ផឹកចំស្រាកាច វាយធ្វើបាបប្រពន្ធ ទ្រាំមិនបានប្ដឹងសមត្ថកិច្ចចាប់ខ្លួន
).jpg)
កណ្ដាល ៖ ប្រពន្ធទ្រាំនឹងប្ដីវាយធ្វើបាបលែងបាន សម្រេចចិត្តប្ដឹងសមត្ថកិច្ច អោយចាប់ខ្លួនយកទៅដាក់គុក ដោយសារតែពូកែរករឿងឈ្លោះប្រកែកប្រើអំពើហិង្សាក្នុងគ្រួសារញឹកញាប់ពេក ។ ករណីនេះ កើតឡើងកាលពីវេលាម៉ោង ១១និង៣០នាទី ថ្ងៃទី០៥ ខែកក្កដា ឆ្នាំ ២០១៦ នៅចំណុចភូមិ ដុល ឃុំ សន្លុង ស្រុកខ្សាច់កណ្ដាល ខេត្តកណ្ដាល ។
នគរបាលស្រុកមុខកំពូល បានអោយដឹងថា ជនល្មើសជាប្ដីត្រូវឃាត់ខ្លួន ឈ្មោះ គង់ គា ហៅ ឡាក់ ភេទ ប្រុស អាយុ ៤៤ ឆ្នាំ(ប្តី) ជនជាតិខ្មែរ មុខ កសិករមានទីលំនៅភូមិ ឃុំកើតហេតុ ។ ចំណែក ជនរងគ្រោះឈ្មោះ លឹង លី ភេទស្រី អាយុ៤៩ ឆ្នាំ(ប្រពន្ធ) ជនជាតិ ខ្មែរ មុខរបរ កសិករ មានទីលំនៅ ភូមិ ឃុំកើតហេតុ មានរបួស ស្នាម មុតនៅបាតដៃឆ្វេង ០១ កន្លែង និង ហើមជាំភ្លៅឆ្វេង ។
វត្ថុតាងចាប់យកមាន១.ដំបងឫស្សី មួយកំណាត់ប្រវែង១,២៥ ម៉ែត្រ ២.ដំបងឈើមួយកំណាត់ប្រវែង០,៥៥ ម៉ែត្រ នគរបាល ប្រាប់អោយដឹងទៀតថា កន្លងមកជនល្មើសឧស្សាហ៍ប្រើអំពើហិង្សាក្នុងគ្រួសារ ដោយវាយដំលើជនរងគ្រោះជាញឹកញាប់ ហើយសមត្ថកិច្ចបានធ្វើការអប់រំណែនាំ ឲ្យជនល្មើសធ្វើកិច្ចសន្យា ម្តងរួចមកហើយ តែនៅតែមិនកែខ្លួន។
ជាក់ស្តែង កាលពីវេលាម៉ោង១១និង.៣០ នាទី នៅថ្ងៃទី០៥ ខែកក្កដាឆ្នាំ ២០១៦ ជនល្មើស ឈ្មោះ គង់ គា ផឹកស្រាស្រវឹ ងហើយបានមកសុំលុយពីប្រពន្ធឈ្មោះ លឹង លី យកទៅផឹកស្រាបន្តទៀត តែប្រពន្ធមិនឲ្យ ភ្លាមនោះឈ្មោះ គង់ គា ស្ទុះទៅយកដំបងឈើមួយកំណាត់ វាយលើឈ្មោះ លឹង លី ឃើញដូច្នេះឈ្មោះ លឹង លី បានចាប់ដំបងនេះ បណ្តាលឲ្យមុត រយៈបាតដៃឆ្វេង មួយកន្លែង របួសចេញឈាមបន្ទាប់មក ឈ្មោះ គង់ គា បានទៅយកដំបងឫស្សីមួយកំណាត់ទៀត វាយលើឈ្មោះ លឹង លី ត្រូវចំភ្លៅឆ្វេងបណ្តាលឲ្យរបួសហើមជាំក្រោយមកជនរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលសន្លុង សមត្ថកិច្ច ឃាត់ខ្លួន ឈ្មោះគង់ គា បញ្ជូនមកកាន់អធិការដ្ឋាននគរបាលស្រុកខ្សាច់កណ្តាល ដើម្បីអនុវត្ត តាមនីតិវិធី ៕
![]()
![]()
![]()
![]()
![]()