មន្ដ្រីកាំកុងត្រូល ផ្សព្វផ្សាយពីវិធីបង្ការ និង គ្រោះថ្នាក់ម្ហូបអាហារ ដល់អាជីវករ និងសិស្សានុសិស្ស ៣០០នាក់
).jpg)
បន្ទាយមានជ័យ ៖ មន្ត្រីជំនាញសាខាកាំកុងត្រូលខេត្តបន្ទាយមានជ័យ នៅថ្ងៃ ០១ សីហា ២០១៦ បានសហការជាមួយសមត្ថកិច្ចចំរុះ បន្ដសកម្មភាព ចុះអប់រំដល់សិស្សានុសិស្សចំនួន៣០០នាក់ នៅវិទ្យាល័យម៉ាឡៃ និងអាជីវករផ្សារក្នុងទីរួមស្រុកម៉ាឡៃ ស្តីពីគ្រោះថ្នាក់ម្ហូបអាហារ និងវិធីបង្ការ។
លោក ហុង លៀង អនុប្រធានទី១ ទទួលបន្ទុកទីផ្សារនៃសាខាកាំកុងត្រូលខេត្តបន្ទាយមានជ័យ បានអោយដឹងថា ដោយទទួលបញ្ជាពី លោក ស៊ាន ស៊ីណាត ប្រធានសាខាកាំកុងត្រូល បានដាក់នូវផែនការ ដល់មន្ត្រីរបស់ខ្លួន ពង្រឹងការត្រួតពិនិត្យការនាំចូលទំនិញផ្សេងៗពីប្រទេសថៃ ទាំងច្រកអន្តរជាតិ និងច្រកតំបន់ នៅថ្ងៃទី១សីហា ក៏បានចុះផ្សព្វផ្សាយរួមមាន ការចូលរួមពីនគរបាលប្រឆាំងបទល្មើសខេត្ត ក្រសួង និងមន្ត្រីមន្ទីរពាណិជ្ជកម្មក្នុងគោលបំណងអប់រំ ចំណេះដឹងដល់សិស្សានុសិស្ស អោយស្គាល់ពីប្រភេទទំនិញខូចគុណភាព របៀបមើលពីសុពលភាពទំនិញ ប្រភេទទំនិញ ដែលច្បាប់ហាមឃាត់ មិនអនុញ្ញាត ឲ្យលក់លើទីផ្សារ។
ក្នុងនោះលោក លន់ ស៊ីថា អនុប្រធានសាខាកាំកុងត្រូល ទទួលបន្ទុកអប់រំផ្សព្វផ្សាយបានរំពឹងទុកថា ក្រោយទទួលបានការណែនាំសិស្សានុសិស្ស ប្រជាពលរដ្ឋ និងកាន់តែយល់ដឹងខ្ពស់ អាចបញ្ឈប់ការទទួលទាននូវចំណីអាហារណាដែលគ្មានគុណភាព និងហាមឃាត់ ហើយបន្តទៅផ្សព្វផ្សាយដល់ ក្រុមគ្រួសារ មិត្តភក្តិ ពលរដ្ឋដទៃទៀត និងសហគមន៍ ដែលពួកគេរស់នៅ ពេលនោះ ពួកគាត់ និងឈប់ ប្រើប្រាស់ ហើយទំនិញខូចគុណភាព ក៏គ្មានលើទីផ្សារ ។លោក ក៏សំណូមពរដល់អាជីវករទាំងអស់កុំយកទំនិញដែលខូចគុណភាព ឫហួសកាលបរិច្ឆេទ មកលក់ នាំអោយខូចសុខភាពអ្នកទទួលទិញ និងម្យ៉ាងទៀតវាប្រឈមមុខនឹងផ្លូវច្បាប់ផ្ដន្ទាទោស។
ក្នុងការចុះត្រួតពិនិត្យទំនិញក្នុងផ្សារស្រុកម៉ាឡៃ បានរកឃើញនិងដកហូត នៅទឹកក្រូចហួសកាលបរិច្ឆេទ មួយចំនួន រឹបអូសយកមករក្សាទុក ដើម្បីរងចាំដុតកម្ទេចចោល៕
![]()
![]()
![]()
![]()
![]()