មនុស្ស២នាក់រងរបួសធ្ងន់ ក្នុងករណីម៉ូតូ២គ្រឿងប្រលះគ្នាលាន់ដូចរន្ទះ
).jpg)
បន្ទាយមានជ័យ ៖ កាលពីវេលាម៉ោង៥ល្ងាច ថ្ងៃទី៣១ខែកក្កដា ឆ្នាំ២០១៦ មាន គ្រោះថ្នាក់ចរាចរណ៍មួយ បានកើតឡើង រវាងម៉ូតូ និងម៉ូតូ បុកគ្នាលាន់ដូចរន្ទះបណ្តាលឲ្យ ២នាក់ រងរបួសធ្ងន់ នៅចំណុចខាងលិចវេទិកា ខេត្តបន្ទាយមានជ័យ ស្ថិតក្នុងភូមិតារាងបាល់ សង្កាត់កំពង់ស្វាយ ក្រុងសិរីសោភ័ណ ខេត្ត បន្ទាយមានជ័យ ។
ករណីនេះ អាវុធហត្ថក្រុងសិរីសោភ័ណ បានឲ្យដឹងថា មុនពេលកើតហេតុ នោះមានម៉ូតូ១គ្រឿង ម៉ាកហុងដា C125ពណ៌ខ្មៅ សេរី២០១៣ ពាក់ស្លាកលេខ បន្ទាយមានជ័យ1H 3358 បើក ដោយឈ្មោះ ឆោម នាត ភេទប្រុស អាយុ២៣ឆ្នាំ រស់នៅភូមិពង្រ សង្កាត់កំពង់ស្វាយ ក្រុងសិរីសោភ័ណ បើកបរក្នុងទិសដៅពីកើតទៅលិច លុះបើកមកដល់ចំណុចកើតហេតុដោយល្បឿនលឿនក៏បានរេចង្កូត ទៅបុកពីក្រោយម៉ូតូ១គ្រឿងទៀតម៉ាកហុងដាC125 ពណ៌ខ្មៅ សេរី២០០៥ ពាក់ស្លាកលេខបន្ទាយមានជ័យ 1C 3385 បើកដោយឈ្មោះ សាំង មឿន ភេទប្រុស អាយុ៣៥ឆ្នាំ រស់នៅភូមិ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ បណ្តាលឲ្យឈ្មោះ សាំង មឿត របួសធ្ងន់ចំណែកអ្នកបុកគេឈ្មោះ ឆោម នាត ក៏បួសធ្ងន់ផងដែរ ។
លោក ភឿក ព្រហ្ម បានបញ្ជាក់ទៀតថា ក្រោយពីកើតហេតុរួចជនបង្ក និងជនរងង្គ្រោះត្រូវបានរថយន្តសង្គ្រោះ របស់កងរាជអាវុធហត្ថខេត្ត ដឹកបញ្ជូនទៅមន្ទីរពេទ្យបង្អែកសិរីសោភ័ណ ដើម្បីសង្គ្រោះជី វិត។ចំណែកម៉ូតូបង្កនិងម៉ូតូជនរងគ្រោះត្រូវបាននគរបាលចរាចរណ៍យកទៅរក្សាទុកនៅស្នងការនគរបាលខេត្តដើម្បីរងចាំធ្វើការដោះស្រាយនៅពេលក្រោយ៕
![]()
![]()
![]()
![]()
![]()