ម្ដាយកំពុងរវល់ដាំបាយ ទុកឲ្យកូនដើរលេងម្នាក់ឯង លង់ទឹកស្រះ នៅមុខផ្ទះស្លាប់
).jpg)
សៀមរាប៖ ក្មេងម្នាក់បានលង់ទឹកស្រះនៅមុខផ្ទះស្លាប់ ខណៈម្ដាយកំពុងជាប់រវល់ដាំបាយមួយសន្ទុះ ហើយទុកឲ្យកូនដើរលេងម្នាក់ឯង បន្ទាប់មកបានបាត់កូនហើយដើររកឃើញកូន នៅក្នុងទឹកស្រះ ហើយបានហៅឲ្យអ្នកជិតខាងជួយ តែអកុសលក្មេងបានដាច់ខ្យល់ស្លាប់បាត់ទៅហើយ។
ហេតុការណ៍ភ្ញាក់ផ្អើលនេះ បានកើតឡើង វេលាម៉ោង១០ និង៣០នាទី ថ្ងៃទី២៦ ខែកក្កដា ឆ្នាំ២០១៦ ស្ថិត នៅក្នុងភូមិសាលា ឃុំកំពង់ក្តី ស្រុកជីក្រែង ខេត្តសៀមរាប។
នគរបាលស្រុកជីក្រែង បានឲ្យដឹងថា ក្មេងរងគ្រោះមានឈ្មោះ ហោះ លីហួ ភេទប្រុស អាយុ១ឆ្នាំ ៨ខែ ដែលមានឪពុកឈ្មោះ រ៉េត ហោះ អាយុ៣០ឆ្នាំ ចេញទៅប្រកបមុខរបរនៅខាងក្រៅ និងម្ដាយឈ្មោះ អ៊ុំ ម៉ៅ អាយុ៣៣ឆ្នាំ ជាស្ត្រីមេផ្ទះ មានទីលំនៅស្ថិតនៅក្នុងភូមិសាលា ឃុំកំពង់ក្តី ស្រុកជីក្រែង ខេត្តសៀមរាប ។
នគរបាល បានបន្តថា ក្រោយពីទទួលបានព័ត៌មានករណីខាងលើនេះ កម្លាំងសមត្ថកិច្ច ចុះទៅដល់កន្លែងកើតហេតុ ដើម្បីពិនិត្យសព ឃើញថាក្មេងរងគ្រោះពិតជាបានស្លាប់ដោយសារលង់ទឹកពិតមែន ។ បច្ចុប្បន្នសពត្រូវបានប្រគល់ជូនក្រុមគ្រួសាររៀបចំតាមប្រពៃណីសាសនា៕
![]()
![]()
![]()
![]()
![]()