ជនជួញដូរគ្រឿងញៀន៥នាក់ ត្រូវសមត្ថកិច្ចបង្ក្រាប ជាក់ស្ដែង
ខេត្តបន្ទាយមានជ័យ ៖ កម្លាំងនគរបាលក្រុងសិរីសោភ័ណ ចុះប្រតិបត្តិការបង្ក្រាប ក្រុមជួញដូរគ្រឿងញៀន ឃាត់ខ្លួនជនសង្ស័យប្រុស-ស្រី ចំនួន៥នាក់ ក្នុងនោះមានជនជាតិវៀតណាមម្នាក់ និងដកហូតវត្ថុ តាងមួយចំនួន។
ប្រតិបត្តិការនេះ បានធ្វើឡើងកាលពីវេលាម៉ោង៣រសៀលថ្ងៃទី៧ ខែកក្កដា ឆ្នាំ២០១៦នេះ នៅចំណុចផ្លូវចូលទៅសួនស្នេហ៍មានជ័យស្ថិតក្នុងភូមិ អូរអំបិល សង្កាត់អូអំបិល ក្រុងសិរីសោភ័ណ ដោយកម្លាំងនគរបាលបង្ក្រាបគ្រឿងញៀនខេត្ត នសហការជាមួយកំលាំងនគរបាលក្រុងសិរីសោភ័ណ។
នគរបាលប្រឆាំងគ្រឿង បានឲ្យដឹងថា ជនសង្ស័យប្រុសស្រីចំនួន៥នាក់ដែលត្រូវឃាត់ខ្លួន ក្នុងនោះមានជនជាតិវៀតណាមម្នាក់ និងដកហូតវត្ថុតាងថ្នាំប្រភេទមេតំហ្វេតាមីន ម្សៅក្រាមម៉ាទឹកកក ចំនួន៣ថង់ ស្មើនិង១.៥៧ក្រាម និងសម្ភារៈជក់មួយចំនួនធំ បញ្ជូនមកស្នងការនគរបាលខេត្តបន្ទាយមានជ័យ ។
លោកវរៈសេនីយ៍ឯក ចាប សុផារិទ្ធ ស្នងការរងខេត្តបន្ទាយមានជ័យ ទទួលបន្ទុកគ្រឿងញៀននិងអនីតិជន បានឲ្យដឹងថា ជនសង្ស័យទាំង៥នាក់ ១.ឈ្មោះ សុភ័ក្រ អានុន ប្រុសអាយុ១៧ឆ្នាំ ២.ស៊ីម ចាន់រ៉ា ប្រុសអាយុ១៥ឆ្នាំ ៣. ដា ណារិទ្ធ ប្រុសអាយុ២២ឆ្នាំ ៤.ហុំ ដាវីស្រី អាយុ២៥ឆ្នាំ និង៥. ហុងឆឹង ស្រីអាយុ៣៦ឆ្នាំ ជនជាតិវៀតណាម អ្នកទាំង៥នាក់នេះ រស់នៅក្នុងភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។
លោក បន្ដថា បើតាមចំលើយសារភាពរបស់ជនសង្ស័យ ទាំង៥នាក់ បានឆ្លើយសារភាពដូចគ្នាថាខ្លួនពិតជាបានយកថ្នាំញៀនយកទៅលក់ចែកចាយឲ្យបក្សពួកខ្លួននៅតាមផ្លូវសាធារណៈសំរាប់យកទៅជក់បន្តពិតប្រាដកមែន ។ក្រោយពីបានចំលើយសារភាពហើយជនសង្ស័យទាំង៥នាក់ នេះត្រូវបានកសាងសំណុំរឿងបញ្ជូនទៅតុលាការដើម្បីដាក់ទោសទៅតាមផ្លូវច្បាប់៕
![]()
![]()
![]()
![]()
![]()