មនុស្ស២នាក់ស្លាប់ របួសធ្ងន់-ស្រាល២០នាក់ គ្រោះថ្នាក់ចរាចរណ៍ថ្ងៃទី២៧ ខែកក្កដា
ភ្នំពេញ ៖ ហេតុការណ៍ គ្រោះថ្នាក់ចរាចរណ៍នៅទូទាំងប្រទេសកើតឡើងចំនួន ១០លើក ( យប់ ៥លើក ) បណ្តាលអោយមនុស្សស្លាប់ ២នាក់ ( ប្រុស ) រងរបួសធ្ងន់ ១៨នាក់ ( ស្រី ៦នាក់ ) និងរបួសស្រាល ២នាក់ ( ប្រុស ) ។
នៅក្នុងហេតុការណ៍គ្រោះថ្នាក់ចរាចរណ៍ទាំង ១០លើកនេះ បណ្តាលឲ្យខូចខាតយានយន្ត សរុប ចំនួន ១៦គ្រឿង រួមមាន ម៉ូតូចំនួន ៦គ្រឿង រថយន្តធុនតូច ចំនួន ៥គ្រឿង រថយន្តធុនធំ ចំនួន ៣គ្រឿង យានផ្សេងៗ ចំនួន ២គ្រឿង និងអ្នកថ្មើរជើង ១នាក់ ។
ក្នុងរបាយការណ៍ បានឲ្យដឹងថា មូលហេតុដែលបណ្តាលឲ្យកើតមានករណីគ្រោះថ្នាក់ ចរាចរណ៍ រួមមាន ល្មើសល្បឿន ៥លើក ( ស្លាប់ ១នាក់) , មិនគោរពសិទ្ធិ ៣លើក ( ស្លាប់ ១នាក់ ) , ប្រជែងគ្រោះថ្នាក់ ១លើក , និងបត់គ្រោះថ្នាក់ ១លើក ។ ក្នុងនោះ អ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍ ៥នាក់ ( យប់ ៣នាក់ ) ។
គ្រោះថ្នាក់នៅលើដងផ្លូវ រួមមាន ផ្លូវជាតិ ចំនួន ៦លើក ផ្លូវខេត្ត-ក្រុង ចំនួន ៣លើក និងផ្លូវលំ ចំនួន ១លើក ដោយឡែកយានយន្តដែលបង្កហេតុ រួមមាន ម៉ូតូ ៣លើក រថយន្តធុនតូច ៣លើក និងរថយន្តធុនធំ ៣លើក និងយានផ្សេងៗ ១លើក ។
របាយការណ៍ ដដែលបានឲ្យដឹងទៀតថា ខេត្ត រាជធានី ដែលមានគ្រោះថ្នាក់ និងរងគ្រោះថ្នាក់ រួមមាន ខេត្តកណ្តាល ១លើក ស្លាប់ ១នាក់ ខេត្តក្រចេះ ២លើក ស្លាប់ ១នាក់ របួស ១នាក់ និងខេត្តបាត់ដំបង ១លើក របួស ១០នាក់ ( ស្រី ២នាក់ ) ។
របាយការណ៍ បានបន្ថែមទៀតថា លទ្ធិផលត្រួតពិនិត្យអនុវត្តច្បាប់ចរាចរណ៍ផ្លូវគោកឃើញថា យានយន្ត ដែលល្មើសសរុបទូទាំងប្រទេសមាន ចំនួន ៣៤៨៩គ្រឿង ក្នុងនោះបានធ្វើការអប់រំ ចំនួន ១៤៦៦គ្រឿង និងពិន័យសរុប ចំនួន ២០២៣គ្រឿង ។ នេះបើ យោងតាមរបាយការណ៍ពីនាយកដ្ឋានសណ្តាប់ធ្នាប់ នៃអគ្គស្នងការដ្ឋាននគរបាលជាតិ ចេញផ្សាយ កាលពីថ្ងៃទី២៧ ខែកក្កដា ឆ្នាំ២០១៦ នេះ ៕
![]()
![]()
![]()
![]()
![]()