ស្រវឹងស្រា ជិះម៉ូតូលឿនជ្រុល ដួលបោកក្បាល និងថ្នល់របួសធ្ងន់
ភ្នំពេញ ៖ បុរសម្នាក់បន្ទាប់ពីផឹកស៊ីស្រវឹងខ្លាំងពេកជិះម៉ូតូបោះពួយលឿន ដូចហោះតាមផ្លូវ បេតុងមួយខ្សែ ហើយជ្រុលធ្លាក់ចេញពីលើផ្លូវដួលបោកក្បាល និងថ្នល់រងរបួសធ្ងន់សន្លប់ឈឹងនៅ នឹងកន្លែង កើតហេតុហើយត្រូវបានប្រជាពលរដ្ឋហៅរថយន្ដសង្គ្រោះមកដឹកទៅព្យាបាលនៅមន្ទីរពេទ្យ ។
ហេតុការណ៍នេះ បានកើតឡើងកាលពីវេលាម៉ោង១១យប់ថ្ងៃទី១៦ខែសីហាឆ្នាំ២០១៦នៅតាមផ្លូវបេតុង ភូមិព្រៃជីសាក់ សង្កាត់ចោមចៅ ខណ្ឌពោធិ៍សែនជ័យ។
ជនរងគ្រោះត្រូវបានគេស្គាល់ឈ្មោះ ពៅ ភេទប្រុសអាយុ៣៨ឆ្នាំ មុខរបររត់ម៉ូតូឌុប ស្នាក់នៅភូមិព្រៃទា សង្កាត់ចោមចៅ ខណ្ឌពោធិ៍សែនជ័យ។ម៉ូតូជនរងគ្រោះម៉ាកហុងដាឌ្រីមសេ១២៥ពណ៌ខ្មៅ ស្លាកលេខ ភ្នំពេញ 1N.0665 ។
ប្រជាពលរដ្ឋ នៅកន្លែងកើតហេតុ បានឲ្យដឹងថា នៅមុនពេលកើតហេតុ គេបានឃើញបុរសរងគ្រោះខាងលើនេះ ជិះម៉ូតូក្នុងទិសដៅពីកើតទៅលិច ក្នុងល្បឿនយ៉ាងលឿន លុំ មកដល់ចំណុចកើតហេតុ ដោយសារតែបុរស នោះគាត់ស្រវឹងខ្លាំងពេក មើលផ្លូវមិនច្បាស់ រេចង្កូតធ្លាក់ផ្លូវបេតុងបោកនឹងចិញ្ចើមថ្នល់ បណ្តាលអោយមនុស្សនិងម៉ូតូហោះ បោកពីរបីត្រឡប់ បែកក្បាលសន្លប់ស្ដូកស្តឹង រងរបួសធ្ងន់ធ្ងរ។
ក្រោយពេលកើតហេតុប្រជាពលរដ្ឋដែលឃើញហេតុការណ៍ បានរាយការណ៍ទៅសមត្ថកិច្ចមូលដ្ឋានឲ្យចុះទៅមើលកន្លែងកើតហេតុ និងបានទាក់ទងហៅរថយន្តសាមុយ ដឹកជនរងគ្រោះទៅព្យាបាល។ ដោយឡែក ម៉ូតូជនរងគ្រោះត្រូវបានសមត្ថកិច្ចយកទៅរក្សារទុកនៅប៉ុស្តិ៍នគរបាលរដ្ឋបាលសង្កាត់ចោមចៅ ដើម្បីរងចាំម្ចាស់មកទទួលយកទៅវិញ ៕
![]()
![]()
![]()
![]()
![]()