​ភ្នំពេញ​៖ ​យុវជន​ម្នាក់ ​ត្រូវ​រថយន្ត​បុក​ស្លាប់​ភ្លាមៗ នៅ​នឹង​កន្លែង​កើតហេតុ​បន្ទាប់ពី​បត់​ចូល​ស្ថានីយ​ចាក់​សាំង​ មួយ​កន្លែង​នៅ​កំណាត់​ផ្លូវជាតិ​លេខ​៦ (​ផ្លូវ​អាស៊ាន​ថ្មី​)​ ស្ថិត​ភូមិ​វាំង​ខាងជើង ឃុំ​តាំង​ក្រសាំង ស្រុក​សន្ទុក​ខេត្តកំពង់ធំ​ កាលពី​ល្ងាច​ថ្ងៃទី​២០ ខែកក្កដា ឆ្នាំ​២០១៦​។

សាក្សី​នៅ​កន្លែង​កើតហេតុ​ បាន​បញ្ជាក់ថា​ មុនពេល​កើត​រថយន្ត​សេរី​ទំនើប​មួយ​គ្រឿង​រ៉េ​ង រូ​វើ ​ពាក់​ស្លាក​លេខ ខម ​2 ៖ 8886 ​ចេញពី​ជើង​ទៅ​ត្បូង​ ស្រាប់​តែ​មាន​ម៉ូតូ​មួយ​គ្រឿង​ម៉ាក​ហុងដា​ឌ្រី​ម​សង់ C125 ពណ៌​ខ្មៅ ​ស្លាក​លេខ​កំពង់ធំ 1T៖ 0891 ចេញពី​ត្បូង​ទៅ​ជើង​បញ្ច្រាសទិស​គ្នា​ពេល​មកដល់​កន្លែង​កើតហេតុ អ្នកជិះ​ម៉ូតូ​ក៏បាន​បត់​ចូល​ស្ថានីយ​ចាក់​សាំង​ ដោយ​មិន​មើល​ឆ្វេង​ស្តាំ ក៏ត្រូវ​រថយន្ត ជាន់​ហ្វ្រាំង​​មិនទាន់​បណ្តាល​ ​ឱ្យ​បុក​ពេញទំហឹង​ បែកក្បាល​ធ្លាយ​ខួរ​ស្លាប់​ នៅ​នឹងកន្លែង​កើតហេតុ​ភ្លាមៗ​តែម្តង​។

ជន​រង​ឈ្មោះ​ ប៉ន ប៉ុន ជា​សិស្ស​រៀន​ថ្នាក់​ទី​11 C សាលា​វិទ្យាល័យ​តាំងក្រសាំង ​ភេទ​ប្រុស​អាយុ ១៩​ឆ្នាំ ទីលំនៅ​ភូមិ​ផ្លុ​ង ​ឃុំ​ប្រាសាទ ស្រុក​សន្ទុក ខេត្តកំពង់ធំ​ ។ ចំណែក​ម្ចាស់​រថយន្ត​សេរី​ទំនើប ឈ្មោះ​​ឧត្តមសេនីយ៍ត្រី ​ស័ន​ ​​សម្បត្តិ ​នាយ​រងសរុប ​អគ្គលេខាធិការដ្ឋាន ​ក្រសួងការពារជាតិ​ ​អាយុ​ ៤៨ ឆ្នាំ​​។​ បន្ទាប់ពី​បង្ក​ឲ្យ​មាន​ករណី​គ្រោះថ្នាក់​ចរាចរណ៍​បណ្តាល​ឲ្យ​មាន​មនុស្ស​ស្លាប់ ​ឧត្តមសេនីយ៍ត្រី ​ស័ន​ ​​សម្បត្តិ​ បាន​យក​រថយន្ត​ទៅ​ទុក​ក្នុង​បន្ទាយ​របស់​ខ្លួន​ នៅ​ឃុំ​តាំងក្រសាំង​ដោយ​ហាម​មិន​ឲ្យ​អ្នកសារព័ត៌មាន​ថតរូប​រថយន្ត​ឡើយ​។

បច្ចុប្បន្ន​ម៉ូតូ​យកទៅ​រក្សា​ទុក​នៅ​អធិការដ្ឋាន  ​នគរបាល​ស្រុក​សន្ទុក​ រី​ឯក​រថយន្ត​ត្រូវ​បាន​យក​ទុក​នៅ បន្ទាយ ​របស់​កង​រាជ​អាវុធ​ហត្ថ​លើ​ផ្ទៃ​ប្រទេស រីឯ​សាកសព​ជនរងគ្រោះ​ឪពុក​ម្តាយ​យកទៅ​ធ្វើបុណ្យ​តាម​ប្រពៃណី​៕