ថ្ងៃពុធ ទី១៩ ខែកញ្ញា ឆ្នាំ២០១៨ គេហទំព័រសម្លេងខ្មែរពិត || ទំនាក់ទំនងចាងហ្វាងការផ្សាយ លេខទូរស័ព្ទ ៖ 088 41 41 152 / 012 98 48 55
កសិករ​ខេត្តបណ្ឌលគិរី ​ត្អូញត្អែរ​​​​​​ពី​តម្លៃ​សណ្ដែក​បាយ​ធ្លាក់ចុះ ​,រីឯ​ទិន្នផល​ក៏​​ធ្លាក់ចុះ ​​
ថ្ងៃទី ២៩ ខែ កក្កដាឆ្នាំ ២០១៦​ ម៉ោង 02:53 PM
ដោយ សម្លេខខ្មែរពិត (ចំនួនអ្នកអាន: 356នាក់)




មណ្ឌលគិរី  ៖ ​ នៅ​ថ្ងៃទី​២៨ ខែកក្កដា ឆ្នាំ​២០១៦​ ​ប្រជា​កសិករ​ ​នៅ​ភូមិ​មេ​ប៉ៃ​ ឃុំ​ពូ​ជ្រៃ ​​ស្រុក​ពេជ្រ​ដា ​​  បាន​ត្អូញត្អែរ​ថា ​  តម្លៃ​សណ្ដែកបាយ ឆ្នាំនេះ​គឺ​មាន​តម្លៃថោក​ជាង​ឆ្នាំមុន ដោយ​កាល​ពី​ឆ្នាំ​២០១៥​ សណ្ដែកបាយ​០១​គីឡូក្រាម ​មានតម្លៃ​ប្រមាណ​៤​ពាន់​៥​រយ​រៀល ​  ប៉ុន្តែ​ក្នុង​ឆ្នាំ​២០១៦​នេះ  ​ តម្លៃ​សណ្ដែកបាយ​ក្នុង​០១​គីឡូក្រាម​លក់​បាន​ត្រឹមតែ​ពី​៣​ពាន់​ទៅ​ ៣​ពាន់​២​រៀល​ តែប៉ុណ្ណោះ​។  

​កសិករ ​ បន្តថា​  ស្រប​ពេលដែល​តម្លៃ​សណ្ដែក​ធ្លាក់ចុះ​បែបនេះ​   ចំណែក​អាកាសធាតុ ក៏​ប្រែប្រួល ថែមទៀត​  ធ្វើ​ឲ្យ​សណ្ដែក ​របស់លោក​មិនសូវ​ល្អ ​និង​បាន​ផល​តិច​។ ម្យ៉ាងទៀត​បើ​ប្រៀបធៀប ជាមួយ​ នឹង​ឆ្នាំ​កន្លងទៅ ដំណាំ​សណ្ដែកបាយ​ក្នុង​១​ហិកតា ​យ៉ាងហោចណាស់​ក៏​អាច​ប្រមូល​ផល​បាន​១​តោន​ដែរ ​ប៉ុន្តែ​ក្នុងឆ្នាំនេះ​ ចំការ​សណ្ដែកបាយ​របស់​លោក​៤​ហិកតា​  ប្រ​មូល​ផល​បានតែ​០១​តោន​ប៉ុណ្ណោះ​។

ប្រភពដដែល​ ​ បញ្ជាក់​ទៀត​​ថា ​ឆ្នាំនេះ ​លោក​ខាត​ច្រើន មិនអាច​ទប់ទល់​ជាមួយ​ការចំ​ណាយ​បានទេ ព្រោះ​ប្រមូល​ផល​បាន​តិច ​ដោយសារតែ​អាកាសធាតុ​ប្រែប្រួល​ និង​មាន​ភ្លៀង​ធ្លាក់​ខ្លាំង តម្លៃ​ធ្លាក់ចុះ ឯ​ការចំណាយ​ខ្ពស់​។

ទាក់ទង​នឹង​ករណីនេះ​ ប្រធាន​មន្ទីរ​កសិកម្ម​ខេត្តមណ្ឌលគិរី ​លោក សុង ឃាង ​បាន​ឲ្យ​ដឹងថា សម្រាប់​ ការបង្កបង្កើន​ផលដំណាំ​សណ្ដែកបាយ ​នៅ​ទូទាំង​ខេត្តមណ្ឌលគិរី ក្នុង​ឆ្នាំ​២០១៦​នេះ គឺមាន​ដាំ​លើ​ផ្ទៃដី​ប្រមាណ​៣​ពាន់​៤​រយ​៥០​ហិកតា ​បើ​ធៀប​នឹង​ឆ្នាំមុន​កើនឡើង​ចំនួន​៨៩​ហិកតា​។ ​ចំណែក​បញ្ហា​តម្លៃ​វិញ ​លោក​ទទួល​ស្គាល់ថា​ វា​ពិតជា​ធ្លាក់ចុះ​ពិតប្រាកដ​មែន ​ដោយ​ក្នុង​០១​គីឡូ​ក្រា ម​ថោក​ជាង​ឆ្នាំមុន​ប្រមាណ​១​ពាន់​រៀល​ឯណោះ​។

​ប្រធាន​មន្ទីរ​រូបនេះ​​  បញ្ជាក់ថា​ សម្រាប់​ឆ្នាំនេះ ចំការ​សណ្ដែកបាយ​មួយចំនួន​ ពិតជា​រងគ្រោះ​ដោយសារ​អាកាសធាតុ​មែន ​ដោយ​ពួកគេ​ដាំ​ចំ​ពេល​ភ្លៀង​ធ្លាក់​ខ្លាំង​  ធ្វើ​ឲ្យ​ចំការ​សណ្ដែកបាយ​របស់​គាត់​ពុំ​ទទួល​ទិន្នផល​ច្រើន​ឡើយ​។  ​តែ​ទោះជា​យ៉ាងណា​សម្រាប់​ទិន្នផល​រួម  ​ ចំពោះ​ការប្រមូល​ផល​ដំណាំ​សណ្ដែកបាយ​នេះ​នៅ​ទូទាំង​ខេត្ត ​គឺមាន​ការកើនឡើង​ជា​ង​ឆ្នាំមុន​។​ ឯ​ចំ​ការដែល​ទទួលរង​គ្រោះ​ដោយសារ​អាកាសធាតុ​ ពុំ​ទទួល​បាន​ទិន្នផល​ច្រើន​នោះ​ មាន​តិចតួច​ប៉ុណ្ណោះ​៕
 


ព័ត៌មានគួរចាប់អារម្មណ៍

លោក​ស្រីជា​ ខេង​ ប្រពន្ធ​លោក​ ស៊ុយ ​សែម​ រដ្ឋមន្រ្តីក្រ​សួងរ៉ែ និង​ថាមពលបូម​ខ្សាច់​នៅតំបន់​កោះថា​ស (01298855)

ព័ត៌មានគួរចាប់អារម្មណ៍

លោក បែន រ័ត្ន ស្នងការ​នគរបាល​ខេត្ត​ត្បូងឃ្មុំ​បើកភ្លើង​ខៀវ​ឲ្យ​មេ​ប៉ុស្ដិ៍​បឹង​ជ្រោង​លោក ធៀ​ម ដែន ហៅ​តក់​ធ្វើ​អ្វីៗ​តាម​អំពើ​ចិត្ត​មិន​ញញើត​និង​បទបញ្ជា​របស់​នាយករដ្ធមន្ត្រី​ហ៊ុន​សែន​? (សម្លេងខ្មែរពិត)

ព័ត៌មានគួរចាប់អារម្មណ៍

គ្រឿងចក្រ​សម្រុក​កាយ​ដី​ភ្នំ​ក្នុង​ភូមិសាស្ត្រ​ឃុំ​ភ្នំ​កុង​យ៉ាង​កក្រើក សង្ស័យ​មាន​ការឃុបឃិត​គ្នា​រវាង​អជ្ញាធរ​និង​ជំនាញ​ (សម្លេងខ្មែរពិត)

ព័ត៌មានគួរចាប់អារម្មណ៍

គ្រឿងចក្រ​កំពុង​ធ្វើ​សកម្មភាព​ជីក​កកាយ​ភ្នំ​អង្គរជ័យ​ជិត​រលាយ​ទៅហើយ ជំនាញ​អះអាងថា​កាយ​ភ្នំ​ដាំ​ដើមឈើ​វិញ​... (សម្លេងខ្មែរពិត)

ព័ត៌មានគួរចាប់អារម្មណ៍

លោកឈុន សុភមង្គល រងការរិះគន់ថា ធ្វើមិនដឹងមិនឮ ក្នុងការរកស៊ី រត់ពន្ធសាំង ហ្គាស និងទំនិញគ្រប់ប្រភេទ (សម្លេងខ្មែរពិត)

វីដែអូ