ឃាត់ខ្លួនបញ្ជូនជនសង្ស័យ៣នាក់ទៅតុលាការ ជាប់ពាក់ព័ន្ធករណីគ្រឿងញៀន
សៀមរាប ៖ ជនសង្ស័យ៣នាក់ ត្រូវបានកម្លាំងនគរបាលប្រឆាំងគ្រឿងញៀននៃស្នងការខេត្តរួមសហការជាមួយកំលាំងអធិការនគរបាលស្រុកជីក្រែង ធ្វើការបង្ក្រាបករណីជួញដូរ និងចាត់ចែងអោយប្រើប្រាស់ដោយខុច្បាប់ នូវសាធាតុញៀន ។
ប្រតិបត្តិការនេះ បានធ្វើឡើងកាលពី វេលាម៉ោង២២និង៣០នាទីក្នុងថ្ងៃទី៤ខែកក្កដា ឆ្នាំ២០១៦ ស្ថិតនូវចំណុចភូមិល្វែងឫស្សី ឃុំជីក្រែង ស្រុកជី ក្រែងខេត្តសៀមរាប ហើយបានឃាត់ខ្លួនបានជាបន្តបន្ទាប់។
សមត្ថកិច្ច ប្រឆាំងគ្រឿងញៀន បានអោយដឹងថា ជនសង្ស័យដែលពាក់ព័ន្ធ ទៅនិងករណីជួញដូរគ្រឿងញៀន ដែលត្រូវបានសមត្ថកិច្ចឃាត់ ទី១ ឈ្មោះ រឿនគឹម ហ៊ាងភេទ ប្រុស កើតនូវឆ្នាំ១៩៩០មុខរបរ ធ្វើស្រែមានទីលំនៅ ភូមិព្រៃទទឹងឃុំល្វែងឫស្សី ស្រុកជីក្រែង ឃាត់ខ្លួននូវម៉ោង០០និង៣០នាទីថ្ងៃទី៤ ខែកក្កដា ឆ្នាំ២០១៦ ពីបទប្រើប្រាស់ ទី២ ឈ្មោះ ខៃ ហូរ ភេទ ប្រុស កើតនូវឆ្នាំ១៩៩៧ មុខរបរធ្វើស្រែមានទីលំនៅ ភូមិព្រៃទទឹងឃុំល្វែង ឫស្សី ស្រុកជីក្រែងឃាត់ខ្លួននូវម៉ោង០១និង២០នាទីថ្ងៃទី៤ខែកក្កដា ឆ្នាំ២០១៦ពីបទចាត់ចែង និងទី៣ ឈ្មោះ ទ្បម ថូណា កើតនូវឆ្នាំ ១៩៩៧ មុខរបរធ្វើស្រែ រស់នូវភូមិ ព្រៃទទឹងឃុំល្វែង ឫស្សី ស្រុកជីក្រែង ឃាត់ខ្លួននូវម៉ោង១២និង១០នាទីថ្ងៃទី៤ខែកក្កដា ឆ្នាំ២០១៦ពីបទប្រើប្រាស់។
បច្ចុប្បន្ន ជនសង្ស័យទាំង៣នាក់ រួមនឹងឧបករណ៍ ប្រើប្រាស់ថ្នាំញៀនមួយចំនួន និងទូរស័ព្ទដៃ ចំនួន០២គ្រឿង ត្រូវបានសមត្ថកិច្ចកសាងសំណុំរឿងបញ្ជូនទៅកាន់តុលាការ ដើម្បីចាត់ការតាមផ្លូវច្បាប់៕
![]()
![]()
![]()
![]()
![]()