ថ្ងៃពុធ ទី១៩ ខែមិថុនា ឆ្នាំ២០៥០ គេហទំព័រសម្លេងខ្មែរពិត || ទំនាក់ទំនងចាងហ្វាងការផ្សាយ លេខទូរស័ព្ទ ៖ 088 41 41 152 / 012 98 48 55
ហាងឆេង​​​សណ្តែកបាយ​​ខេត្ត​ព្រះវិហារ​ ​កំពុង​​ទ្បើង​ថ្លៃ​​១​គី​ទ្បូ​​ ​​ដល់​៣៥០០​រៀល​
ថ្ងៃទី ០៦ ខែ កក្កដាឆ្នាំ ២០១៦​ ម៉ោង 11:39 AM
ដោយ សម្លេងខ្មែរពិត (ចំនួនអ្នកអាន: 683នាក់)





ព្រះវិហារ ៖ ​ដើមខែ​ កក្កដា​ឆ្នាំ​២០១៦ ​នេះ​​ កសិករ​នៅ​ទូទាំង​ខេត្តព្រះវិហារ​ ចាប់ផ្ដើម​ប្រមូល​ផល​សណ្តែក​បាយ​ ដើម្បី​ទុក​លក់​អោយ​ឈ្មួញកណ្តាល​ ដែល​តម្លៃ​សណ្តែកបាយ​ នៅលើ​ទីផ្សារ​ក្នុងស្រុក​ឆ្នាំនេះ​ មាន​ហាងឆេង​ល្អ​ជាង​ឆ្នាំ​២០១៥ ​បន្ថែមទៀត​។

​សេច​ក្ដី​រាយការណ៍ ​​បានអោយដឹងថា​ តម្លៃ​ហាងឆេង​សណ្តែកបាយ​កាលពី​ឆ្នាំ​២០១៥​ ថ្លៃ​៣០០០​រៀល​ ក្នុង​១​គី​ទ្បូ​ក្រាម​ ​​​នៅ​​ឆ្នាំ​២០១៦​នេះ​ តម្លៃ​សណ្តែកបាយ​ក្នុងស្រុក​បាន​ហក់​ទ្បើង​ថ្លៃ​ដល់​៣៥០០​រៀល​ក្នុង​១​គី​ទ្បូ​ក្រាម​ គឺ​អាច​ជួយ​លើកស្ទួយ​ជីវភាព​កសិករ​អោយ​កាន់តែ​ធូរធារ​ថែមទៀត​​​មួយ​កម្រិត​ទៀត​ ។

​នៅ​ព្រឹក​ថ្ងៃទី​០៦​ខែកក្កដា​ឆ្នាំ​២០១៦ ​​​ប្រធាន​មន្ទីរ​កសិកម្ម​ខេត្តព្រះវិហារ​  លោក​​ ​ពឹង​ ទ្រី​ដា ​បាន​អោយដឹង​​ថា​ ឆ្នាំនេះ​ កសិករ​នៅ​ទូទាំង​ខេត្តព្រះវិហារ​ដាំ​ដុះ​សណ្តែកបាយ​បាន​ចំនួន​៨​ពាន់​ហិកតា​ដែល​បាន​ដាំ​តាំងពី​ខែមេសា​ ចុងរដូវ​ប្រាំង​២០១៦​។​មកដល់​ខែកក្កដា​នេះ​កសិករ​ចាប់ផ្តើម​ប្រមូល​ផល​បណ្តើរៗ​ ដែល​ទទួល​បាន​ទិន្នផល​ចាប់ពី​១,២០​តោន​ដល់​១,៥០​តោន​ក្នុង​១​ហិកតា​។

លោក​ប្រធាន​មន្ទីរ​បន្តថា​ តម្លៃ​សណ្តែកបាយ​ឆ្នាំនេះ​មាន​ហាង​ល្អ​គឺ​ថ្លៃ​៣៤០០​រៀល​ដល់​៣៥០០​រៀល​ក្នុង​១​គី​ទ្បូ​ក្រាម​។​ដំណាំ​សណ្តែកបាយ​សម្បូរ​ដាំ​ដុះ​ជាងគេ​នៅ​តាម​ស្រុក​ចំនួន​៣​រួមមាន​ស្រុក​ត្បែង​មានជ័យ​ស្រុក​សង្គម​ថ្មី ​និង​ស្រុក​គូលែន​។​

លោក​ ថ្លែង​បញ្ជាក់ថា​ បន្ទាប់ពី​ប្រជាកសិករ​ប្រមូល​ផល​សណ្តែកបាយ​ចប់​នាពេល​ដ៏​ខ្លី​ខាងមុខនេះ​គឺ​ដល់​រដូវ​ដាំ​ដុះ​ដំណាំ​សណ្តែកសៀង​បន្ត​ទៀត​។

​​គួរបញ្ជាក់ថា​ សណ្តែកបាយ​ជា​មុខទំនិញ​កសិផល​មួយ​ប្រភេទ​រក្សា​តម្លៃ​បាន​ល្អ​ ទាំង​លើ​ទីផ្សារ​ក្នុងស្រុក​ ​និង​នាំចេញ​ទៅកាន់​ប្រទេសជិតខាង​កម្ពុជា ​ដូចជា​ ប្រទេស​វៀតណាម​ ​និង​ថៃ​ ជាដើម​ដើម្បី​ចូល​រោងចក្រ​ផលិត​ចំណីអាហារ​ផ្សេងៗ​៕
 


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ