៀលដាក់ក្នុងកាបូប ខណះដែលក្រុមចោរគាស់ទ្វាខាងក្រោយផ្ទះចូលលួច ។ ក្រោយពីទទួលពាក្យបណ្តឹងពីជនរងគ្រោះភ្លាមៗសមត្ថកិច្ច បានសហការគ្នាជាមួយនគរបាលក្រុងកំពង់ឆ្នាំង ចាត់វិធានការជំនាញរបស់សមត្ថកិច្ចទើបឈានដល់ការឡោមព័ទ្ធ ចាប់ឃាត់ខ្លួនបានមុខសញ្ញាមួយឈ្មោះ ទូចបូរ៉ាធូ ខាងលើភ្លាមៗ ។ សមត្ថកិច្ច បានលើកឡើងទៀតថា ការបង្ក្រាបមុខសញ្ញានេះបាន ក៏ធ្វើការរាយការណ៍ជូនលោកស្នងការនគរបាលខេត្ត និងមានការសម្របសម្រួលពីលោកស្រីព្រះរាជអាជ្ញាសាលាដំបូងខេត្តចូលធ្វើការឆែកឆេរ លំនៅឋានរបស់ជនសង្ស័យ រកឃើញម្សៅក្រាមពណ៌ស ១៣កញ្ចប់តូច ទូរស័ព្ទដៃ៥គ្រឿង រួមនិងឧបករណ៍សម្រាប់បំរើដល់ការជក់មួយចំនួនទៀតផង។ ក្នុងនោះក៏ឈានទៅតាមចាប់ឃាត់ខ្លួនបានមុខសញ្ញាម្នាក់ទៀត ដែលជាបក្សពួកឈ្មោះ ផន លឹមហូត ដកហូតបានទូរស័ព្ទ ដៃរបស់ជនរងគ្រោះ២គ្រឿង និងលុយ១០៧០ដុល្លា រួមនិងម្សៅក្រាមពណ៌ស១៣កញ្ចប់តូចបន្ថែមទៀត ។ ក្រុមនេះ ជាមុខសញ្ញាចាស់ដែលសមត្ថកិច្ចកំពុងតាម ។ បច្ចុប្បន្ន ជនល្មើសរួមនិងវត្ថុតាងត្រូវបានត្រូវបានការិយាល័យ ព្រហ្មទណ្ឌ កំរិតស្រាលខេត្តកំពង់ឆ្នាំង ធ្វើការសាកសួរ និងកសាងឯកសារគ្រោង និងបញ្ជូនទៅសាលាដំបូងខេត្ត ចាត់ការតាមនីតិវិធីនៃច្បាប់ នៅរសៀលថ្ងៃនេះ ផងដែរ៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ