រថយន្ដ ប្រលះម៉ូតូចំពីមុខពេញទំហឹង បណ្តាល ឲ្យជិះម៉ូតូប៉ើងអូសប្រហែល ១៥ម៉ែត្រ
).jpg)
កំពង់ឆ្នាំង ៖ គ្រោះថ្នាក់ចរាចរណ៍រថយន្តបុក ជាមួយ និងម៉ូតូនៅចំណុចផ្លូវខ្វែងទិសគ្នា បណ្ដាលឲ្យ មនុស្សប្រុស-ស្រី៣នាក់ បានរងរបួសធ្ងន់ ។ ហេតុការណ៍នេះ បានកើតឡើងនៅវេលាម៉ោង៣និង៤៧នាទីល្ងាច ថ្ងៃទី១៤ ខែសីហា ឆ្នាំ ២០១៦ម្សិលមិញ នៅលើកំណាត់ផ្លូវជាតិលេខ៥ ចំណុចបេនឡាន ជាប់ របង អេស៊ីលីដាផ្សារលើ ។
នគរបាលមូលដ្ឋាន បានអោយដឹងថា រថយន្តបង្កម៉ាកសាំយ៉ុង ពណ៌ស ពាក់ស្លាកលេខ PP2AA0094 ពីត្បូងទៅជើងមានដឹកជនជាតិចិន មិនស្គាល់ឈ្មោះបានបុកជាមួយម៉ូតូមួយគ្រឿងម៉ាកស្មាសវីពណ៌ខ្មៅក្រហម ពាក់ស្លាកលេខភ្នំពេញ 1BQ5129 មានឌុបគ្នា៣នាក់ បើកបរដោយឈ្មោះ អ៊ឹង សុភាព ភេទស្រីអាយុ១៥ឆ្នាំ ភូមិឡទឹកត្រីសង្កាត់កំពង់ឆ្នាំង ទី២ឈ្មោះ ណាវរស្មី ស្រីអាយុ១៥ឆ្នាំ និងទី៣.ឈ្មោះ ហ៊ឹមតែវ ស្រីអាយុ១៦ឆ្នាំ ជាអ្នកបំរើការងារនៅផ្ទះលក់បាយមួយកន្លែងក្នុងសង្កាត់កំពង់ឆ្នាំងអ្នកទាំង៣នាក់រងរបួសធ្ងន់ ។
អ្នកឃើញហេតុការណ៍ បាននិយាយថា មុនពេលកើតហេតុគេបានឃើញជនរងគ្រោះខាងលើជិះម៉ូតូចេញពីកន្លែងលាងម៉ូតូ នៅការាស់សាំងសូគីម៉ិចរួចជិះចេញទៅកើត បំរុង បុកជាមួយរថយន្ដម្តងរួចហើយ ធ្វើអោយផ្អើលអ្នកនៅជិតកន្លែង ហើយហួសទៅដល់កន្លែងកើតហេតុក៏ត្រូវបានរថយន្តបុកចំពីមុខបណ្តាលអោយប៉ើងបុក និងកញ្ចក់អូសរហូតចម្ងាយ១៥ម៉ែត្ររងរបួសធ្ងន់ ។
ក្រោយពេលកើតហេតុអ្នកបើករថយន្តបានចុះរត់គេចខ្លួនបាត់ ដោយទុកចោលរថយន្តនិងអ្នកជិះជាជនជាតិចិន នៅកន្លែងកើតហេតុ។ ដោយឡែកជនរងគ្រោះត្រូវបានសមត្ថកិច្ចនិងប្រជាពលរដ្ឋហៅរថយន្តដឹកយកទៅសង្គ្រោះបន្ទាន់នៅមន្ទីរពេទ្យបង្អែកខេត្ត ។តែដោយសាររបួសធ្ងន់ធ្ងរពេក ត្រូវបានក្រុមគ្រួសាបញ្ជូនទៅសង្គ្រោះបន្ទាន់នៅមន្ទីរពេទ្យក្រុងភ្នំពេញ ។ ក្នុងនោះរថយន្ត និងម៉ូតូដែលជាវត្ថុតាងត្រូវបានសមត្ថកិច្ចក្រុងកំពង់ឆ្នាំងនាំយកមករក្សាទុកនៅអធិការនគរបាលក្រុងកំពង់ឆ្នាំង រង់ចាំធ្វើការដោះស្រាយតាមនីតិវិធី ៕
![]()
![]()
![]()
![]()
![]()