បុរសម្នាក់ស្រវឹងស្រា បើករថយន្ដម៉ាកហុងដា CRV ធ្លាក់ប្រឡាយទឹកស្អុយ ត្រាំលេង
).jpg)
ភ្នំពេញ ៖ រថយន្ដស៊ីអវី មួយគ្រឿង អ្នកបើកបរស្រវឹងស្រា ជ្រុលចង្កូត ធ្លាក់ប្រឡាយទឹកស្អុយ តែសំណាងល្អ មិន បណ្ដាលឲ្យអ្នកបើកបររងរបួសអ្វីធ្ងន់ធ្ងរទេ ។ ហេតុការណ៍ នេះ កើតឡើង កាលពីវេលាម៉ោង២និង៤០នាទីរំលងអាធ្រាត្រ ឈានចូលថ្ងៃទី១១ ខែសីហា ឆ្នាំ២០១៦ នៅតាមបណ្ដោយផ្លូវជាតិលេខ៤ មុខភូមិព្រៃព្រីង ខាងជើង សង្កាត់ចោមចៅ ខណ្ឌពោធិ៍សែនជ័យ ។
អ្នកឃើញហេតុការណ៍ បានឲ្យដឹងថា រថយន្តធ្លាក់ប្រឡាយខាងលើម៉ាកហុងដា CRV ពណ៌ខ្មៅ ពាក់ស្លាក 2D.9206 បើកបរដោយបុរសម្នាក់ ដោយស្ថានភាពស្រវឹង បើកបរធ្វើដំណើរក្នុងទិសដៅពីលិចទៅកើតយ៉ាងលឿន ដល់កន្លែងកើតហេតុ ខំគេចពីរថយន្ដមួយគ្រឿងទៀត ដែលបើកបរច្រាសទិសគ្នា បណ្ដាលឲ្យរេចង្កូត ធ្លាក់ប្រឡាយទឹកស្អុយ តែម្ដង ។
ប្រភពព័ត៌មាន ដដែលបានឲ្យដឹងទៀតថា មុនពេលកើតហេតុគាត់ឃើញបុរសខាងលើ បើកដោយសភាពស្រវឹង ដោយធ្វើដំណើរក្នុងទិសដៅពីលិចទៅកើតដោយបើកយ៉ាងលឿន លុះមកដល់ចំណុចកើតហេតុបានរេចង្កូតទៅផ្នែកខាងឆ្វេងបណ្ដាលឲ្យធ្លាក់ប្រឡាយ ទឹកស្អុយ ហើយរថយន្តខាងលើ បានវិលត្រឡប់ក្រោយវិញដូចក្នុងរឿងចិនហុងកុងអញ្ចឹង។
ប្រភពខ្លះទៀត បាននិយាយថា រថយន្តខាងលើដោយសារបើកគេចរថយន្តមួយគ្រឿងទៀតដែលបើកបញ្ច្រាសទិសគ្នា ហើយខំគេច ទើបបានជារូបគាត់ បើករេចង្កូតមកផ្នែកខាងឆ្វេងដៃធ្លាក់ប្រឡាយ ទឹកស្អុយដូច្នេះ។ ក្រោយពេលកើតហេតុដោយសាតមិនប៉ះពាល់ដល់អ្នកដទៃទើបសមត្ថកិច្ចឲ្យម្ចាស់រថយន្ដនេះ ហៅរថយន្តមកស្ទូចយកទៅជួសជុលខ្លួនឯង ៕
![]()
![]()
![]()
![]()
![]()