រថយន្តធន់តូច បើកប្រលះ រថយន្ដធន់ធំ ពេញមួយទំហឹង ផ្ទុះឆេះ ស្លាប់ អាណោចអាធ័ម
).jpg)
កំពង់ឆ្នាំង ៖ ឧបទ្ទរហេតុគ្រោះថ្នាក់ចរាចរណ៍កើតឡើងគួរឲ្យរន្ធត់ ដោយ មានអណ្តាតភ្លើងឆេះយ៉ាងសន្ធោសន្ធៅ បន្ទាប់ពីរថយន្តតូយ៉ូតាព្រុស បានបុករថយន្តកុងតឺន័រ ពេញមួយទំហឹង បណ្តាលអោយអ្នកបើកបររថយន្តព្រុស គាបជាប់ស្លាប់ នៅក្នុងរថយន្ត កាលពីវេលាម៉ោង ៩និង៣០យប់ថ្ងៃទី២៤ ខែកក្កដា ឆ្នាំ២០១៦ នៅតាមបណ្តោយផ្លូវជាតិលេខ៥ ស្ថិតក្នុងភូមិអូរូង ឃុំតាជេស ស្រុកកំពង់ត្រឡាច ខេត្តកំពង់ឆ្នាំង ។
សមត្ថកិច្ច ចរាចរណ៍ស្រុកកំពង់ត្រឡាច បានឲ្យដឹងថា នៅមុនពេលកើតហេតុ មានរថយតូយូតាព្រុស មួយគ្រឿ ពាក់ស្លាកលេខភ្នំពេញ ២AI-៨៣៤៦ ធ្វើដំណើរពីជើងទៅត្បូង ក្នុងល្បឿនយ៉ាងលឿន នៅពេលមដល់ចំណុចកើតហេតុ ដែលជាកន្លែងផ្លូវកោង ក៏បានរេចង្កូតទៅបុករថយន្តកុងតឺន័រ ពាក់ស្លាកលេខភ្នំពេញ៣D-១៤២៦ ដែលកំពុងធ្វើដំណើរច្រាសទិសគ្នា បុកពេញមួយទំហឹង ផ្ទុះឆេះយ៉ាងសន្ធោសន្ធៅតែម្តង បណ្តាលអោយអ្នកបើកបររថយន្តតូយូតាព្រុស គាបជាប់នៅក្នុងរថយន្តឆេះស្លាប់តែម្តង ។
ក្រោយពេលកើតហេតុសមត្ថកិច្ចបានយករថយន្តពន្លត់អគ្គិភ័យរបស់អធិការដ្ឋាននគរបាលស្រុកមកពន្លត់ រហូតដល់ម៉ោងជាង១០យប់ ទើបអាចគ្រប់គ្រងស្ថានការណ៍បានទាំងស្រុង។
នគរបាល ចរាចរណ៍ បានបន្ដទៀតថា សពដែលស្លាប់នៅក្នុងរថយន្តព្រុស សមត្ថកិច្ចពុំស្គាល់អត្តសញ្ញាណនោះទេ ព្រោះសាកសពឆេះស្ទើរអស់ទៅហើយ ។ដូចនេះ លោកបានអំពាវនាវដល់ប្រជាពលរដ្ឋដែលបាត់សមាជិកគ្រួសារ អោយមករកនៅស្រុកកំពង់ត្រឡាច ៕
![]()
![]()
![]()
![]()
![]()